وروسته له هغې چې د اسلامي امارت ځواکونو په هېواد کې د خبریالانو او د رسنیو وضعیت په اړه د افغانستان د رسنیو او د خبریالانو بنسټونو فدراسیون غونډه لغوه کړه، د اسلامي امارت ویاند ذبیحالله مجاهد اعلان وکړ چې د افغانستان د ژورنالېستانو او رسنیزو بنسټونو فدراسیون د فعالیت جواز نه لري او پر دغه فدراسیون یې ځینې تورونه هم لګولي دي.
د هېواد پخواني ولسمشر حامد کرزي د عمران خان د وروستیو څرګندونو په غبرګون کې ویلي چې افغانستان په کافي اندازه مجرب او پر کار پوه داسې بشري ځواک لري چې په هېواد دننه او بهر یې په بېلابېلو برخو کې لوړې زدهکړې کړي، نو له همدې امله افغانستان هېڅ بهرني کاري ځواک ته اړتیا نه لري.
د پاکستان لومړي وزیر عمران خان پرون د اسلامي همکاریو سازمان غونډې ته ویلي چې داعش ډلې له افغان خاورې پر پاکستان بریدونه کړي او د ښځو سپکاوی او نجونو ته د زدهکړو نهاجازه د افغانانو د کلتور یوه برخه ده. د عمران خان دا څرګندونې ګڼشمېر افغانانو په کلکو ټکو غندلي دي.
د اروپایي ټولنې استازو او د پاکستان بهرنیو چارو وزیر شاه محمود قریشي تیره ورځ د افغانستان پر موضوع خبرې کړي او یوه ګډه خبرپاڼه کې یې اسلامي امارت څخه غوښتنه کړې، چې د بشري ناورین او نورو ناخوالو مخنیوي لپاره سیاستوالو سره خبرې پیل کړي او ټولشموله حکومت جوړ کړي.
اسلامي امارت د ملګرو ملتونو هغې پرېکړې ته غبرګون ښودلی چې په دغه سازمان کې د افغانستان د استازولۍ څوکۍ د مخکیني حکومت استازي غلام محمد اسحاقزي ته ورکړې.
نن په کابل کې د پوهنتون یوه استاد په هېواد کې د روان وضعیت له امله له خپلې کورنۍ سره یو ځای په داسې حال کې د ښار واټونو ته راووت چې د اعتراض په توګه یې کفن اغوستی وو.
وروسته له هغې چې د طالبانو د پوهنې وزارت له نجونو پرته ښوونځیو ته د هلکانو د ورتګ پرېکړه وکړه، لا یې هم په اړه غبرګونونه روان دي.
د طالبانو د پوهنې وزارت د یوې خبرپاڼې په خپرولو سره له شپږمه د لوړو ټولګیو له نارینه زدهکوونکو غوښتي چې سر له نن «شنبې» څخه دې خپلو ښوونځیو ته حاضر شي، خو په دې خبرپاڼه کې د ښځینه زدهکوونکو د برخلیک په اړه څه نه دي ویل شوي. د پوهنې وزارت دغې خبرپاڼې د ښځینه زدهکوونکو غبرګونه راپارولي دي.
پرون د اسلامي امارت ویاند ذبیحالله مجاهد په یوې خبري ناسته کې د طالبانو سرپرسته کابینه اعلان کړه چې ورسره په کور دننه او له هېواده بهر یې د ګڼشمېر سیاستوالو، د چارو شنونکو، د طالبانو ضد اړخونو او ځینو هېوادونو غبرګونونه راپارولي دي. له هېواد بهر یوشمېر سیاسي شنونکو ویلي، د طالبانو کابینه د دې واقعیت ښکارندویي کوي چې اسلامي امارت پرته له خپلو کسانو د بل چا زغم نه لري.
کابل کې د امریکا سفارت د یوې خبرپاڼې په خپرولو سره د کابل حامد کرزي نړیوال هوايي ډګر کې دننه او د دغه هوايي ډګر دروازو ته څېرمه د افغانانو ګڼې ګوڼې ته غبرګون ښودلی او ویلي یې دي، هغه کسان چې د دغه هېواد له لوري یې تایید شوي سندونه نه وي ترلاسه کړي، هوايي ډګر ته له ورتلو دې ډډه وکړي.
د بهرنیو چارو وزارت په یوې خپره کړې، خبرپاڼه کې د افغانستان لپاره د روسې د ولسمشر ځانګړي استازي ضمېر کابلوف وروستیو څرګندونو ته غبرګون ښودلی او ویلي یې دي چې وسلهوال طالبان د خپلو خبرو خلاف، چمتو نه دي چې د هېواد روان کړکېچ د سیاسي جوړجاړي له لارې حل کړي.
د افغانستان د بهرنیو چارو وزارت د یوې خبرپاڼې په خپرولو سره د افغان کډوالو په اړه د پاکستان د بهرنیو چارو وزیر شاه محمود قریشي وروستیو څرګندونو ته غبرګون ښودلی او له دغه هېواد څخه یې غوښتنه کړې چې له کډوالو څخه دې د افغانستان پر وړاندې د فشار د وسیلې په توګه ګټه نه اخلي.
یوې حکومتي سرچینې د نوم نه ښودو په شرط سلاموطندار ته ویلي، بېګاه شپه د نورستان ولایت له دوو ولسوالیو، دواب او منډول څخه امنیتي
سرتېري وتلي او دغه دواړه ولسوالۍ وسلهوالو طالبانو نیولي دي. د سرچینې په وینا، دغه دواړه ولسوالۍ له څه مودې راهیسې د وسلهوالو طالبانو تر سختې کلابندۍ لاندې وې چې بېګاه شپه د وسلهوالو طالبانو له لوري نیول شوي دي.
د بهرنیو چارو وزارت د پاکستاني چارواکو وروستیو څرګندونو ته غبرګون ښوولی او ویلي یې دي چې د سولې ویجاړوونکي هغه کسان دي چې جګړهیې ګړندۍ او په افغانستان کې یې وینې تویولو ته دوام ورکړی دی. کابل دغه غبرګون په داسې حال کې ښوولی چې پرون ناوخته د افغانستان، چین او پاکستان د بهرنیو چارو وزیرانو درې اړخیزه ناسته درلوده.
پرون ماښام د کابل ولایت اړوند په درېیمه ناحیه کې پر مسافر وړونکو دو کاسټر ډوله موټرو د دوو جلاجلا چاودنو له امله ۱۰کسان ووژل شول او ۱۲کسان نور پکې ټپیان شول.
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد، د طالبانو او افغان حکومت له لوري د اوربند له اعلان څخه هرکلی کړی دی. خلیلزاد بېګاه شپه په خپل ټوېټر پاڼه لیکلي چې په وروستیو اوونیو کې تاوتریخوالی ډېر وو او افغانانو یې بیه پرې کړې ده.نوموړي ټينګار کړی چې افغانان یوې سیاسي او تلپاتي اوربند ته اړتیا لري.
هغه ویلي: « مونږ د بین الافغاني خبرو، سیاسي هوکړې او د بې معنا جګړې د پای ته رسولو ژر تر ژره غوښتونکي یو، دا هغه څه دي چې د افغانستان خلک یې هیله لري.»
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
