پر اوکراین د روسیې یرغل؛ ملګري ملتونه یې نن په اړه بېړنۍ غونډه جوړوي
ټاکل شوې چې د ملګروملتونو امنیت شورا نن په دې سازمان کې پر اوکرایین د روسیې د یرغل په اړه بېړنۍ غونډه جوړه کړي.
ټاکل شوې چې د ملګروملتونو امنیت شورا نن په دې سازمان کې پر اوکرایین د روسیې د یرغل په اړه بېړنۍ غونډه جوړه کړي.
د افغانستان لپاره د اروپايي ټولنې سفیر وان برانټ د اسلامي امارت د ځواکونو له لوري کور په کور د پلټنې عملیاتو په غبرګون کې ویلي چې دغه بهیر دې ژر تر ژره ودرول شي. برانټ پر خپل ټویټرپاڼه لیکلي: «وېره، د کور پلټنه او د نورو قومونو او ښځو پر وړاندې تاوتریخوالی جنایت دی او باید ژر تر ژره ودرول شي.»
د اسلامي امارت ویاند ذبیحالله مجاهد نن کابل کې د یوې خبري غونډې پرمهال وویل چې کابل کې د روانو چاڼیزو عملیاتو پرمهال یې ۶ داعشیان او د ۹ انسان تښتونکو سربېره یوشمېر وسلې او نور مهمات هم نیولي دي.
د چارو یوشمېر شنونکي وايي، د روسیې او اوکراین ترمنځ جګړه به د دې لامل شي چې نړیوال افغانستان له پامه وغورځوي او خپل ټول تمرکز د اوکراین پر کړکېچ ورټول کړي. د دوی په وینا، اروپایي هېوادونو کې هم ځینې کسان د اوکراین او یوشمېر هم د روسیې پلوي دي چې په دې سره ښايي افغانستان ته د نړیوالې ټولنې پام کم شي.
د امریکا مخکیني ولسمشر ډونالډ ټرمپ د روسیې او اوکراین ترمنځ د جګړې له دوام څخه خبرداری ورکړی او ویلي یې دي چې پر اوکراین د روسیې یرغل به د نړیوالې جګړې لامل شي.
په کندهار کې د اسلامي امارت مسوولان وايي چې د سپین بولدک او چمن ترمنځ دروازه له درې ورځو تړل کېدو وروسته نن یکشنبه بېرته د مسافرو پرمخ پرانستل شوه.
د روسیې ولسمشر ولادیمیر پوتین په ضمني توګه خبرداری ورکړی هر هېواد چې اوکراین کې پوځي لاسوهنه وکړي، هغه به د اټومي برید اقدام وکړي. اوس پوښتنه دا ده چې لوېدیځ هېوادونه څومره باید دغه خبرداری جدي ونیسي؟ داسې حال کې چې د امریکا متحده ایالتونو په شمول د ناټو اېتلاف ډاډ ورکوي چې هغوی به اوکراین کې نظامي ګډون ونه لري.
له وړمې ورځې راهیسي د هېواد د پلازمینې کابل ځینې برخې پوځي څېره خپله کړې او د اسلامي امارت سرتېرو کور په کور تلاشي پیل کړې ده. خو د پلازمېنې یو شمېر اوسېدونکي د اسلامي امارت د ځواکونو له خوا د خپلو کورونو له پلټنو څخه شکایت کړی.
د امریکا د مالیې وزارت پرون افغانستان کې سوداګریزو او مالي معاملو ته د پراختیا ورکولو په موخه، نوی جواز صادر کړی دی.
دې وزارت یوې خبرپاڼه کې ویلي، دغه جواز په دې موخه صادر شوی چې پر اسلامي امارت د امریکا بندیزونه د هغو معاملو او فعالیتونه مخه ونه نیسي چې افغانانو ته د بشري مرستو د رسولو لپاره ورته اړتیا ده.
د شمالي اټلانټیک تړون سازمان یا ناټو د غړیو هېوادونو مشرانو په یوې خپره کړې ویناپاڼه کې د روسیې له لوري پر اوکراین پوځي یرغل غندلی دی. د ناټو تړون د غړیو هېوادونو مشرانو له روسیې غوښتنه کړې چې پر اوکراین روان پوځي برید دې پای ته ورسوي او خپل ټول پوځیان دې له دغه هېواد څخه وباسي.
د اسلامي امارت ویاند ذبیحالله مجاهد یوه اعلامیه کې ویلي، د دفاع وزارت د مرستیال ملا محمدفاضل په مشرۍ یې د کورنیو چارو او دفاع وزارتو او د استخباراتو ریاست ځواکونو د کابل او څو نورو نیږدې ولایتونو په ځينو سیمو کې پراخ چاڼیز عملیات پيل کړي دي.
د اسلامي امارت د بهرنیو چارو وزارت یوه اعلامیه کې ویلي چې اوکراین کې وضعیت له نیږدې څاري او احتمالآ جګړه کې د تلفاتو رامنځ ته کېدو ته اندېښمن دي.
د بهرنیو چارو وزارت ویاند عبدالقهار بلخي نن (جمعه د کب په شپږمه) یوه خبرپاڼه کې د جګړې له ښکېلو خواوو د زغم غوښتنه کړې ده.
ملګرو ملتونو سازمان د یوې خبرپاڼې په خپرولو سره ویلي چې په کندوز او تخار ولایتونو کې په څلورو جلا پېښو کې د پولیو اته واکسیناتوران وژل شوي دي.
د اسلامي امارت ویاند ذبیحالله مجاهد نن په خپله ټویټرپاڼه لیکلي چې د کندهار په سپینبولدګ کې له پاکستاني لوري سره نښته شوې ده. ښاغلي مجاهد پاکستاني لوری د جګړې په پیلولو تورن کړی دی.
د کندوز د امنیې قومندانۍ ویاند قاري عبیدالله عابدي سلاموطندار ته وویل چې ناپېژنده وسلهوالو دغه څلور واکسیناتوران نن پنجشنبه کندوز ښار کې وژلي دي.
هغه وايي چې دوه واکسناتوران د کندوز ښار د څلورمې امنیتي حوزې اړوند د «اوزلوبې میدان سړک» کې او دوه نور هم د «سهدرک» اړوند د «سیاف نمرې» سیمه کې کې وژل شوي دي.
د اوکراین بهرنیو چارو وزیر دیمتري کولبا پر دغه هېواد د روسیې د برید خبر ورکړی. هغه پر خپله ټویټرپاڼه لیکلي چې د روسیې ولسمشر ولادیمیر پوتین د اوکراین پر وړاندې بریدونه پیل کړي دي.
د اوکراین بهرنیو چارو وزیر په وینا، «دا یرغلګر بریدونه دي؛ خو اوکراین به له ځانه دفاع وکړي.» هغه له نړیوالو غوښتي چې د روسیې مخه ونیسي.