د روزګان په مرکز ترینکوټ کې ۳۵ کلن جانان چې ۱۰ کاله وړاندې د ماین چاودنې ښکار شو او په یوه پښه ګوډ شو، خو همت یې له لاسه ور نهکړ او له پنځو کلونو راهیسې یې سلګونو ځوانانو ته د سپورټ اسانتیاوې برابرې کړې دي.
د لوګر محلي مسوولان وايي، د دغه ولایت استیناف محکمې نن د خلکو پر وړاندې د درېوو ښځو په ګډون، ۱۷ کسان چې په بېلابېلو جرمونو ګرم پېژندل شوي وو، په دُرو ووهل.
نړیوال بانک د اسلامي امارت تر واکمنۍ لاندې د ژوند شرایطو ارزولو په اړه د تازه سروې پایله کې ویلي چې افغانستان کې د ژوند شرایط اوس هم سخت دي. دا سروې چې د روان ۲۰۲۲ کال په جون او اګېسټ میاشتو کې شوې، پهکې راغلي چې د هرو درېوو افغان کورنیو له ډلې دوه یې په سختۍ د اړتیا وړ توکي چې خواړه هم پهکې شامل دي، ترلاسه کوي.
د کندهار د والي ویاند حاجي زید سلاموطندار ته ویلي چي یوه ۱۶ کلن هلک د دغه ولایت د څلورمې امنیتي حوزې اړوند د خوشکیار کرنیز مارکېټ په دویم پوړ کې ځان را ځړولی او وژلی دی.
د پکتیا ګمرک مسوولان وايي، په ډنډپټان ولسوالي کې له پاکستان سره د دروازې له تړلکېدو وروسته د یاد ولایت د ګمرک عواید کم شوي دي.
د پکتیا د ګمرک مرستیال مصطفی سلاموطندار ته ویلي، ډنډپټان کې د خرلاڅي دروازې د تړلکېدو له کبله د ګمرک عواید د ورځې له ۴۵میلیونه افغانۍ څخه دوه نیم میلیونه افغانیو ته کم شوي.
د چارو ادارې د تدارکاتو ریاست نن چهارشنبه د لیندۍ دویمه عامې روغتیا وزارت ته ۱۲۵ نوي امبولانسونه وسپارل. د دغه امبولانسونو د پېرلو قرارداد
د عامې روغتیا وزارت وايي، د هېواد په ختیځو ولایتونو ننګرهار، لغمان، کونړ او نورستان کې یې له پنځو کلونو څخه کم عمر لرونکو ماشومانو ته د پولیو یا ګوزڼ ضد واکسین کمپاین پیل کړی دی.
د کابل امنیتي مسوولان وايي، د نهمې امنیتي حوزې اړوند د خواجهرواش سیمې په یوه جومات کې یوه کس د یوې کورنۍ پنځه غړي وژلي او یو بل کس یې ټپي کړی دی.
د کابل د امنیې قومنداني ویاند خالد ځدراڼ نن چهارشنبه د لیندۍ دویمه سلاموطندار ته ویلي، د لومړنیو معلوماتو له مخې، یاده پېښه د شخصي دښمنۍ له امله رامنځته شوې ده.
د زابل محلي مسوولان وايي چې دغه ولایت کې د سپیو له لوري د خلکو داړل زیات شوي دي.
د زابل د عامې روغتیا رییس عبدالحکیم حکیمي وايي چې په تېرو دوو میاشتو کې دغه ولایت کې سپیو ۹۰کسان داړلي چې له ډلې یې دوه کسان مړه شوي دي.
د ملګروملتونو د بشردوستانه مرستو د همغږۍ دفتر (اوچا) ویلي چې افغانستان کې څه باندې ۲۴ میلیونه افغانان سړې هوا سره د مبارزې لپاره بېړنیو مرستو ته اړتیا لري. په ورته مهال اوچا ویلي چې د توکو د بیو لوړوالي سره هممهاله د ۲۴ میلیونه افغانانو اړتیا ډېره شوې او دوی په بېړنۍ توګه ګرمو جامو، سرپناه او د ځانونو د ګرمېدو لپاره نغدو پیسو ته اړتیا لري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
