سوېلي افریقا دویمه یو ورځنۍ لوبه کې هم انګلستان مات کړ

د انګلستان او سوېلي افریقا د کرېکټ ملي لوبډلو ترمنځ د ۲۰۲۳ کال د یو ورځنیو سیالیو نړیوال جام ته د لارموندنې یا «سوپرلیګ» سیالیو په لړ کې سوېلي افریقا په دوو پرله‌پسې لوبو کې انګلستان ته ماته ورکړه.

سوېلي افریقا لوبډلې بېګانۍ لوبه کې د ټېمبا بافووما د سلیزې پر مټ انګلستان ته په پنځو وېکټو ماته ورکړه.

د فوټبال نړیوال جام د نیمه پای‌لوبو څلور لوبډلې په ډاګه شوې

د قطر په کوربه‌توب د فوټبال نړیوال جام له کوارټرفاینل په زړه پورو سیالیو وروسته د نیمه پای‌لوبو څلور لوبډلې په ډاګه شوې.

ارجنټاین، کرواشیا، فرانسه او مراکش هغه لوبډلې دي چې کوارټر فاینل کې یې خپل سیالان مات کړل او نیمه پای‌لوبې ته ووتل.

د فوټبال نړیوال جام؛ نن شپه د کوارټر فاینل پړاو پیلېږي

د قطر په کوربه‌توب د فوټبال نړیوال جام سیالیو په لړ کې نن شپه د یاد نړیوال جام کوارټر فاینل لوبې پیلېږي.

اتو لوبډلو خپلو سیالانو ته په ماتې ورکولو سره دغه پړاو ته لاره پیدا کړې او نن شپه به یې څلور لوبډلې نیمه پای‌لوبې ته د تلو لپاره له یوه بل سره سیالي وکړي.

د فوټبال نړیوال جام؛ نن شپه د ۱۶ غوره لوبډلو پړاو پای ته رسېږي

د فوټبال نړیوال جام د ۱۶ غوره پړاو سیالیو په لړ کې نن د مراکش لوبډله له اسپانیا او پرتګال له سویزرلنډ سره لوبه کوي. بېګاه شپه د دغو سیالیو په لړ کې کرواشیا جاپان او برازیل سوېلي کوریا ته ماته ورکړه او کوارټر فاینل ته یې لاره پیدا کړه.

هند نړیوال جام کې زمبابوې ته ماته ورکړه

د هند کرېکټ ملي لوبډلې نن د سوپر ۱۲ پړاو په وروستۍ لوبه کې زمبابوې لوبډلې ته د ۷۱ منډو په ماتې ورکولو سره په خپل ګروپ د لومړۍ لوبډلې په توګه نیمه پایلوبې ته لار پیدا کړه.