بغلان کې د کوویډ۱۹ روغتون د کارکوونکو اعتراض

د بغلان ولایت د کووویډ۱۹ روغتون ډاکټرانو او کارکوونکو نن د دغه روغتون ودانۍ مخته لاس په اعتراض پورې کړ. دوی وايي چې له تېرو شپږو میاشتو راهیسې یې خپل معاشونه نه دي ترلاسه کړي او له یوه نامعلوم برخلیک سره مخ دي. دوی ټينګار کوي چې دغه روغتون د درملو او تجهیزاتو له کمښت سره مخ دی او که چېرته ستونزو ته  یې رسېدنه ونه شي، دغه روغتون به وتړل شي.

هېواد کې د سرطان ناروغۍ د درملنې تخصصي روغتونونه جوړېږي

د عامې روغتیا وزارت د خدمتونو د وړاندې کولو مرستیال نن کابل کې یوې خبري غونډې ته وویل چې هېواد کې د سرطان ناروغۍ لپاره شته امکانات بسنه نه کوي او دوی په مرکز او د زونونو په کچه د سرطان ناروغۍ د درملنې لپاره معیاري مرکزونه جوړوي.

بادغیس کې پر نشه‌يي توکو د روږديو کسانو په زوره درملنه کېږي

محمدعلي د یوه ۲۶ کلن ځوان مستعار نوم دی چې په بادغېس کې اوسېږي او له څو کلونو راهیسې پر نشه‌يي توکو روږدی شوی دی. هغه وايي، پوډر او ښيښه څښوي او لومړی ځل هم په ایران کې د ملګرو په هڅونه پرې اخته شوی دی.
محمدعلي زیاتوي، ایراني ملګرو سره به یې په ګډه پوډر څښول او هغوی به هم په دې کار ستایل چې بالاخره پرې اخته شو.

 فراه کې د روږدو کسانو د درملنې روغتون د امکاناتو له کمښت سره مخ دی

په فراه کې د روږدو کسانو د درملنې د ۱۰۰ بستریز روغتون مسوول عبدالودود نیازی سلام‌وطندار ته وايي چې دوی د ناروغانو د زیاتېدو، د ځای، درملو او خوراکي توکو د کموالي له امله له ګڼو ستونزو سره لاس او ګرېوان دي. د نیازي په وینا، دوی خپلې ستونزې له محلي او مرکزي چارواکو سره شریکي کړي او هڅه کوي چې ورته رسېدنه وکړي.

پر سردار محمد داوود خان روغتون برید کې د کابل قول‌اردو قومندان وژل شوی

فرانس‌پرس خبري اژانس د یوه رپوټ په خپرولو سره ویلي چې د سردار محمد داوود خان پر څلور سوه بستریز روغتون د داعش ډلې په پروني وسله‌وال برید کې د کابل د قول‌اردو قومندان هم وژل شوی دی. فرانس‌پرس د طالب چارواکو له قوله ویلي چې په دغه برید کې د حمدالله مخلص په نوم د دوی یو پوځي قومندان له وسله‌والو سره په جګړه کې وژل شوی دی.

تخار کې د معاشونو نه ورکړې په اړه د ډاکټرانو شکایت

د تخار د مرکز تالقانو ښار د دوه‌سوه بستریز روغتون روغتیايي کارکوونکی محمدصابر وايي، له تېرو درېوو میاشتو راهیسې یې معاش نه دی اخیستی او د ژمي را رسېدو او د خوراکي او سوندتوکو د بیو لوړېدو له کبله ګڼو اقتصادي ستونزو سره مخ شوی دی.
د هغه په خبره، خپلې ستونزې یې د تخار د روغتیا ریاست او د عامې روغتیا وزارت له چارواکو سره شریکې کړي او تمه ده چې حل یې کړي.

د پروان ۱۰۰بستریز ملکي روغتون فعالیتونه ۸۵ سلنه راکم شوي

پروان کې ۱۰۰بستریز روغتون یوازینی ولایتي روغتون دی چې سل بستره لري او د اسلامي امارت تر راتګ وړاندې به پکې هره میاشت ۱۱۰۰ ناروغان بسترېدل او تر ۱۰۰ ډېر د عملیاتو چارې به پکې ترسره کېدې چې اوس یې فعالیتونه ۸۵ سلنه راکم شوې دي.

د کندهار په یوه جومات کې چاودنې درنه مرګ‌ژوبله اړولې

د کندهار ولایت د لومړۍ امنیتي حوزې اړوند د اهل تشیع په «فاطمیه امام‌بارګاه» جومات کې نن د جمعې لمانځه پر مهال د چاودنې له امله ۳۲ کسان وژل شوي او ۵۳ نور ټپیان دي. د پېښې یو‌شمېر عیني شاهدان وایي، چاودنې درې وې، خو ځينې نور بیا وايي، یوازې د یوې درنې چاودنې غږ یې اورېدلی دی.

د هرات حوزوي روغتون کې د ناروغانو شکایت؛ مسوولان یې امکانات غواړي

په دې وروستیو کې د هرات حوزوي روغتون ته د ناروغانو ورتګ زیات شوې او هره ورځ د غور، بادغیس، فراه او نیمروز ولایتونو سلګونه اوسېدونکي د درملنې لپاره ورځي.
د بادغیس اوسېدونکی سیدحسام الدین چې شاوخوا شل ورځې وړاندې د خپل ماشوم د درملنې لپاره هرات ته تللی، د ډاکټرانو پر نه پام نیوکه کوي.

ننګرهار کې د درملو او طبي امکاناتو نشتوالي خلک له ستونزو سره مخ کړي

که څه هم د روغتیایي خدمتونو په برخه کې له پخوا راهیسې ستونزې شته، خو تازه د ننګرهار د یو‌شمېر ولسوالیو اوسېدونکي شکایت کوي، هغه کلینیکونه چې د دوی په سیمو کې فعال دي، اوس په کافي اندازه درمل او نورو طبي امکانات نه لري. هغه وویل، د روغتیا برخې ملاتړي بنسټونه دې خپلې همکارۍ زیاتې کړي.