د افغانستان اوسنیو ستونزو او ننګونو ته د حللارې موندلو په موخه د مسکو فارمټ غونډه نن د روسیې په پلازمېنې کې جوړه شوه.
د راپورونو پر بنسټ، د روسیې، چین، پاکستان، ایران، هند، قرغېزستان، اوزبکستان، تاجکستان، قزاقستان او ترکمنستان استازو په دې غونډه کې ګډون کړی و او د قطر، متحده عربي اماراتو، سعودي عربستان او ترکیې استازي بیا د مېلمنو په توګه وربلل شوي وو.
د افغانستان لپاره د روسیې ځانګړي استازي ضمیر کابلوف ویلي چې یاده غونډه د افغانستان ستونزو ته د حللارې موندلو لپاره د سیمې هېوادونو د ګډ لیدلوري ترلاسه کولو په موخه جوړه شوې ده.
د نوموړي په وینا، ټول ګډونوال هېوادونه به د همدې غونډې د هوکړې پر بنسټ، په جلا جلا توګه له افغان چارواکو سره خبرې اترې کوي.
په ورته وخت کې د افغانستان په چارو کې د چین ځانګړي استازي یوه شیاوونګ بیا دې غونډه کې غوښتنه کړې چې د امریکا متحده ایالات باید د افغانستان کنګل شوې شتمني ور پرېږدي.
روسیې که څه هم تېر کال د مسکو فارمټ غونډې ته د اسلامي امارت چارواکي هم وربللي وو، خو سږ کال یې پهکې د ګډون بلنه نه وه ورکړې.
د سلاموطندار پښتو فېسبوکپاڼه وڅارئ
د روسيې د بهرنيو چارو وزارت د مسکو فارمټ غونډې ته د اسلامي امارت د استازي نه وربللو لامل د هغوی له لوري د ټولګډونه حکومت نه جوړېدل په ګوته کړي دي.
خو د اسلامي امارت د بهرنیو چارو وزارت بیا د افغانستان له استازي پرته د مسکو غونډې جوړېدل بېګټې بللي وو.
