روغتیا وزارت: ناروغان باید له دې وروسته په دولتي روغتونونو کې هم فیس ورکړي

د عامې روغتیا وزارت مسوولان وايي، ټاکل شوې له دې وروسته د روغتیایي سکټور د پیاوړتیا، پر ځان‌ بسیاینې او معیاري کېدو په موخه دولتي روغتونونو کې هم له ناروغانو څخه څه‌ناڅه پیسې واخیستل شي. خو یوشمېر هېوادوال چې د ناروغۍ د درملنې پر مهال یې ټوله تکیه پر دولتي روغتونونو ده او د فیس ورکولو وسه نه لري، شکایت کوي چې که عامې روغتیا وزارت خپلې تازه پرېکړې عملي کړې، د دوی اقتصادي ستونزې به لا زیاتې کړي.

هرات ښار کې د کارګرو ماشومانو د شمېر زیاتېدو په اړه اندېښنې

د هرات ښار یو‌شمېر اوسېدونکي دغه ښار کې د کارګرو ماشومانو د شمېر زیاتېدو په اړه د اندېښنې ترڅنګ وايي چې هرات ښار کې ګڼ‌شمېر ماشومان پر درنو کارونو او د «کباړ» پر راټولولو بوخت دي. یوشمېر دغه کارګر ماشومان بیا وايي، د اقتصادي ستونزو او بې‌وزلي له امله اړ دي چې درانه کارونه وکړي.

بغلان کې ناپېژنده وسله‌والو یو کس وژلی

د بغلان امنیتي مسوولان وايي چې دغه ولایت کې یو کس د ناپېژنده وسله‌والو له لوري وژل شوی دی.

پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.

د کورونا اتمه څپه؛ د افغان‌-‌جاپان روغتون مسوولان: دا څپه له تېرو هغو ګواښوونکې ده

د افغان‌‌–‌جاپان روغتون مسوولان په هېواد کې پر کورونا ناروغي د اخته کسانو د شمېر زیاتوالي خبر ورکوي او وايي، د کورونا روانه اتمه څپه د تېرو هغو په پرتله ګواښوونکې ده او پرې د اخته کسانو روغتیايي وضعیت هم د اندېښنې وړ دی. د مسوولانو په خبره، په دې څپه کې له نیمايي ډېر هغه کسان هم پر کورونا اخته شوي چې مخکې پرې اخته وو.

بادغیس کې د موټر چپه کېدو پېښه کې پنځه کسان مړه او نهه نور ټپیان شوي

د بادغیس امنیتي مسوولان وايي، د هرات‌-‌میمنې پر لویه لاره د یوه لنډکروزر موټر د چپه کېدو پېښه کې د ماشومانو په ګډون، پنځه کسان مړه او نهه نور ټپیان شوي دي. صدیقي زیاتوي، یاد موټر هغه مهال له سړک نه اوښتی او چپه شوی چې له هرات نه د فاریب خوا ته روان و.

په رسنیزو چارو کې لاسوهنې؛ حکومتي ادارې یې د مخنیوي لپاره هوکړه‌لیکونه لاسلیکوي

د اطلاعاتو او کلتور وزارت ویاند عبدالمتین قانع وايي، د رسنیو په چارو کې د بېلابېلو حکومتي ادارو د لاسوهنې مخنیوي لپاره له امنیتي ادارو، د امر بالمعروف او نهې عن‌المنکر او بهرنیو چارو وزارتونو سره هوکړه‌لیکونه لاسلیکوي. د هغه په خبره، ا.ا هېواد کې د رسنیز فعالیت ملاتړ ته ژمن دی او دغه وزارت د رسنیزو چارو د تنظیم یوازینی ادرس دی.

وچکالۍ په روزګان کې مېله‌ځایونه سپېره کړي

د روزګان زیاتره سیمې چې پسرلي کې په طبیعي ډول زرغونېږي، د دغه ولایت د اوسېدونکو لپاره د چکر مناسب ځایونه بلل کېږي.
خو د روزګان یوشمېر اوسېدونکي وايي، په دې وروستیو کې وچکالۍ د چکر او مېلو دغه طبیعي ځايونه په بشپړ ډول له منځه وړي دي. دوی غوښتنه کوي چې د چکر د یادو ځايونو د بیارغونې او زرغونتیا لپاره دې کوچني چېک‌ډیمونه جوړ شي.

پنجشېر کې مالداران: تېر ژمي کې مو سلګونه څاروي له‌منځه تللي

پنجشېر چې د هندوکش غرونو په لوړو درو کې پروت ولایت دی، د تېر ژمي یخې هوا سلګونه څاروي له‌منځه وړي او مالدارانو ته یې درانه مالي زیانونه اړولي دي.

دغه ولایت چې د څارویو پالنې لپاره مناسبه هوا لري، د تېر ژمي یخې څپې او د واښو کمښت د دې ولایت په یوشمېر ډېرو سړو سیمو کې د مالدارانو څاروي له‌منځه وړي دي.

د روزګان مرکز ترینکوټ کې د یوې ښځې جسد موندل شوی

د روزګان امنیتي مسوولان وايي چې د دغه ولایت مرکز ترینکوټ ښار اړوند سیمه کې پرون دوشنبه د وري ۲۸مه د یوې ښځې جسد موندل شوی دی. د یاد ولایت د امنیتي مسوولانو په وینا، دغه ښځې په ډزو وژل شوې او جسد یې د ترینکوټ ښار اړوند د «پیروشي» نومې سیمه کې پیدا شوی دی.

د ملي پراختیا شرکت: ادارې او سکتورونه له موږ ۱۸،۴میلیارډ افغانۍ پوروړي دي

د ملي پراختیا شرکت مسوولانو نن شنبه د وري ۲۶مه کابل کې د یوې خبري ناستې پرمهال رسنیو ته وویل چې دغه شرکت به روان ۱۴۰۲ کال کې د هېواد په کچه ۸۲ پروژې پلې کړي.

په دغه خبري ناسته کې د ملي پراختیا شرکت چارواکو د تېر یوه کال لاسته‌راوړنې او د راتلونکي کال پلانونه له رسنیو سره شریک کړل.