د کرنې، اوبو لګولو او مالدارۍ وزارت ویاند مصباحالدین مستعین سلاموطندار ته ویلي چې په یاد پلان کې د بېوزلۍ کچې راکمولو لپاره د کروندګرو د اقتصادي همکارۍ د پیاوړتیا په موخه د بدیل کښت د پروژو پلي کول، د کوکنارو د کښت کمول او له منځه وړل او د کوکنارو بديل کښت ته د بزګرانو هڅول شامل دي.
د امریکا یوه جمهوري غوښتونکي سناتور رانډ پاول پر یوې داسې طرحې د کار کولو خبر ورکړی چې پر بنسټ به یې د ا.ا تر واک لاندې افغانستان ته د امریکا د مالي مرستو مخه ونیول شي.
پاول د دوشنبې په ورځ پر خپلې اېکسپاڼې ولیکل چې په راتلونکو څو ورځو کې به یاده طرحه د تصویب لپاره د امریکا مشرانو جرګې ته وړاندې کړي.
یوشمېر متقاعدینو نن سهشنبه د چنګاښ ۲۷مه کابل ښار کې د یوې اعتراضیه غونډې پر مهال له ملګروملتونو غوښتنه وکړه، څو پر سرپرست حکومت د دوی د تقاعد حقوقو د ورکړې له امله فشار راوړي.
د صنعت او سوداګرۍ وزارت ویاند عبدالسلام جواد اخندزاده سلاموطندار ته وايي چې دغه طرحه به په لومړي پړاو کې د شپږو میاشتو لپاره په ازمایښتي توګه پلې او دې موده کې به یې د افغانستان پر کورني بازار د اغېزو تر ارزونې وروسته د دایمي پليکېدو په تړاو ګامونه واخیستل شي.
د پروان امنیه قوماندان عزیزالله عمر چې څو ورځې وړاندې د ا.ا د مشر هبتالله اخوندزاده په غوښتنه د یوشمېر نورو ولایتونو له امنیه قوماندانانو سره کندهار ته ورغلی و، سلاموطندار ته ویلي چې مشر یې د افغان نجونو پر مخ د ښوونځیو او پوهنتونونو پر پرانېستل کېدو، اساسي قانون او د شپې لهخوا د کورونو پر نه پلټلو ټینګار کړی دی.
یوشمېر افغان متقاعدان شکایت کوي چې له څه باندې یوه کال راهیسې یې خپل کلني حقونه او امتیازونه نهدي اخیستي او له سختو اقتصادي ستونزو سره لاس او ګرېوان دي.
دوی ادعا کوي چې پر هېواد د اسلامي امارت له بیا ځل واکمنۍ راهیسې یې څو ځله د خپلو معاشونو د اخیستو لپاره غږ پورته کړی، خو چا مثبت ځواب نهدی ورکړی.
د امریکا د بهرنیو چارو وزارت په افغانستان کې له ښځو سره د اقتصادي مرستې لپاره د یوې نوې طرحه خبر ورکوي.
د امریکا د بهرنیو چارو وزیر انټوني بلنکېن بېګاه شپه د وږي ۲۹مه پر خپله ټوېټرپاڼه لیکلي چې امریکا په افغانستان کې د ښځو اقتصادي پیاوړتیا په موخه یوه نوې طرحه چمتو کړې ده.
واشنګټن پوسټ ورځپاڼې د امریکايي چارواکو له قوله راپور ورکړی چې د امریکا متحده ایالاتو د ولسمشر جو بایډن اداره د افغانستان د اسلامي امارت له رهبرۍ سره پر داسې یوې طرحې کار کوي چې افغانستان وکولای شي، د افغانستان بانک کنګل شویو شتمنیو ته لاسرسی پیدا کړي.
د افغانستان د صرافانو سراسري ټولنه وايي چې د صرافۍ جوازونو په اړه د افغانستان بانک د نوې طرحې د پليکېدو توان نه لري او نهشي کولای چې دغه پرېکړه عملي کړي. د افغانستان بانک د نوې طرحې له مخې، د صرافۍ جوازونو لپاره باید هر صراف ۵ میلیونه او د صرافۍ هر شرکت باید ۵۰ میلیونه افغانۍ له افغانستان بانک سره د ضمانت توګه کېږدي.
د اسلامي امارت د پوهنې وزارت مسوولان وايي چې له شپږم ټولګي پورته د نجونو زدهکوونکو د ښوونځیو د بیا پرانستلو لپاره هڅې روانې دي او په دې برخه کې تر یوه بریده پرمختګ شوی دی.
د اسلامي امارت د پوهنې وزارت تېره پنجشنبه اعلان وکړ چې په وري میاشت کې به په ټول هېواد کې د نجونو او هلکانو ښوونځي بېرته پرانستل شي. په همدې حال کې د یاد وزارت ویاند د ښوونځیو د بیاپرانستلو لپاره د چمتووالي خبر ورکوي. عزیزاحمد ریان سلاموطندار ته وايي، په پلازمېنه کابل او یوشمېر ولایتونو کې د کتابونو د وېش لړۍ روانه ده.
د اسلامي امارت کابینې د رییسالوزرا محمدحسن اخند په مشري نن په خپله دوهویشتمه ناسته کې معلولانو، یتیمانو او کونډو ته د مرستو په اړه د شهدا او معلولانو وزارت طرحه تصویب کړې ده.
د برښنا شرکت ویاند حکمت الله میوندي سلاموطندار سره په یوې مرکه کې ویلي چې د برښنا د بیې لوړولو پر طرحې کار روان دی او په څو ورځو کې به عملي شي.
د ملي جنبش ګوند مشر عبدالرشید دوستم چې څه موده وړاندې د درملنې لپاره ترکیې هېواد ته تللي و، پرون بېرته هېواد ته راستون شو او وایي چې د شمال جګړهییز وضعیت په اړه ولسمشر ته یوه طرحه سپاري. د جنبش ګوند ویاند ویلي چې له ولسمشر سره به په دې لیدنه کې د لاسه تللو سیمو د بېرته نیولو لپاره د ولسي پاڅونوالو پر تجهیز هم خبرې وشي.
په هېواد کې د کورونا ویرووس د مثبتو پېښو د زیاتوالي سره هممهاله، حکومت د دولتي ادارو د کارکوونکو د کاري رژیم د بدلون طرحه وړاندې کړې وه چې له مخې یې، د دولتي ادارو هغه کارکوونکي چې له ۵۵کلونو څخه پورته عمر لري، پر تنفسي او د زړه پر ناروغۍ اخته وي، اړ دي چې له کور څخه کار وکړي.
د سولې بین الافغاني خبرو لپاره د افغان دولت د مرکچي پلاوي ویاند نادر نادري نن کابل کې یوې خبري غوندې ته وویل چې طالب ډلې افغان دولت ته د درې میاشتني اوربند وړاندیز کړی دی. د نادري په وینا، طالبانو د درې میاشتني اوربند په بدل کې د خپلو ۷۰۰۰ بندیانو د خوشې کېدو او د ملګرو ملتونو له تور نوملړ څخه، د دې ډلې د نوم د اېستلو غوښتنه کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
