د لوګر د مرکز پلعلم ښار یوشمېر هټۍوال د حکومت له لوري د دغه ولایت له هټۍوالو څخه د لوړې مالیې له اخیستلو شکایت کوي.
دوی سلاموطندار ته ویلي چې کاروبار یې خراب دی او د مالیې د ورکړې توان نهلري. یو هټۍوال محمدعمران سلاموطندار ته وايي چې د پخوا په پرتله یې کاروبار خراب شوی او حکومت ته ماليه نشي ورکولای.
د لوګر ولايت د امنیې قومانداني چارواکي وايي، تېره شپه د دغه ولایت په برهکي برک ولسوالي کې يوه ۲۵ کلنه مېرمن په مرموز ډول وژل شوې ده.
لوګر کې یوشمېر لوستي ځوانان د وزګارتیا له امله شکایت کوي او وايي، سره له دې چې لوړې زدهکړې لري، خو د دندې په موندنې نه دي بریالي شوي.
د لوګر امنیه قومانداني وايي، نن مازدیګر د دغه ولایت د مرکز پلعلم په «خضر» او د «تېرې کوتل» سیمو کې دوه جلا جلا ټرافيکي پېښې شوي چې له کبله یې ۸ کسان مړه شوي او دوه نور ټپیان دي.
د ماشومانو لپاره د ملګروملتونو ملاتړې ادارې (یونېسف) لوګر کي ۹۱۱ محلي ټولګي چې پهکې له لیکلوست محروم زدهکوونکي تر درېیم ټولګي پورې په لیک لوست بوخت وو، دا مهال د زدهکوونکو پر مخ تړلي دي. د لوګر پوهنې ریاست ویاند وايي، هڅه کوي دغې ستونزې ته حل لاره ولټوي او تړل شوي محلي ټولګي د زده کوونکو پرمخ پرانېستل شي.
د لوګر د اطلاعاتو او فرهنګ رییس رفېعالله صمیم سلاموطندار ته ویلي چې یاده لرغونه سیمه ۳۵۰ کاله تاریخي مخینه لري او د مرکز پلعلم اړوند سپيڅ سیمه کې د کوټګي په نوم کلي کې موقعیت لري.
د لوګر محلي مسوولان وايي، د دغه ولایت استیناف محکمې نن د خلکو پر وړاندې د درېوو ښځو په ګډون، ۱۷ کسان چې په بېلابېلو جرمونو ګرم پېژندل شوي وو، په دُرو ووهل.
د لوګر یوشمېر اوسېدونکې وايي چې دغه ولایت کې د ښځینه متخصصو ډاکټرانو د کمښت له امله ښځینه ناروغانې له ګڼو سونزو سره مخ دي.
د لوګر د امنیې قومنداني مسوولان وایي چې پرون چهارشنبه د محمداغې ولسوالي په «دهنو» سیمه کې د یوې مېرمنې جسد موندل شوی چې په مرموز ډول وژل شوې ده.
د لوګر د امنیې قومنداني ویاند احمدالله انس سلام وطندار ته ویلي، دغه مېرمن د ناپېژنده کسانو له لوري په مرموز ډول وژل شوې او تراوسه یې د قتل په تور څوک نه دي نیول شوي.
د لوګر ولایت په مرکز پلعلم ښار کې د اطلاعاتو او کلتور ریاست له لوري د کتابونو، تاریخي او هنري اثارو نندارتون جوړ شو.
په دغه نندارتون کې زرګونه ټوکه دیني، سیاسي، ادبي، ټولنیز او معلوماتي کتابونه او ګڼشمېر تاریخي او هنري اثار نندارې ته اېښودل شوي وو.
د افغانستان د کرېکټ بورډ ادارې له لوري د لوګر په مرکز پلعلم کې د ۱۸ کلبونو ترمنځ د کرېکټ د پیل شویو سیالیو اتلولي، د همت لوبډلې په بریا سره پای ته ورسېده.
لوګر کې نن د دغه ولایت د کرنې او مالدارۍ ریاست له لوري د کرنیزو محصلاتو یو ورځنۍ نندارتون جوړ شو.
د کرنې او مالدارۍ وزیر عطاالله عمري په دغه نندارتون کې ویلي چې د وروستیو سېلابونو له امله د هېواد په ګڼو ولایتونو کې کرنه او مالدارۍ سخته ځپل شوې او هڅه کوي چې دې برخې ته پام ډېر کړي.
د لوګر د پوهنې ریاست ویاند شاهپور عرب سلاموطندار ته ویلي چې د دغه ولایت د مرکز پلعلم په ګډون، شپږو ولسوالیو کې ۱۰۰ ښوونځي ودانۍ نه لري او زدهکوونکي یې له ستونزو سره مخ دي.
د لوګر په خوښۍ ولسوالي کې وروستیو سېلابونو د ځاني زیان ترڅنګ، خلکو ته ډېر مالي زیانونه واړول او ورپسې ځايي خلکو ته څهناڅه مرستې هم ولېږدول شوې.
خو د دې ولسوالي اوسېدونکي په روڼتیا سره پر خلکو د مرستو د وېش په اړه شکایت کوي. د خوښۍ ولسوالي قومي مشر سردارمحمد په دې اړه سلاموطندار ته ویلي چې ور رسېدلې مرستې د اړیکو له مخې پر خلکو وېشل کېږي.
د لوګر خوښۍ ولسوالي د وروستیو سېلابونو له امله زیانمنې شوې کورنۍ وایي چې کورونه یې په بشپړه توګه لهمنځه تللي او بېړنیو خوراکي توکو او سرپناه ته اړتیا لري.
د لوګر محلي مسوولان وايي چې د خوښۍ ولسوالي سېلاب ځپلیو کورنیو ته د هستوګنې کمپ جوړ شوی او په دغه کمپ کې سلګونه سېلاب ځپلې کورنۍ ځای پرځای شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
