د خوست د امنیې قومانداني وياند طاهر احرار وايي، دا پېښه تېر ماښام شپږنیمې بجې د دغه ولايت د مرکز اړوند د لکڼو په کوړيانو کلي کې شوې ده.
د نوموړي په وینا، په پېښه کې يو ځوان چې تازه له طب پوهنځي څخه فارغ شوی و، وژل شوی او د دواړو لوريو شپږ کسان ټپيان شوي دي.
له هغه وروسته چې په خوست کې یو ډلهييز قبر کې له ۱۰۰ څخه ډېر مړي پهکې وموندل شول، یوشمېر خوستوال چې د کورنۍ غړي یې پخوا تريتم شوي، له نړیوالو ادارو د پلټنو او عدالت غوښتنه کوي.
د خوست ولایتي مسوولان وایي، وړمه ورځ یې د دغه ولایت په مرکز کې شیخ زاید پوهنتون ته نږدې د یوه چېکډیم د جوړېدو پر مهال په یوه ډلهييز قبر کې سل جسدونه موندلي او نن یې په یوه بله سیمه کې خاورو ته سپارلي دي.
خوست محلي مسوولان وايي چې دغه ولایت کې یو ډلهییز قبر چې شاوخوا «۱۰۰» جسدونه پهکې وو، موندل شوی دی.
د مسوولان په وینا، دغه ډلهييز قبر د مرکز اړوند د «څړبني سيمه» کې د شيخ زايد پوهنتون ته څېرمه هغه مهال موندل شوی چې د اوبو د يو جوړېدونکي چکډېم لپاره سيمه کې کندنې روانې وې.
د خوست محلي چارواکي وايي چې د ۱۵میلیونه افغانیو په لګښت د دغه ولایت تڼیو ولسوالي ته د برښنا لېږد چارې پیل شوې.
د خوست د برښنا شرکت رييس انجینیر فولاد معاويه وايي چې وارداتي برښنا به په لومړي سر کې د ولسوالي مقام سره ونښلېږي او وروسته به نورو سیمو او کلیو ته هم وغځول شي.
د پکتیا په غلګۍ سیمه کې د ګردېز-خوست پر لویې لارې د يوه جومات د جوړېدو چارې بشپړې او د لمونځکوونکو پر مخ پرانېستل شو.
د دغه جومات د جوړېدو چارې نږدې دوه کاله وړاندې د کورنیو چارو وزارت د سرپرست په غوښتنه د مرکز ګردېز اړوند د سټو کنډو سره د يوه ترکي خصوصي شرکت په مالي لګښت پيل شوې وې.
په خوست کې د «ګلاغا پرواني خيريه بنسټ» لهخوا ۳۰ جوړو ته د ډلهييز واده مراسم جوړ شول. د دغه بنسټ مسوولان وايي، نن سهشنبه یې د هغو ۳۰ جوړو لپاره د ډلهيیز واده مراسم برابر کړل چې بېوسه وو او له کلونو راهیسې یې د واده لګښت نه شوای پوره کولای.
د خوست د عامې روغتيا رياست مسوولان وايي، په دغه ولايت کې يې د يونيسف په مالي لګښت او د هدف موسسې په تخنيکي همکاري د اوسپنې، پوليک اسید او منرالونو د ورکړې درېورځنی کمپاين پيل کړی دی.
د خوست د عامې روغتيا رياست مرستيال عبدالرحمان زاهد وايي، ياد کمپاين پرون شنبه پيل شوی او درې ورځې به دوام وکړي.
د کورنيو چارو سرپرست سراجالدين حقاني وايي چې پاکستان دې خپلې ستونزې په خپله کړي او له نورو دې د حل غوښتنې نهکوي.
نوموړي دغه څرګندونې خوست ته د خپل سفر پر مهال یوې غونډې ته کړې دي.
د خوست د امنیې قومانداني ویاند مستغفر ګربز وايي چې امنیتي مسوولانو د امر بالمعروف او نهې عنالمنکر ریاست له مسوولانو سره په همغږۍ اته کوډګر د خوست ښار په شینکۍ سیمه او شپږ نور کوډګر هم د دغه ولایت په ځاځي میدان ولسوالي کې نیولي دي.
د خوست د والي دفتر په یوه خبرپاڼه کې لیکلي چې نن له غرمې مخکې ۱۱ بجې د دغه ولایت د مرکز خوست ښار اړوند سپین جومات ته نږدې په یوه هوټل کې چاودنه شوې ده.
د خبرپاڼې پر بنسټ، په دې چاودنه کې څو وزیرستاني کډوالو او خوستیاتو ته مرګژوبله اوښتې ده.
د خوست یوشمېر اوسېدونکي شکایت کوي چې دغه ولایت کې له تېرو جګړو څخه پاتې ناچاوده توکو او ماینونو د خلکو ژوند له ګواښ سره
د خوست یوشمېر فرهنګپالان او اوسېدونکي اندېښنه ښيي چې په دغه ولایت کې د موزیم شاوخوا ۵۰۰ تاریخي او فرهنګي اثار د اطلاعاتو او فرهنګ ریاست په یوه کوټه کې ساتل کېږي چې د خلکو د لاسوهنې له امله د خرابېدو یا ورکېدو له ګواښ سره مخامخ دي.
د خوست د کرنې، اوبو لګولو او مالدارۍ ریاست مسولان وايي چې، سږ کال د غنمو په حاصلاتو کې د تېر کال په پرتله ۲۰ سلنه زیاتوالی راغلی دی.
د یاد ریاست مسوولانو سلاموطندار ته ویلي، که څه هم سږ کال د مرکز ترڅنګ د یوشمېر ولسوالیو فصلونه د ږلۍ له کبله زیانمن شوي، خو بیا هم د غنمو حاصلات کې د پام وړ زیاتوالی راغلی دی.
د خوست محلي مسوولان وایي چې د دې ولایت د تڼیو ولسوالي «ویرژلې» سیمه کې یې د کرومایټ ډبرو کان د استخراج چارې پیل کړي دي.
د خوست د کانونو رییس مولوي محمدصدیق حمزه په دې اړه جوړو شویو مراسمو ته پرون دوشنبه د غويي ۱۷مه ویلي، یاد کان د اړوند وزارت لهخوا د شرق نفرایټ معدني شرکت ته د پنځو کلونو لپاره په قرارداد ورکړل شوی دی.
د خوست امنیتي مسوولان وايي چې نن د اختر په لومړۍ ورځ په دغه ولایت کې یوې ټرافیکي پېښې یو کس مړ کړی او دوه نور یې ټپیان کړي دي. نن د افغانستان په ګډون، په ډېری هېوادونو کې د کوچني اختر لومړۍ ورځ ده.
ناپېژنده وسلهوالو نن چهارشنبه د وري ۲۳مه د خوست د صرافانو مارکېټ کې د احمدشاه مندوزي په نوم یو صراف وژلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
