د کانونو او پټرولیم وزارت د هرات د زندهجان ولسوالي د سمنټو قرارداد د ۳۰ کلونو لپاره د ۱۴۲ میلیونه ډالرو په ارزښت د «ګلبهار» په نوم یوه کورني شرکت ته ورکړ. د کانونو او پټرولیم وزارت سرپرست شهابالدین دلاور په دې غونډه کې وویل چې د دې کارخونې د فعالیت له پیل سره به ۵۰۰۰ زره کسانو ته د کار اسانتیاوې برابرې شي.
په کابل ښار کې په ۲۵ میلیونه ډالره پانګونې د درملو او سیروم جوړولو یوې کارخونې فعالیت پیل کړ. د دې کارخونې مسوولان وايي، دا کارخونه به په څلېرویشت ساعتونو کې د ۱۱۰ زره سیرومونه تولید کړي.
د صنعتکارانو ټولنې مسوولان وايي چې کابل ښار کې د برښنا پرچاوۍ له امله د صنعتي کارخونو د تولید کچه کمه شوې ده.
د یادې ټولنې د مسوولانو په وینا، د برښنا پرچاوۍ ډېريوالي له کبله د کارخونو تولید ۴۰سلنه کم شوي دي.
د افغانستان برښنا شرکت مسوولانو نن (د غبرګولي څوارلسمه، د یکشنبې ورځ) په کابل کې د یوې خبري غونډې پر مهال وویل چې دغه شرکت د ګاونډیو هېوادونو د برښنا پورونه پرې کړي او اوس د هېڅ هېواد پوروړی نهدی. د دوی په وینا، برښنا شرکت اوس په عادي ډول هره میاشت د ۱۵ میلیونه ډالرو په ارزښت برښنا له ګاونډیو هېوادونو را واردوي.
هلمند کې د غوښن چرګانو یوشمېر فارم لرونکي وایې چې دغه ولایت کې څه باندې ۱۰۰۰ د چرګانو فارمونه فعال دي چې پهکې شاوخوا ۶۰۰۰ کسانو ته د کار زمینه برابره شوې ده.
د غوښن چرګانو یاد فارم لرونکي سلاموطندار ته وايي چې هره ورځ، لسګونه زره کیلو غوښه د هلمند ترڅنګ نورو ولایتونو ته هم صادروي.
کاپیسا د پلازمېنې کابل په شمالختیځ کې پروت هغه ولایت دی چې د شاتو مچیو د پالنې او پاتنې لپاره مناسبه هوا لري. د یاد ولایت د نجراب ولسوالي بیا د شاتو په تولید کې ځانګړی نوم لري او دا مهال ۱۰۰کسان دغه ولسوالي کې د شاتو مچیو پر ساتنه او پالنه بوخت دي.
د سوداګرۍ او صنایعو وزارت مسوولانو نن (د وري اتمه، سهشنبه) د حکومت د رسنیو مرکز کې د یوې خبري غونډې پر مهال د ۱۴۰۱ کال کاري راپور له رسنیو سره شریک کړ. د دغه وزارت د معلوماتو پر بنسټ، افغانستان اوس لږترلږه د ۵۰ صنعتي توکو په تولید کې پر ځان بسیا شوی دی.
د افغانستان د غالیو تولیدونکو او صادرونکو ټولنه وايي چې روان کال کې هېواد کې د غالیو تولید زیات شوی، خو په وینا یې، نړیوال بازار کې د بل هېواد په نوم خرڅېږي.
هېواد کې د ښوونځیو او پوهنتونونو تړلکېدو څخه وروسته ګڼشمېر نجونو زدهکوونکو او زدهکړیالانو تخار کې د لاسي صنایعو تولید ته مخه کړې ده.
برښنا چې د تخار د یوه ښوونځي د لس ټولګي زدهکوونکې ده، وايي چې د وزګارتیا له امله اړ شوې چې د لاسي صنایعو تولید برخه کې ځان ته بوختیا پیدا کړي.
د بغلان مرکز پلخمري ښار کې یوې سوداګرې مېرمنې د کېک او کلچو د تولید کارخونه جوړه کړې چې په یاده کارخونه کې ۳۰ ښځو ته د کار کولو زمینه برابره شوې ده.
افغانستان کې د ملګروملتونو سیاسي استازولي (یوناما) ویلي چې افغانستان کې نشهيي توکي لا هم «لویه ننګونه» ده او دغه هېواد نړۍ کې د ۸۵سلنه تریاکو د تولید سرچینه ده. یوناما د روزا اوتونبایوا له قوله لیکلي: «لویه ننګونه شتون لري. افغانستان نړۍ کې د ۸۵سلنه تریاکو سرچینه ده.»
په جوزجان کې د ترکستان په نوم د یوې فابریکې مسوولان وايي، هره ورځ له ۱۲ تر ۱۳ ټُنه د کنجد غوړي تولیدوي چې له ولایتونو سربېره بهرنیو هوادونو ته هم صادروي.
د یادې فابریکې مسوول بازمحمد سلاموطندار ته ویلي چې د یادې فابریکې لپاره یې ماشین الات له چین څخه وارد کړي او دا مهال ۴۰ کسان ورسره پر کار بوخت دي.
تخار کې تولید شوي شات «عسل» د یوشمېر هېوادونو له هغې ډلې د ترکیې، چین او عربي متحده اماراتو په لابراتوارونو کې له ازمایښتونو وروسته د کیفیت او خوند له پلوه لومړی مقام ترلاسه کړی دی.
د جوزجان د مرکز شبرغان ښار د ښوونځیو یوشمېر زدهکوونکو پرون د ساینس په یوه جشنواره کې خپلې ۶۱ پروژې او علمي تجربې نندارې ته کېښودې.
یو زدهکوونکی احسانالله چې په دې جشنواره کې یې ګډون کړی وايي، یوه کوچنۍ دستګاه یې جوړه کړې چې له بخار نه برښنا تولیدوي.
هلمند کې د بُست تصدۍ چارواکي وايي چې د ا.ا سرپرست حکومت د بُست دولتي فابریکې لپاره د لس زره ټُنه پنبې یا مالوچو د پېرلو ژمنه کړې ده.
د اټلانټیک کُنسول په نوم د امریکا د فکر خونې بنسټ افغانستان کې د نشهيي توکو د ننګونو په اړه یوه تازه راپورکې ویلي، د اسلامي امارت له واکمنېدو وروسته دغه هېواد کې د نشهيي توکو تجارت د ودې په حال کې دی.
راپور کې ویل شوي چې افغانستان کې د نشهيي توکو تجارت څه باندې نیم میلیونه کسانو ته د کار زمینه برابره کړې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
