تېره دوشنبه محمدداوود لغماني د فاریاب ولایت د پوځ په لومړۍ لوا کې د دغه ولایت د نوي والي په توګه وټاکل شو چې ورسره د فاریاب ولایت اوسېدونکو د اعتراض په توګه یې د ولایت مقام دروازه وتړله او د اعتراض خېمه یې ووهله. فاریاب ته د نوي والي د ټاکل کېدو په غبرګون کې د اعتراضونو دوام د ولسي جرګې د یوشمېر غړو اندېښنې هم راپارولي دي.
د ولسي جرګې د دفاعي چارو کمېسیون نن د دې جرګې عمومي غونډه کې د بهرنیو ځواکونو د وتلو په اړه یوې اعلامیه کې وویل چې ناټو او امریکايي ځواکونه په مسوولانه توګه د دوه اړخیزه تړون له مخې افغانستان ته راغلي وو او وتل یې هم باید مسوولانه وي.
ولسي جرګې د یوې خبرپاڼې په خپرولو سره د دې جرګې د غړي محمد عارف رحماني هغه ادعا چې د رسنیو پر وړاندې د ملي امنیت عمومي رییس احمد ضیا سراج د خبرداري په اړه یې کړې وه رد کړه.
د ولسي جرګې د خبرپاڼې پراساس چې د دې جرګې د عمومي رییس میر رحمان رحماني په فېسبوګپاڼه کې خپره شوې پکې ویل شوي چې په ولسي جرګې کې د ملي امنیت عمومي رییس د چهارشنبې ورځې په ناسته کې، د رسنیو د بیان پرازادۍ محدودیت او پر رسنیزو فعالیتونود بندیزونو په اړه هېڅ راز خبرې نه دي شوي.
ولسي جرګې د امنیت خرابوالي او د امنیتي ځواکونو پر پوستو د وسلهوالو طالبانو پر بریدونو اندېښنه څرګنده کړې ده.
د ولسي جرګې په نننۍ عمومي ناسته کې د دې جرګې غړي وایي، د ناامنیو زیاتوالی او د وسلهوالو طالبانو د بریدونو زور اخیستل د هېواد امنیتي وضعیت د خرابوالي لپاره د خطر زنګ دی او دا د دې ښکارندویي کوي چې امنیتي او دفاعي ادارې د هېواد امنیتي وضعیت د ښهوالي لپاره کوم پلان نه لري.
په ولسي جرګه کې د میدان وردګ ولایت استازی مهدي راسخ وايي، تېره ورځ پرې د میدان وردګ ولایت د بهسودو لومړۍ برخې ولسوالي کې برید شوی دی.
د ولسي جرګې غړیو نن د دې جرګې په عمومي غونډه کې له طالبانو وغوښتل چې خپلې غوښتنې په روښانه ډول شریکې کړي. دوی له افغانستانه د بهرنیو ځواکونو د وتلو هرکلی وکړ او زیاته یې کړه چې د طالب ډلې یوه غوښتنه هم عملي کېږي. د ولسي جرګې غړیو پر طالبانو غږ وکړ چې له شته فرصت نه ګټه واخلي او له افغانانو او افغان دولت سره یوځای شي.
د راپورونو له مخې، ټاکل شوې څلور ورځې وروسته د روانې اپرېل میاشتې په شپاړسمه د ترکیې په استانبول کې د افغان سولې په اړه غونډه جوړه شي.
د ولسي جرګې نننۍ عمومي غونډه کې یو شمېر وکیلانو ټینګار وکړ چې د افغان سولې په اړه د استانبول کېدونکې غونډې ته دې د ډېرو طرحو د وړاندې کېدو مخه ونیول شي او د دولت له ادرسه دې د سولې په اړه واحده طرحه وړاندې شي. دوی وغوښتل چې د افغان حکومت له لوري د سولې وروستۍ طرحه دې ولسي جرګې سره هم شریکه شي.
د ولسي جرګې یو شمېر غړو خپله نننۍ عمومي غونډه کې پر مالیې وزارت نیوکې وکړې چې ګڼ شمېر دولتي ادارو ته یې ویلي، ۱۴۰۰ مالي کال کې پر هغو پراختیایي پروژو چې د بوديجې سند کې شاملې هم دي، د دغه وزارت له اجازې پرته کار پیل نهکړي.
د يادې جرګې غړي مامور احمدزي وویل، د روان کال د حمل میاشتې په لسمه نېټه مالیې…
د ولسي جرګې یوشمېر غړیو په دولتي ادارو کې د سرپرستانو د کار پر دوام نیوکه وکړه. د دې جرګې یوشمېر غړيو د هغو نوماندوزیرانو د کار دوام د اساسي قانون خلاف وباله چې د وکیلانو د باور رایه یې نه ده اخیستې. د دوی په وینا، سره له دې چې ولسمشر ورسره ژمنه کړې وه چې ژر به نوي نوماندوزیران ور وپېژني، خو د څو میاشتو په تېرېدو سره سره یې بیا هم دغه کار نه دی کړی.
د تخار ولایت یو شمېر اوسېدونکي د ۱۴۰۰ مالي کال د بوديجې سند کې د یادو شویو پراختیایي پروژو څخه په نیوکې سره وایي، د هر ولایت استازي د هماغه ولایت مسوولیت پر غاړه لري او فکر یې باید تر یو شمېر ځانګړو ولسوالیو محدود نه وي.
د ولسي جرګې یوشمېر غړیو نن د دې جرګې په عمومي غونډه کې د احصایې او معلوماتو ملي ادارې د هغې پرېکړې په غبرګون کې چې د برښنایي پېژندپاڼو په نوملړ کې یې ۵۴ نور قومونه ور زیات کړي وویل، دا پرېکړه نامسلکي ده او د خلکو په ګټه هم نه ده.
ولسي جرګې له ژمنیو رخصتیو او د ۱۷مې تقنینې دورې د درېیم کال له پرانېستغونډې وروسته د دې جرګې د مرستیالانو او منشیانو د ټاکلو لپاره ټاکنې وکړې.
د ولسي جرګې ۲۲۷ غړیو په دغو ټاکنو کې خپلې رایې وکارولې چې د یادو څوکیو لپاره هر نوماند باید د بریا لپاره ۱۱۴ ټاکنې ګټلې وای.
د ولسي جرګې رییس میر رحمان رحماني وايي، حکومت باید نور د سرپرستۍ فرهنګ ته د پای ټکی کېږدي. نوموړي چې د نن د ملي شورا د اوولسمې تقنیني دورې د درېیم کال په پرانېستغونډه کې خبرې کولې وویل، حکومت باید د مدیریتي تشې ډکولو او د چارو د ښه تنظیم لپاره نوي نوماندوزیران جرګې ته ور وپېژني.
ولسي جرګې د ۱۴۰۰ مالي کال بودیجې له دوه ځله ردولو وروسته بالاخره نن دا بودیجه د رایو په ډېروالي سره تصویب کړه.
د ولسي جرګې د مالي او بودیجې کمېسیون غړي وايي چې د ۱۴۰۰ مالي کال د بودیجې په درېیمه مسوده کې د دې جرګې د غړیو ډېری غوښتنې او وړاندیزونه په پام کې نیول شوي دي.
د کابل لسګونو اوسېدونکيو نن د ولسي جرګې تالار مخې ته د هدفي وژنو له زياتوالي په اندېښنې په يوه اعتراضيه راټولېدنه کې دولت په کمکارۍ تورن کړ او ويې ويل، یو شمېر دیني عالمان، خبریالان او مدني فعالان په مرموزه توګه وژل کېږي او دولت يې د دوسيو څېړلو کې ځنډ کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
