د اندراګاندي روغتون د تنفسي څانګې مسوول سیفالله عباسین وايي، د کابل ککړې هوا په دې وروستیو کې پر تنفسي ناروغیو د خلکو د اخته کېدو کچه لوړه کړې ده.
هغه سلاموطندار ته ویلي: «د مني په پای او د ژمي په پیل کې د ککړې هوا له کبله د ماشومانو د ناروغۍ او مړینې کچه لوړېږي. اوس د ماشومانو د ناروغېدو او مړینې کچه ۹۰ سلنه لوړه شوې ده.»
د افغانستان کرېکټ ملي لوبډلې نن د سریلانکا له ملي لوبډلې سره خپله درېیمه یوورځنۍ پنځوساوریزه لوبه وکړه.
په دې لوبه کې افغانستان لومړی توپوهنه وکړه او سریلانکا ته یې د ۳۱۴ منډو لوړ هدف وټاکه، خو د سریلانکا کرېکټ لوبډلې په وروستي اوور کې د افغان لوبډلې هدف پوره او په دې سره یې لوبه په خپل نوم کړه.
د هرات دوهورځنۍ امنیتي غونډه چې د تاجکستان په پلازمېنې دوشنبه کې جوړه شوې وه، نن پای ته ورسېده. په دې غونډه کې د افغانستان د جیوپولیټیک او سیمهييزې اجماع، اپارټاید او د افغان ښځو وضعیت، ترهګرۍ او تاوتریخوالي، کلتوري میراثونو، ګډ ژوند او سیمهييزه همکاري، د افغانستان د راتلونکې په اړه د نړیوالې ټولنې مسوولیت او تګلارې په اړه خبرې اترې شوې دي.
د سمنګان په مرکز اړوند یوې دیني مدرسه کې د چاودنې له کبله لس کسان وژل شوي او یوشمېر نور ټپیان دي.د کورنیو چارو وزارت ویاند عبدالن افع ټکور څو شېبه وړاندې پر خپله ټوېټرپاڼه لیکلي چې نن له غرمې وروسته د سمنګان د مرکز ایبک ښار په یوه دیني مدرسه کې چاودنه شوې ده.
په کابل کې پر نشهيي توکو یوشمېر روږدي کسان وايي چې د بېوزلۍ او وزګارتیا له کبله یې د نشهيي توکو کارولو ته مخه کړې ده. جمیل چې نشهيي توکي کاروي، وايي، د یوې درې کسیزې کورنۍ یوازینی سرپرست دی او د اقتصادي ستونزو له کبله یې د نشهيي توکو کارولو ته مخه کړې.
د انګلستان د کرېکټ ملي لوبډله چې دا مهال په راولپنډۍ کې ده، یوشمېر لوبغاړي یې د خوړو له امله ناروغان شوي او ښايي د دواړو لوبډلو ترمنځ لومړۍ ټسټ لوبه یوه ورځ وځنډېږي.
د نیوزیلنډ په کوربهتوب د دغه هېواد او د هند د کرېکټ ملي لوبډلې ترمنځ درېیمه یو ورځنۍ لوبه د باران له امله بېپایلې اعلان شوه او دواړو لوبډلو ته په مساوي توګه امتیازونه ورکړل شول.
د پاکستان په بلوچستان ایالت کې د یوه ځانمرګي برید له امله د پولیسو د یوه افسر په ګډون درې کسان وژل شوي او ۲۳ نور ټپیان دي.
د افغانستان د کرېکټ ملي لوبډله نن چهارشنبه د لیندۍ نهمه له کوربه سریلانکا لوبډلې سره درېیمه او وروستۍ یو ورځنۍ لوبه کوي. ټاکل شوې چې دغه سیالي نن ۱:۳۰ بجې پیل شي.
د قطر په کوربهتوب د ۲۰۲۲ نړیوال جام په ګروپ پړاو سیالیو کې بېګاه شپه څو لوبې ترسره شوې چې مهمې سیالي کې امریکا ایران ته یو پر صفر ماته ورکړه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
