پکتيا کې د رسنيو مسوولان وايي، د نظام په بدلېدو سره ډېری چاپي رسنيو د اقتصادي ستونزو له امله خپل فعاليتونه درولي دي. د پکتيا پريس کلب مشر فريدالله احمدزي سلاموطندار ته وويل په دې ولايت کې د مالي ستونزو او د کاري چاپيريال د نشتوالي له امله شپږ چاپي رسنۍ، مدار، افغان ننګ، سبا، تحليل، څراغ او پکتيا غږ مهالنۍ نشرات په ټپه ولاړ دي.
په نیمروز ولایت کې یوه سرچینه وایي چې وسلهوالو طالبانو د دغه ولایت مرکز زرنج ښار نیولی او د ولایت مقام، امنیه قومنداني سربېره یوشمېر نورې دولتي ادارې هم د دوی په لاس کې دي. د نیمروز ولایت د پولیسو د مطبوعات امر غلام صدیق نورزی د دې خبر د تایید ترڅنګ وايي چې دغه ولایت ته د مرستندویه ځواکونو د نه رسېدو له کبله زرنج ښار د وسلهوالو طالبانو لاس ته لوېدلی دی.
په فراه کې یوه امنیتي سرچینه سلاموطندار ته وایي چې پرون له غرمې وروسته د فراه ښار اړوند په «شپلکوه» سیمه کې د وسلهوالو طالبانو یوه نفوذي کس د یوې پوستې ۷ پولیس وژلي دي. د سرچینې په وینا، د وسلهوالو طالبانو دغه نفوذي کس د اوو پولیسو له وژلو وروسته، د پوستې ټول پوځي تجهیزات او وسلې له ځان سره وړي او وسلهوالو طالبانو سره یوځای شوی دی.
د بادغیس والي حسامالدین شمس سلاموطندار ته ویلي چې د دغه ولایت ټولې ولسوالۍ د وسلهوالو طالبانو لاس ته لوېدلي او طالب جنګیالي د دغه ولایت مرکز قلعهنو ښار ته ننوتي دي. د بادغیس د ولایتي شورا رییس عبدالعزیز بېک هم له سلاموطندار سره په خبرو کې ویلي چې د دغه ولایت ټولې ولسوالۍ د طالبانو لاس ته لوېدلي او اوس دغې ډلې خپل ځانونه د مرکز قلعهنو ښار دروازو ته را رسولي دي.
په یوشمېر ولایتونو کې د طالبانو ډلې له لوري د بریدونو له زیاتوالي او د دوی لخوا د ولسوالیو له نیولو وروسته، په ډېرشمېر ولسوالیو کې ولسي پاڅونوالو او د طالبانو بریدونو د مخنیوي او د سقوط شویو ولسوالیو د بیرته نیولو لپاره یې له امنیتي ځواکونو ملاتړ اعلان کړ.
د راپورونو پر اساس له تېرو څلیرویشت ساعتونو راهیسې د هېواد په بېلابېلو ولایتونو کې پر امنیتي پوستو او مرکزونو د وسلهوالو طالبانو د بریدونو له امله دغې ډلې د بدخشان کشم، تګاب، وردوج، درایم، یفتل پایین، تیشکان او شهرک ولسوالیو سربېره د تخار ولایت کلفګان ولسوالي هم نیولي دي.
په وروستیو دوو میاشتو کې د هېواد پر بېلابېلو سیمو او ولسوالیو د طالبانو بریدونه ډېر شوي او یوشمېر ولسوالۍ د امنیتي ځواکونو تر شاتګ وروسته د طالبانو لاس ته لوېدلي دي. د حکومتي چارواکو په وینا، طالبان د ولسوالیو له نیولو وروسته، ودانۍ او نورو عامه تاسیساتو ته چاودنې ورکوي او ان د ملکي سیمو او د خلکو کورونه یې وېجاړ کړي دي.
د غبرګولي میاشتې په ۲۳مه د فراه ولایت لاشاو جوین ولسوالي له درې ورځې کلابندۍ وروسته د طالبانو له لوري ونیول شوه، یوه ورځ وروسته طالبانو پر انار درې هم ولکه وکړه. د انار درې په شمال کې د کلابندو سرتېرو د مرګژوبلې د مخنیوي په پار پشتکوه ولسوالي د فراه ښار ته ولېږدېده او دغه درې ولسوالۍ د طالبانو لاس ته ورغلې.
د کندوز د روغتیا ریاست مسوولان وایي چې په وروستۍ یوه اوونۍ کې د جګړو له امله په دغه ولایت کې ۲۵۰ملکیانو ته مرګژوبله اوښتې ده. د کندوز د روغتیا رییس احسانالله فضلي سلاموطندار ته ویلي چې د وروستۍ یوې اوونۍ په ترڅ کې د ښځو او ماشومانو په ګډون د دغه ولایت حوزوي روغتون ته ۲۱مړي او ۲۲۵تپیان ور وړل شوي دي.
د طالبانو له لوري د تاوتریخوالي پر دوام یوازې بېګاه شپه د افغان امنیتي ځواکونو او وسلهوالو طالبانو ترمنځ په لوګر، فاریاب، اروزګان، بغلان او کونړ ولایتونو کې سختې جګړې شوې دي. له نیږدې یوې نیمې میاشتې راهیسې د هېواد په بېلابېلو ولایتونو کې وسلهوالو طالبانو کڼشمېر ولسوالۍ تر خپلې ولکې لاندې راوستي دي.
د کندوز ښار څو کیلو مترۍ کې د جګړو د پراخېدو سرههممهاله د وسلهوالو طالبانو له لوري د دغه ښار د بیا نیولو اندېښنې ډېرې شوي دي. په ولسي جرګه د کندوز د خلکو استازیو او د دغه ولایت مدني فعالانو نن په کابل کې یوې خبري غونډه کې خبرداری ورکړ، که د حکومت بې غوري همداسې دوام وکړي، کندوز ښار به د درېیم ځل لپاره د وسلهوالو طالبانو لاس ته ولوېږي.
د ټول هېواد په کچه د امنیتي وضعیت د خرابېدو او یو پر بل پسې د ولسوالیو د سقوط په دوام، په تېرو۲۴ ساعتونو کې په تخار ولایت کې ۶ ولسوالۍ د طالبانو لاس ته لوېدلي دي. په تخار کې ځايي سرچینې سلاموطندار ته وايي، چال، هزارسموچ، ینګيقلعه، خواجه غار، دشتقلعه او نمکآب ولسوالۍ د دولت له کنټرول څخه وتلي او طالبانو نیولي دي.
په زابل کې یوه باوري سرچینه سلاموطندار ته وایي چې امنیتي ځواکونو د دغه ولایت شینکۍ ولسوالي نن سهار د پوځ د یوه کنډک د خوشې کولو په بدل کې وسلهوالو طالبانو ته ورسپارلې ده.
د سرچینې په وینا، په دغه ولسوالي کي د ملي اردو یواځینی کنډک نن سهار وسلهوالو طالبانو ته په دې شرط ور تسلیم شوی چي په دغه کنډک کي ټولو مسوولانو ته به اجازه ورکول کیږي، څو مرکز کلات ته ولاړ شي.
د ولسي جرګې یوشمېرغړي د جرګې نننۍ عمومي غونډه کې د روانې جګړې او د امنیتي وضعیت په مدیریت کې د حکومت او امنیتي بنسټونو پر کړنو نیوکه کوي او وايي، حکومت باید هرڅه ژر د دغه وضعیت پر وړاندې خپله چوپتیا ماته کړي. د ولسي جرګې غړي په دې برخه کې د حکومت پټه خوله پاتې کېدل د پوښتنې وړ بولي.
د سرپل د ولایتي شورا غړی اسدالله خرم سلاموطندار ته وایي چې د دغه ولایت په سانچارک او ګوسفندي ولسوالیو کې ۵۰۰امنیتي ځواکونه د طالبانو په کلابندۍ کې دي. د نوموړي په وینا، طالبان د سوزمه قلعه او ګوسفندي ولسوالۍ چې د سانچارک ولسوالي «فرشقان» کلي له روغتون سره نيږدې پرتې ولسوالۍ دي، راټول شوي او وضعیت د اندېښنې وړ دی.
له څو اوونیو کلابندۍ وروسته وسلهوالو طالبانو د غور ولایت تولک ولسوالي ودانۍ نیولې او په دغه ولسوالي کې یې له کلابندو سرتېرو سره نښته روانه ده. په غور کې یوه سرچینه چې نه غواړي نوم یې واخیستل شي، سلاموطندار ته ویلي چې طالبانو د دغې ولسوالي ودانۍ او امنیه قومنداني نیولي او په وینا یې که چېرته دغه ولسوالي ته عاجله مرسته ور ونه رسېږي، هغه سرتیري چې د وسلهوالو طالبانو له لوري کلابند شوي، وبه وژل شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
