کابل کې د جاپان سفارت نن سهشنبه د لیندۍ ۱۵مه پر خپله ټوېټرپاڼه لیکلي، هېواد يې افغانستان سره د لومړنیو بشري اړتیاوو پوره کولو او د بشردوستانه پروژو پلي کولو په موخه څه باندې ۱۰۶ میلیونه ډالر مرسته کوي.
د جاپان سفارت ویلي چې دغه پروژې د ملګروملتونو ادارو، نورو نړیوالو سازمانونو او غیردولتي موسسو لهخوا د افغانانو د ژوند ښهکېدو په موخه پلي کېږي.
د دغه سفارت په وینا، د اسلامي امارت له واکمنېدو وروسته افغانستان سره د جاپان د مرستو کچه ۳۳۵ میلیونه ډالرو ته رسېږي.
د یادونې وړ ده چې د تېر یوه کال راهیسې افغانستان کې د لوږې او بېوزلۍ لمن پراخه شوې او ګڼشمېر کورنۍ له اقتصادي ستونزو سره لا او ګرېوان دي.
سلاموطندار پر ټوېټرپاڼه هم وڅارئ
د نړیوال بانک د یوې تازه سروې له مخې، د افغانانو لپاره د ژوند شرایط سخت دي، ځکه دوه پر درېیمه برخه افغان کورنۍ د خپلو لومړنیو خوراکي او غیرخوراکي توکو تامینولو لپاره هڅې کوي.
