د لوګر امنیه قومانداني وايي، نن مازدیګر د دغه ولایت د مرکز پلعلم په «خضر» او د «تېرې کوتل» سیمو کې دوه جلا جلا ټرافيکي پېښې شوي چې له کبله یې ۸ کسان مړه شوي او دوه نور ټپیان دي.
د سلاموطندار پښتو فېسبوکپاڼه وڅارئ
د لوګر د امنیې قومانداني وياند احمدالله انس سلاموطندار ته وویل، په لومړۍ ټرافیکي پېښه کې چې د پلعلم ښار په خضر سیمه کې شوې، پنځه کسان مړه او دوه نور ټپیان شوي دي.
د هغه په وینا، نن مازدیګر یو مازدا موټر هم د پلعلم او ګردېز ترمنځ د تېرې کنډو سېمه کې چپه شوی او درې کسان پهکې مړه شوي دي.
نوموړی زیاتوي چې دواړه ټرافیکي پېښې د موټرچلوونکو د بېغورۍ له امله شوې دي.
دا په داسې حال کې ده چې تر دې مخکې هم وختناوخت د هېواد په بېلابېلو ولایتونو کې ټرافیکي پېښې شوي او له کبله ګڼشمېر کسانو ته مرګژوبله اوښتې ده.
