د فاریاب امنیه قومندان مولوي نېکمحمد حذیفه ویلي چې د افغانستان اسلامي امارت «سپېڅلی الهي نظام» دی او په وینا یې، د دغه نظام قانون قران او سنت دی او بیرغ یې د «الله» او د «رسول» بیرغ دی، نو له همدې امله د دغه نظام پر وړاندې درېدل او یا هم جګړه ورسره کول، د اسلام له داېرې د وتلو خطر لري.
د فاریاب امنیه قومندان دغه څرګندونې پرون د دغه ولایت د والي، ولسوالانو او پوځي قومندانانو سره په یوې جوړې شوې ناسته کې کړې دي. نوموړي زیاته کړې، هغو کسانو چې د اسلامي امارت پر وړاندې وسله پورته کړې وه او جګړه یې کوله، باطل وو او باطل مړه شوو.
د سلاموطندار پښتو فېسبوکپاڼه وڅارئ
د فاریاب امنیه قومندان د اسلامي امارت ځواکونو ته سپارښتنه کړې چې له یاد نظام څخه ساتنه وکړي او له خپلو لیکو څخه نااهله کسان وباسي.
سلاموطندار پر ټویټر هم وڅارئ
نوموړي همداراز د فاریاب د صفونو د تصفیې کمېسیون له مسوولانو غوښتنه کړې چې د اسلامي امارت له لیکو څخه نامطلوبه کسان ګوښه کړي.
