د اسلامي امارت ویاند ذبیحالله مجاهد ویلي، د اسراییل لخوا په ایران وروستي بریدونه او د پوځي قومندانانو او اټومي پوهانو ترور چې د نړیوالو حقونو له اساسي اصولو، د هېوادونو له ملي حاکمیت او ځمکنۍ بشپړتیا سرغړونه ده، په کلکه غندي.
هغه وویل، دا ډول کړنې چې تاوتریخوالی زیاتوي، د سیمې وضعیت لا پسې کړکیچن او اندېښمن کړی.
د حج او اوقافو وزارت تېره شپه یوه خبرپاڼه کې چې د اسلامي امارت ویاند ذبیح الله مجاهد پر ایکسپاڼه خپره کړې ویلي، د ایمان او انساني خواخوږۍ له مخې د غزې له خلکو په ملاتړ مکلف یو.
خبرپاڼه کې راغلي، غزه کې د ظلم او نسل وژنې پر وړاندې د را روانې جمعې په ورځ ټول هېواد کې غږ پورته کیږي او له ټولو هېوادوالو غوښتل شوي چې برخه په کې واخلي.
د سرپرست حکومت د دفاع وزارت د پاکستان د دفاع وزیر د تازه څرګندونو په غبرګون کې ویلي چې د افغانستان د ملي حاکمیت د نقض په اړه هر ډول نظر ورکول یو ناسنجول شوی عمل دی او د اوبو خړولو لپاره یوه هڅه ده.
د پاکستان د دفاع وزیر خواجه اصف تازه ویلي و، که اړتیا پېښه شي، د افغانستان په خاوره کې به پاکستاني طالبان یا ټيټيپي په نښه کړي.
اسلامي امارت په سویډن کې د قرآن کريم د سوځولو په غبرګون کې د دغه هېواد اړوندو ټولو بنسټونو د فعاليت ځنډېدو امر کړی دی. د سویډن کمېټه په افغانستان کې یو مهم بهرنی بنسټ دی چې په ۱۴ ولایتونو کې خلکو ته د روغتیايي خدمتونو وړاندې کولو په ګډون، په بېلابېلو سکټورونو کې فعالیت کوي.
د پاکستان د پولیسو لهخوا د دغه هېواد د مخکیني لومړي وزیر عمرانخان تر نیولو وروسته د نوموړي پلویانو پراخ لاریونونه پیل کړي چې له پولیسو سره په اخ او ډب کې د ځینو لاریون کوونکو د وژلکېدو خبرونه هم ورکړل شوي دي.
د پاکستاني رسنیو د راپورونو پر بنسټ، عمرانخان پرون سهشنبه د مې نهمه د اسلاماباد سترې محکمه کې د دغه هېواد د پولیسو لهخوا د درغلیو په تور نیول شوی دی.
اسلامي امارت د ایران د بهرنیو چارو د وزیر حسین امیر عبداللهیان د هغو څرګندونو په غبرګون کې چې ویلي یې و، د هلمند سیند د ډېرو اوبو ترلاسه کولو لپاره له ټولو لاروچارو کار اخیستلی شو وايي، افغانستان د ۱۳۵۱ کال هوکړې ته ژمن دی، خو وروستیو وچکالیو دواړه لوري اغېزمن کړي دي.
ا.ا د افغانستان د ګاونډیو هېوادونو د بهرنیو چارو وزیرانو ګډې خبرپاڼې ته په غبرګون کې ویلي، اوسنی حکومت ټولګډونه دی او ولسي ملاتړ له ځان سره لري.
د ازبکستان په کوربهتوب د افغانستان د ګاونډیو هېوادونو د بهرنیو چارو وزیرانو له ناستې وروسته په خپره شوې ګډه خبرپاڼه کې افغانستان کې د ټولګډونه حکومت پر جوړېدو ټينګار شوی دی.
د ملګروملتونو دفترونو کې د ښځو کار مخنیوي په غبرګون کې دغه سازمان تازه په یوې ویناپاڼه کې ویلي، ا.ا دوی اړ باسي چې یا افغانستان کې خپلو بشري مرستو ته دوام ورکړي، یا د دغه سازمان د قوانینو او اصولو څخه سرغړونه وکړي. د ملګروملتونو ویناپاڼه کې دغه دوه ټاکنې وحشتناکه بلل شوي او ا.ا یې د پایلو مسوول یاد کړی دی.
له هغه وروسته چې اسلامي امارت په ننګرهار کې د ملګرو ملتونو د ښځینه کارکوونکو د کار مخه ونیوله، دغه سازمان یې په غبرګون کې په افغانستان کې خپلو ټولو ښځینه کارکوونکو ته چې شمېر درېنیم زرو ته رسېږي، خبر ورکړی چې تر راتلونکو ۴۸ ساعتونو پورې دندو ته ور نهشي.
د اسلامي امارت ویاند ذبېحالله مجاهد جمعه د وري څلورمه پر خپله ټوېټرپاڼه د امریکايي چارواکو هغو ادعا ته تند غبرګون ښودلی چې ګواکې د داعش ډلې غړي افغانستان کې زیات شوي دي.
ذبېحالله مجاهد دغو ادعاوو ته په غبرګون کې لیکلي چې افغانستان کې د داعش ډلې غړي د پخوا په پرتله ځپل شوي او شمېر یې خورا کم شوی دی.
په افغانستان کې د ملګرو ملتونو ځانګړې استازولۍ یا یوناما بلخ کې د خبریالانو پر غونډې چاودنه غندلې او د تاوتریخوالي پر پای ته رسېدو یې ټینګار کړی دی.
د افغانستان پخواني ولسمشر حامد کرزي د پاکستان حکومت له لوري د دغه هېواد په زندانونو کې د افغان کډوالو زنداني کول او چلن ناوړه او د ارزښتونو خلاف بللی دی.
کرزي له پاکستان غوښتنه کړې چې د یوه متمدنه ګاونډي او د بشر حقونو او نړیوالو اصولو پر بنسټ له افغان کډوالو سره نېک چلن وکړي.
د ملګروملتونو امنیت شورا وايي چې افغان ښځې باید هره برخه کې معني لرونکی، مساوي او بشپړ ګډون ولري.
د امنیت شورا غړیو هېوادونو پرون سهشنبه د مرغومې شپږمه په یوې ویناپاڼه کې د په پوهنتونونو او نادولتي موسسو کې د ښځو د زدهکړو او کار په اړه د اسلامي امارت وروستي فرمانونه غندلي دي.
د اسلامي امارت لهخوا په نادولتي موسسو کې د ښځو پر کار بندیز ته د غبرګونونو په لړ کې د ملګرو ملتونو سرمنشي انټونیو ګوټرېش ویلي چې له دې پرېکړې سخت خواشینی شوی دی. نوموړي ویلي: «افغانستان کې د خلکو د ژوند او معیشت ژغورلو لپاره له نړیوالې ټولنې سره د ښځو پر کار بندیز به د افغانانو د سختیو لامل شي.»
د افغانستان په غیردولتي کورنیو او بهرنیو موسسو کې د اسلامي امارت له لوري د ښځو پر کار د بندیز پرېکړې ته په غبرګون کې د افغانستان لپاره د امریکا ځانګړي استازي توماس وېسټ دغه پرېکړه غیرمسوولانه بللې ده.
د بښنې نړیوال سازمان د اسلامي امارت د هغې پرېکړې پر وړاندې غبرګون ښودلی چې له مخې یې، کورنیو او بهرنیو نادولتي موسسو ته سپارښتنه شوې، څو تر بل امر پورې د ښځینه کارکوونکو کار وځنډوي.
