د هرات استخباراتو د یوې خبرپاڼې په خپرولو سره ویلي چې د دغه ریاست ځواکونو یاد ولایت کې د عملیاتو پر مهال پنځه داعشیان وژلي دي.
د خپرې شوې خبرپاڼې له مخې، دغه عملیات بېګاه شپه د لړم ۲۴مه د هرات ښار په «ملاباباجي» سیمه کې د داعش ډلې د غړیو پر یوه پټنځای شوي دي.
په ورته مهال خبرپاڼه کې راغلي چې په وژل شویو کې بهرني وګړي هم شامل دي.
دا په داسې مهال دی چې د استخباراتو عمومي ریاست دوه ورځې مخکې د کابل په خیرخانې سیمه کې د داعش ډلې پر یوه پټنځای د عملیاتو خبر هم ورکړی و.
سلاموطندار پر ټویټر هم وڅارئ
که څه هم اسلامي امارت افغانستان کې د داعش ډلې حضور جدي ګواښ نه ګڼي، خو په تېره یوه کال کې یې په وار وار د یادې ډلې پر ضد د عملیاتو خبر ورکړی دی.
