د کابل امنیتي مسوولان وايي چې یوه کس د پلازمېنې نهمې امنیتي حوزې اړوند د خواجهرواش په یوه جومات کې د توپانچې په وسیله د یوې کورنۍ پنځه غړي وژلي او یو بل کس ټپي شوی دی.
د کابل د امنیې قومنداني ویاند خالد ځدراڼ نن چهارشنبه د لیندۍ دویمه سلاموطندار ته ویلي چې د لومړنیو معلوماتو له مخې، یاده پېښه د شخصي دښمنۍ له امله رامنځته شوې ده.
خالد ځدراڼ دا نه دي ویلي چې دغه پېښه څه وخت شوې، خو یوې سرچینې ویلي چې پېښه نن سهار رامنځته شوې ده.
د کابل د امنیې قومنداني د ویاند په وینا، د یادې پېښې د عاملانو د نیولو هڅې روانې دي.
سلاموطندار پر ټوېټرپاڼه هم وڅارئ
د یادونې وړ ده چې له دې وړاندې د هېواد په ځینو ولایتونو کې د شخصي دښمنۍ او کورني تاوتریخوالي له امله ورته پېښې رامنځته شوي چې پر مهال ځینې کسان وژل شوي او ټپیان شوي هم دي.
