د ننګرهار د امنیې قومنداني چارواکي وايي چې د عادل په نوم د هغه ماشوم د قضيې څېړنه يې پيل کړې چې بېګاه شاوخوا لس بجې د جلالاباد ښار په اوومه ناحيه کې په ډزو وژل شوى دی.
د ننګرهار امنیې قومنداني امنيتي مرستيال محمدطاهر مبارز وايي، دوى ته د وژل شوي ماشوم د خپلوانو لهخوا سيمه کې امنیتي ځواکونه تورن ورپېژندل شوي چې ماشوم يې په ډزو وژلى، خو زياتوي چې سرتېرو ويلي، پر ياد ماشوم د وسلهوالو غلو له لوري ډزې شوي او وژل شوى دی.
د سلاموطندار پښتو فېسبوکپاڼه وڅارئ
مبارز وويل، اوس نه ده څرګنده چې د پېښې اصلي عاملان څوک دي، خو زياتوي چې د قضيې ښه روښانه کېدو لپاره يې سيمې ته پلاوی هم استولى و او د لا ډېر روښانوالي لپاره قضيه د داخلي امنیت اداره کې تر څېړنو لاندې ده.
د معلوماتو له مخې، د عادل په نوم ياد ماشوم بېګاه هغه مهال د خپل کور سره نږدې په ډزو وژل شوى چې یوې رېکشا کې د کورنۍ دوه نورو غړیو سره يوځاى له دوکان څخه کور ته پر لار و.
