هرات کې حق الزحمه ښوونکو د معاشونو د نه ورکړې له امله اعتراض کړی
له نږدې دوه اوونیو راپدېخوا په هرات ولایت کې د حقالزحمه ښوونکو د معاشونو د نه ورکړې له امله دغه ښوونکو کاربندیز اعلان کړی او نن په دغه ولایت کې یوه اعتراضیه غونډه رابللې وه.
له نږدې دوه اوونیو راپدېخوا په هرات ولایت کې د حقالزحمه ښوونکو د معاشونو د نه ورکړې له امله دغه ښوونکو کاربندیز اعلان کړی او نن په دغه ولایت کې یوه اعتراضیه غونډه رابللې وه.
د افغان دولت او ترکمنستان هېواد یو ګډ پلاوی پر اوو مهمو موضوعاتو بحث کوي. دا غونډه نن په هرات کې د دواړو هېوادونو د بهرنیو چارو وزیرانو په مشرتابه پیل او دوه ورځې به دوام وکړي.
د هرات والي سیدعبدالوحید قتالي وایي، د دغه ولایت په فارسي ولسوالي کې د امنیتي ځواکونو او وسلهوالو طالبانو ترمنځ د نښتو له امله د دې ولسوالي امنیه قومندان او یو سرتېری وژل شوي او ۵نور ټپیان دي.
د کرنې اوبو لګولو او مالدارۍ وزارت نن د هرات-اسلامقلعه پر لویه لار د مسلخ په سیمه کې د څارویو د حلالولو معیاري ځای یا مسلخ ګتې اخیستنې ته وسپاره.
نن د هرات ولایت د ګمرکونو ریاست مخې ته د دغه ولایت د سوداګرۍ او صنایعو خونه، د زعفرانکارانو ټولنې، سوداګرو مېرمنو او د مدني ټولنو یوشمېر غړو په یوې خبري ناسته کې د هېواد په ګمرکونو په ځانګړې توګه د هرات په ګمرک کې د پراخ فساد له امله، خپل اعتراض څرګند کړ.
د هرات ولایت په اسلام قلعه ګمرک کې د زیانمنو شویو موټرچلوونکو استازي بصیر ارین نن په دغه ولایت کې په یوې خبري غونډه کې وویل چې له درې نیمو میاشتو عدالت غوښتنې وروسته په دې بریالي شوي چې دوه ورځې وړاندې له دولت سره هوکړې ته ورسېږي او په وینا یې، دولت دا منلې چې زیانمنو شویو موټرچلوونکو ته به د غرامت په توګه ۸میلیونه ډالر ورکوي.
د نجونو د میاشتني عادت نړیوالې روغتیایي ورځې سره هممهاله، نن د هرات په ښوونځیو کې د میاشتني عادت پرمهال د نجونو له لوري روغتیا ته د پاملرنې د څرنګوالي په اړه د عامه پوهاوي کمپاین جوړ شوی دی.
د هرات د صنایعو او سوداګرۍ مسوولانو درې کاله وړاندې په رسمي ډول د دغه ولایت هوايي دهلېز پرانېست او په لومړي ځل ترې هند ته صادرات پیل شول، خو اوس د هرات د صنایعو او سوداګرۍ مسوولان او یوشمېر سوداګر وايي، د دغه ولایت هوايي دهلېز یوازې په نوم پرانېستل شوی او د سوداګریزو توکو د لېږد په برخه کې هېڅ ډول خدمات نه لري.
د هرات په ادرسکن ولسوالي کې یوه باوري سرچینه چې نه غواړي نوم یې یاد شي، سلاموطندار ته ویلي چې طالبانو پرون سهار د دغې ولسوالي د پوځ سرتېرو د کنډک په ۵۰۰ مترۍ کې یوه ۲۵ کلنه ښځه په صحرايي محکمه کې وژلې ده.
په هرات کې یوه باوري سرچینه سلاموطندار ته وایي چې د ملا رسول په مشرۍ د طالبانو د جلا شوې ډلې مرستیال ملا عبدالمنان نیازی تېره شپه په کابل کې مړ شوی دی. د سرچینې په وینا، ملا نیازی له هرات څخه کابل ته د درملنې لپاره راوړل شوی و.
ملا نیازی د تېرې اوونۍ د سه شنبې په ماښام، د هرات د ګذرې ولسوالي اړوند په «میرداوود» سیمه کې له وسلهوالو کسانو سره په نښته کې ټپي شوی و. په دې نښته کې د ملا نیازي درې کسان هم وژل شوی دي. خو په هرات کې یوه امنیتي سرچینه وایي، ملا نیازی په هماغه شپه چې ټپي شوی و، مړ شوی؛ خو د طالبانو جلا شوې ډلې د نوموړي د مرګ خبر پټ ساتلی و.
د کوچني اختر له را رسېدو سره هممهاله په ښار او بازار کې د ښاریانو ګڼهګوڼه او د روغتیایي لارښوونو له هغې ډلې ټولنیز واټن په پام کې نه نیول، پرکورونا ویرووس د اخته کسانو شمېر ډېر کړی دی.
د هرات والي سیدعبدالوحید قتالي وایي، د دغه ولایت د پښتون زرغون ولسوالي په یوه جومات کې د ځانمرګي واسکټونو جوړولو پر مهال چاودنې ۲۰ وسلهوالو طالبانو ته مرګژوبله اړولې ده.
د نوموړي په وینا، دغو وسلهوالو نن سهار د پښتون زرغون ولسوالي د «ماراباد» کلي .
د هېواد په لوېدیځ زون کې د جګړو یوشمېر هغه قربانیان چې په جګړو کې یې د خپل وجود غړي له لاسه ورکړي، نن په هرات کې د یوې خبري غونډې پر مهال د جګړو له ښکېلو اړخونو وغوښتل چې د کورنیو او میندو په خاطر دې له جګړې او وینې تویېدنې لاس واخلي او سوله دې وکړي.
هرات چې مخکې د هېواد د امن ولایتونو له ډلې یو و، خو اوس د نورو په څېر د طالبانو د سختو بریدونو شاهد دی.
د هرات د ملکیانو خوندیتوب ډلې نن له یوشمېر مدني ټولنو سره د ګډې خبري غونډې پر مهال په دغه ولایت کې د طالب ډلې د بریدونو زیاتوالي او ملکیانو ته د مرګژوبلې اوښتو په اړه اندېښنه ښيي او وايي، د تېر کال د تلې میاشتې له لومړۍ نېټې راهیسې ۷۳ ملکیان یوازې په هرات کې وژل شوي دي.
نن سهار د هرات ښار شمال لوري ته د کمرکلاغ سیمې د اوبلنو ګازو په شرکت کې د یوه ټانکر خالي کولو پر مهال اورلګېدنې شوې چې له کبله یې د ګازو دوو شرکتونو ته مالي زیان اوښتی دی.
هرات کې د ګازو واردوونکو اتحادیې رییس ظاهرشاه توخي وايي، په یاده اورلګېدنه کې د ګازو له ۱۵ تر ۲۰ خالي ټانکرونه، د دوو شرکتونو تاسیسات او د ګازو یوه زېرمه له منځه تللې ده.
له یوې اوونۍ راهیسې د هغو باروړونکو موټرو مالکانو چې د اسلامکلا ګمرک کې د اورلګېدنې له کبله سوځېدلي وو او تاوان یې نه ده ورکړل شوی، د هرات–اسلامکلا او هرات–تورغونډۍ لویې لارې د ټرافیکو پر مخ تړلي او له خوراکي توکو او تېلو سلګونه ډک موټر په ګمرک او له پولې هغې غاړې ته ولاړ دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون