په فراه کې یوه امنیتي سرچینه سلاموطندار ته وایي چې پرون له غرمې وروسته د فراه ښار اړوند په «شپلکوه» سیمه کې د طالبانو یوه نفوذي کس د یوې پوستې ۷ پولیس وژلي دي.
د سرچینې په وینا، د طالبانو دغه نفوذي کس د پولیسو له وژلو وروسته، د پوستې ټول پوځي تجهیزات او وسلې له ځان سره وړي او طالبانو سره یوځای شوی دی.
د سلاموطندار پښتو فېسبوکپاڼه وڅارئ
په همدې حال کې د فراه یوشمېر اوسېدونکي هم د دغه خبر پخلی کوي او وايي چې د «شپلکوه» پوسته د فراه ښار په سوېل لوېدیځ کې پرته ده او که چېرته دغې پوستې ته تازه سرتیري ور وانه ستول شي، وېره ده چې طالبان د فراه ښار د څلورمې حوزې د «سنګ زور» او «شوراباد» سیمې چې د دغه ولایت امنیه قومندانۍ او محبس ته نږدې پرتې دي. تر خپلې ولکې لاندې راولي.
طالبانو بیا تراوسه په دې اړه رسنیو ته څه نه دي ویلي.
