د تاجکستان ولسمشر امامعلي رحمان او د پاکستان لومړي وزیر شهباز شریف سولهييز او باثباته افغانستان د سیمې د پرمختګ بنسټ بللی او دغه هېواد کې یې د ټولشموله حکومت پر جوړېدو ټینګار کړی دی. هغه زیاته کړې چې له شبهاز شریف سره یې د لیدنې پر مهال، په افغانستان کې د ټولشموله حکومت پر جوړېدو ټینګار کړی دی.
د غور یوشمېر معلولانو نن سهار د دغه ولایت په مرکز فېروزکوه ښار کې د دوی د حقونو نه ورکړې له کبله د اعتراض په توګه را ټول شول او له حکومت نه یې وغوښتل چې پام ورواړوي. امیرداد چې څلورکسیزه کورنۍ ور پر غاړه ده، له حکومت څخه غواړي چې د ده په ګډون، د ټولو معلولانو حقونه ورکړي.
افغان خبریالان او د رسنیو مسوولان د اسلامي امارت له نږدې یونیم کلنې واکمنۍ سره سره لا هم په هېواد کې اطلاعاتو ته پر لاسرسي محدودیت ستره ننګونه بولي. یوه خبریاله شیرینه محمدي وايي، په اوسني نظام کې پر خبریالانو، په تېره ښځینه هغو محدودیتونه زیات شوي او دا تمه لري چې په دې برخه کې شته ستونزې به حل شي.
د هرات دوهورځنۍ امنیتي غونډه چې د تاجکستان په پلازمېنې دوشنبه کې جوړه شوې وه، نن پای ته ورسېده. په دې غونډه کې د افغانستان د جیوپولیټیک او سیمهييزې اجماع، اپارټاید او د افغان ښځو وضعیت، ترهګرۍ او تاوتریخوالي، کلتوري میراثونو، ګډ ژوند او سیمهييزه همکاري، د افغانستان د راتلونکې په اړه د نړیوالې ټولنې مسوولیت او تګلارې په اړه خبرې اترې شوې دي.
د غور اوسېدونکي وايي چې دغه ولایت کې د ژمي په رانږدې کېدو سره د لومړنیو خوراکي توکو بیې لوړې شوي چې د یاد ولایت اوسېدونکي یې اندېښمن کړي دي.
د غور د «الندر» سیمې اوسېدونکی ۳۸کلن عبدالکریم چې د خوراکي توکو پېرلو لپاره فیروزکوه ښار ته راغلی، وايي چې د بیو لوړېدو له امله د اوړو، غوړیو، وریجو او پیازو په څېر د توکو د پېر توان نهلري.
د ایخانم تاریخي ښارګوټی چې د تخار په دشت قلعه ولسوالي کې موقیعت لري، د حکومتونو د نه پاملرنې له امله اوس په یوې کنډواله بدل شوی دی.
نړیوالې ټولنې تل د ګڼو غونډو پر مهال افغانستان کې د ټولشموله حکومت پر جوړېدو ټینګار کړی، خو لا یې هم څرنګوالی نهدی روښانه کړی. شنونکي هم نیوکه کوي چې نړیواله ټولنه خپل شرط نه روښانوي او نه یې هم د افغانستان د تلپاتې ثبات لپاره له زړه کار کړی دی.
کابل ته له سوېلي ولایتونو بېځایه شوې سلګونه کورنۍ د ژمي په رارسېدو سره له حکومت او مرستندویه بنسټونو څخه د بېړنیو مرستو غوښتنه کوي.
د کابل په لوېدیځ د دشتبرچي سیمې یوشمېر اوسېدونکي وايي چې سرپرست حکومت دوی د خپلو کورونو د دروازو پر سر د امنیتي کمرو لګولو ته اړ کړي دي.
د دشتبرچي اوسېدونکی عبدالهادي امیني سلاموطندار ته وايي چې حکومت د یادې سیمې یوشمېر اوسېدونکي اړ کړي، څو د خپلو کورونو دروازو او ودانیو پر سر امنیتي کمرې فعالې کړي.
د کابل ښار یوشمېر سوالګر شکایت کوي چې د سرپرست حکومت له لوري یې د معاشونو د ورکړې په موخه د بایومټریک او ثبت بهیر بشپړ شوی، خو په وینا یې، تراوسه یې د مرستو په توګه خپل معاشونه نه دي ترلاسه کړي.
کندوز کې د لبنیاتو د کارخونو یوشمېر مسوولان وايي چې د پخوا په پرتله یې کاروبار ښه شوی دی. دوی زیاتوي چې تولیدات یې زیات شوي او ښه پېردونکي لري.
د «سولې او عدالت ملي خوځښت» سیاسي جریان د یوشمېر سیاسي، فرهنګي او د مخکیني حکومت د ځینو څېرو په غړیتوب د موجودیت اعلان وکړ. اتمر زیاته کړې، که افغانستان کې مشروع نظام رامنځته نهشي، نه یوازې هېواد کې به ناورین پراخ شي، بلکې د سیمې او نړۍ لپاره به هم جدي ستونزې رامنځته کړي.
هلمند کې د بُست تصدۍ چارواکي وايي چې د ا.ا سرپرست حکومت د بُست دولتي فابریکې لپاره د لس زره ټُنه پنبې یا مالوچو د پېرلو ژمنه کړې ده.
یوشمېر هېوادوال د افغاني بانکنوټونو د زړښت او کمښت له امله شکایت کوي او وايي چې دوی له ګڼو ستونزو سره مخ کړي دي. دوی زیاتوي چې افغاني بانکنوټونه ډېر زاړه شوي او د اسلامي امارت سرپرست حکومت باید نوې افغانۍ چاپ او بازار ته وړاندې کړي.
د افغانستان د ژورنالېستانو او رسنیزو بنسټونو فدراسیون نن په یوه خبري غونډه کې د سپټمبر ۲۸مې یا اطلاعاتو ته د لاسرسي نړیوالې غونډې په مناسبت له ۵۰۰ نه د ډېرو خبریالانو لاسلیک شوی اعتراضلیک له رسنیو سره شریک کړ.
څه باندې یو کال تېر شو چې هېواد کې اسلامي امارت واکمن دی او سره له دې چې تر اوسه هېڅ هېواد په رسمیت نه دی پېژندلی، خو لا هم خپل کار ته دوام ورکوي.
په دې موده کې افغانان په بېلابېلو برخو کې له سختو ستونزو او ننګونو سره لاس او ګرېوان وو چې له کبله یې سرپرست حکومت له نړیوالو فشارونو سره هم مخ دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
