پکتياوال: د سلام مخابراتي شبکې ویجاړ شوي سايټونه دې بېرته فعال شي

د پکتيا څمکنيو، اريوب‌ځاځي، احمدخېلو، ميرزکه، لجه‌منګل، سیدکرم او احمدابا ولسوالیو کې شاوخوا ۳نيمې مياشتې وړاندې د پخواني جمهوري نظام او د اسلامي امارت سرتېرو ترمنځ په نښتو کې د سلام مخابراتي شبکې تر لسو زیات سايټونه ویجاړ شول چې دامهال هم غيرفعال دي.

شنونکي: د اسلامي همکاریو سازمان غونډه د افغانستان لپاره ګټوره ده

سعودي عربستان پرون د اسلامي همکاریو له سازمان څخه وغوښتل چې افغانستان کې د روان وضعیت ارزولو، بشري مرستو او ځینو نورو مسایلو په اړه بیړنۍ غونډه جوړه کړي چې پاکستان یې هم کوربه‌توب ته چمتوالی ښودلی. د چارو یو‌شمېر شنونکي د دې غونډې جوړېدل د افغانستان په ګټه بولي.

کندوزیان: کندوز کې د انسان تښتونې او ترور پېښې ډېرې شوي

په هېواد کې د وروستیو تحولاتو سره هم‌مهاله په کندوز کې د انسان تښتونې او وژنې پېښې ډېرې شوي. په کندوز کې د جنايي پېښو ډېرېدو د دغه ولایت اوسېدونکي اندېښمن کړې دي. د کندوزیانو په وینا، دوه اوونۍ وړاندې وسله‌والو کسانو د کندوز ښار په درېیمه حوزه کې د اوړو د یوه کارخونې مالک او شاګرد په چکش ووژل.

د امریکا کانګرس ته د متقي لیک: د افغانستان کنګل شوې پیسې ازادې کړئ

نږدې درې میاشتې وړاندې هغه مهال چې طاالبان واک ته ورسېدل، د امریکا له لوري د افغانستان بانک شتمني کنګل شوې چې اوس د بهرنیو چارو وزیر امیرخان متقي د یاد هېواد کانګرس ته په یوه لیک کې د دغو پیسو د ازدېدو غوښتنه کړې. په دغه لیک کې راغلي، که د امریکا بندیزونه همداسې دوام وکړي، د افغانستان خلک به له ګڼو ننګونو سره مخ شي.

نیمروز کې د توليدي کارخونو فعالیتونه په ټپه درېدلي

په هېواد کې د وروستیو تحولاتو له امله د یو‌شمېر نورو ولایتونو ترڅنګ د نیمروز ولایت تولیدي کار خونې  هم د خامو موادو د نه‌شتون، بانکي او نورو ستونزو له امله یې فعالیتونه په ټپه درېدلي او  پانګوالو ته یې میلیونونه افغانۍ زیان اړولی دی.

جوزجان کې یوې مېرمنې د نجونو لپاره ښوونځی جوړ کړ

د جوزجان ولایت د پوهنې ریاست مسوولان د یاد مکتب د پرانستې په مراسمو کې وايي چې د دغه ولایت په مرکز او ولسوالیو کې د ښوونځیو لپاره ځمکه ځانګړې کول او ښوونځي جوړول، د جوزجان ولایت د اوسېدونکو له «علم» سره د مینې او لوړ فرهنګ ښودنه کوي او  دوی ورڅخه هرکلی کوي.

عمران خان د افغانستان د کنګل شویو شتمنیو د ازادېدو غوښتنه وکړه

د پاکستان د لومړي وزیر عمران خان دفتر د یوې خبرپاڼې په خپرولو سره ویلي چې عمران خان پرون د سعودي عربستان په پلازمېنې ریاض کې په اقلیمي چارو کې د امریکا له ځانګړي استازي جان کیري سره په لیدنه کې د افغانستان د کنګل شویو شتمنیو د ازادیدو غوښتنه کړې.

هرات کې ښوونکي د خپلو معاشونو غوښتنه کوي

نن په هرات کې ګڼو ښوونکو په یوې اعتراضیه غونډه کې د خپلو معاشونو غوښتنه وکړه. دوی وایي چې له څلورو میاشتو راهیسې یې خپل معاشونه نه دي ترلاسه کړي او اوس په خراب اقتصادي وضعیت کې ژوند کوي.

د ملي دسترخوان پروګرام د لسګونو کارکوونکو اعتراض

د ملي دسترخوان پروګرام له دوو زرو ډېرو کارکوونکو نن د ADA, SDO, COAR او WADAN موسسو له لوري د معاشونو د نه ورکړې پر وړاندې اعتراض وکړ.
دوی وايي، سره له دې چې په سختو حالاتو کې یې له خلکو سره د مرستې په موخه له یادو موسسو سره کار کړی، خو له پنځو میاشتو راهیسې یې معاشونه نه دي ورکړل شوي.

د هرات حوزوي روغتون کې د ناروغانو شکایت؛ مسوولان یې امکانات غواړي

په دې وروستیو کې د هرات حوزوي روغتون ته د ناروغانو ورتګ زیات شوې او هره ورځ د غور، بادغیس، فراه او نیمروز ولایتونو سلګونه اوسېدونکي د درملنې لپاره ورځي.
د بادغیس اوسېدونکی سیدحسام الدین چې شاوخوا شل ورځې وړاندې د خپل ماشوم د درملنې لپاره هرات ته تللی، د ډاکټرانو پر نه پام نیوکه کوي.

خپلو وګړو ته د امریکا او برېټانیې خبرداری: کابل سرینا هوټل څخه ووځئ

د فرانسې خبري اژانس د خپلې سرچینې له قوله راپور ورکړی چې امریکا او برېټانیې په کابل ښار کې له خپلو وګړو غوښتنه کړې چې هر څه ژر دې په کابل ښار کې د سرینا هوټل څخه ووځي. دغه خبري اژانس ویلي، یاد خبرداری د امنیتي ګواښ له امله دی.

د خبریالانو خوندیتوب کمېټه: طالبان دې د سلام‌وطندار پر خبریال برید وڅېړي

اسیا کې له خبریالانو د خوندیتوب کمېټې په یوې خبرپاڼه کې د سلام‌وطندار راډیو پر خبریال او اډېټور محمد‌علي احمدي وسله‌وال برید افغانستان کې د اطلاع رسونې پر وړاندې ستر ګواښ بللی دی. اسیا کې د خبریالانو خوندیتوب کمېټې همغږی کوونکی سټیوان بټلر له طالبانو غوښتي چې د یاد برید د څرنګوالي په اړه خپلې څېړنې پیل کړي.

طالبانو د ملګرو ملتونو عمومي غونډه کې د ګډون او وینا غوښتنه کړې

د رویټرز خبري اژانس د راپور پر بنسټ، طالبانو ملګرو ملتونو ته د یوه لیک په استولو سره سهیل شاهین دغه سازمان ته د خپل دایمي استازي په توګه ورپېژندلی او په ملګرو ملتونو کې یې د بهرنیو چارو وزارت سرپرست امیرخان متقي د وینا کولو غوښتنه کړې ده. په ملګرو ملتونو کې د مخکیني حکومت دایمي استازی غلام‌محمد اسحاق‌زی و.