په پاکستان کې د افغانستان سفارت وايي چې په تېر یوه کال کې له ۳۰۰۰ ډېر افغان کډوال نیول شوي دي.
په پاکستان کې د افغانستان سفارت سرپرست سردارمحمد شکېب د تلې میاشتې په درېیمه، د دوشنبې ورځ سلاموطندار ته ویلي چې په تېر یوه کال کې ۲۶۰۰ افغان کډوال د پاکستان له بندخونو را خوشې شوي، خو څه باندې ۸۰۰ یې لا هم بندیان دي.
د پاکستاني پولیسو له لوري د افغان کډوالو له نیول کېدو وروسته په دغه هېواد کې د افغان کډوالو یوې شورا د تېرې پنجشنبې په ورځ د ملګرو ملتونو د کډوالو عالي کمېشنرۍ او شارپ دفتر له استازیو سره په لیدنه او یوه پرانیستې لیک کې چې د سلګونو کډوالو له لوري لاسلیک شوی، غوښتي چې د افغان کډوالو ستونزې حل کړي.
پاکستاني پولیسو له درېوو څو ورځو راهیسې د اسلاماباد او پنډۍ په بېلابېلو برخو کې د افغان کډوالو د نیولو لړۍ پیل کړې ده. پولیسو په دغه کار سره د افغان کډوالو ارام اخیستی او خوبونه یې پرې تښتولي دي.
دوی د پولیسو موټرو له کولې نه د وېرې له کبله خپل کورونه پرېږدي او شپه پر سړکونو او پارکونو کې تېروي، خو ځینې یې بیا د پولیسو لاس ته ورځي.
د ایرنا خبري اژانس پرون جمعه د ایران د کورنیو چارو د وزیر له قوله لیکلي چې ټاکل شوې په دغه هېواد کې د افغانانو په ګډون، د کډوالو چارو د تنظیم لپاره یو بنسټ جوړ کړي.
په همدې حال کې یوشمېر افغان کډوال چې په قانوني او ناقانونه توګه په ایران کې اوسېږي، په دغه هېواد کې یې پر وړاندې د شته ستونزو او ننګونو په اړه وايي چې افغانان په ایران کې د کډوالۍ هېڅ ډول حقونه نه لري.
د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.
په ایران کې یوشمېر افغان کډوال شکایت کوي چې نه یوازې د ژوند لومړنیو امکاناتو ته لاسرسی نه لري، بلکې د بانک کارت نه لرلو له کبله ان یوه ډوډۍ نهشي پېرلی.
یو افغان کډوال فریدالله چې له قانونه لارې ایران ته تللی وايي، د وزګارتیا او ناچارۍ له امله ایران ته کډوال شوی او اوس هلته د ژوند لومړنیو امکاناتو ته هم لاسرسی نه لري.
د بهرنیو چارو وزارت ویاند عبدالقهار بلخي وايي، تر اوسه په بلغارستان کې د ۱۷ مړو شویو افغان کډوالو هویت پېژندلی او د یوه بل هغه د پېژندنې په اړه څېړنې روانې دي. هغه وايي، د یادو مړو شویو افغان کډوالو د جنازو لېږد لپاره به خپل ټول امکانات وکاروي او په وینا یې، لپاره یې ځانګړې الوتنه هم په پام کې نیول شوې ده.
د ترکیې د کډوالو ادارې ویلي چې په تېر ۲۰۲۲ کال کې یې له دغه هېواد څخه په زرګونه هغه کډوال بېرته خپلو هېوادونو ته لېږلي چې په ناقانونه توګه ترکیې ته راغلي وو. د ترکي رسنیو په خپرو شویو راپورونو کې راغلي چې په اخراج شویو کډوالو کې ۶۸۲۹۰ یې هغه افغانان دي چې په ناقانونه دغه هېواد ته تللي وو.
د افغانستان پخواني ولسمشر حامد کرزي د پاکستان حکومت له لوري د دغه هېواد په زندانونو کې د افغان کډوالو زنداني کول او چلن ناوړه او د ارزښتونو خلاف بللی دی.
کرزي له پاکستان غوښتنه کړې چې د یوه متمدنه ګاونډي او د بشر حقونو او نړیوالو اصولو پر بنسټ له افغان کډوالو سره نېک چلن وکړي.
د ا.ا چارواکو د کډوالۍ نړیوالې ورځې په نمانځغونډه کې ډاډ ورکړ چې په ګاونډیو او نورو هېوادونو کې د افغان کډوالو وضعیت له نږدې څاري او هڅه کوي ستونزې یې حل کړي.
د ا.ا رییسالوزرا محمدحسن اخوند دې غونډې ته په لېږلي پیغام وویل چې هڅه کوي د کورنیو بېځایه شویو او نورو هېوادونو کې د افغان کډوالو ستونزې حل کړي.
د اسلامي امارت چارواکي وايي، د افغانستان، ایران، ملګرو ملتونو او پاکستان څلوراړخیزه غونډه چې پنځه ورځې به دوام وکړي، سبا په تهران کې پیلېږي.
پاکستان کې د افغانستان د سفارت چارواکو ویلي چې د دغه هېواد د کراچۍ ښار له یوه زندان ۳۰ هغه افغان کډوال چې د قانوني اسنادو د نه لرله له کبله پولیسو بندیان کړي وو، د دوی په هڅو بېرته خوشې شوې دي. باختر خبري اژانس نن سهشنبه د لړم ۱۷مه پر خپله ټوېټرپاڼه لیکلي چې دغه افغان کډوال د کراچۍ له یوه زندانه خوشې شوي او بېرته خپل هېواد ته ستانه کړل شوي دي.
د بشري حقونو څار بنسټ د افغان پناهغوښتنکو پر وړاندې د اروپايي هېوادونو له دوهګوني چلند څخه نیوکه کړې ده.
د بشري حقونو څار بنسټ اجرايي مشر کینیت رات یوې انلاین غونډې ته ویلي چې د افغانستان او اوکرايين پناهغوښتونکو پر وړاندې د اروپايي هېوادونو چلن توپیر کوي.
ایراني چارواکو ویلي چې سر له نن څخه به هغه کډوال له دغه هېواد څخه باسي چې په ناقانونه توګه ورغلي دي.
مجید میراحمدي همداراز ویلي، هغه کسان چې ناقانونه کډوال یې ایران کې پر کار ګومارلي، هغوی ته به له درېوو تر شپږو میاشتو زنداني کېږي او نغدي جریبه به هم ورکوي.
د بهرنیو چارو وزارت سیاسي مرستیال شېرمحمد عباس ستانکزي نن په کابل کې د یوې غونډې پرمهال له ګاونډیو هېوادونو په ځانګړې توګه پاکستان او ایران څخه غوښتنه وکړه چې د افغان کډوالو پرمخ سرحدونه خلاص کړي. نوموړي پر پاکستان او ایران غږ وکړ چې د افغان کډوالو له ځورونې لاس واخلي.
د کډوالو په چارو کې د ملګرو ملتونو عالي کمشنرۍ ویلي، دغه بنسټ توانېدلی چې په ۲۰۲۲ کال کې افغان کډوالو، بېځایه شویو او بېرته راستنېدونکو ته د خدماتو وړاندې کولو لپاره ۳۴۰ میلیونه ډالر راټول کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
