د امریکا سپینې ماڼۍ خبرداری ورکړی چې روسیه ښايي پر اوکراین د کیمیاوي وسلو د کارونې پر پلان بوخته وي. د سپینې ماڼۍ ویاندې جن ساکي پر خپل ټویټرپاڼه د روسیې له لوري هغه ادعاوې ناسمې بللي چې ګواکې امریکا په اوکراین کې د کیمیاوي وسلو ازمایښت ځایونه جوړوي.
د امریکا د بهرنیو چارو وزیر انټوني بلنکېن پرون له خپل ازبکستاني سیال عبدالعزیز کاملوف سره په واشنګټن کې لیدلي دي.
دې وروستیو اونیو د سعودي عربستان او د متحده عرب اماراتو مشرانو د امریکا ولسمشر جو بایډن سره له اړیکې ډډه کړې؛ ځکه متحده ایالت او متحدین یې غواړي پر اوکراین د روسیې یرغل په دلیل د انرژۍ د بیې لوړېدو مخه ونیسي. د اوپک + سازمان چې روسیه هم په کې شاملیږي، د لوېدیځو له غوښتنې سربېره د نفتي محصولاتو د بیې لوړېدل رد کړ.
د افغانستان پخواني ولسمشر حامد کرزي په دې وروستیو کې په کابل کې د ایران له صدا او سیما خبري اژانس سره په ځانګړې مرکه کې ویلي چې د اسلامي امارت په راتګ سره لاهم په هېواد کې افغانان تلپاتې سولې او ثبات ته نه دي رسېدلي.
د خبریالانو خوندیتوب کمېټې نن د مارچ اتمې یا د ښځو د نړیوالې ورځې په مناسبت په یوې خبرپاڼه کې ویلي، په وروستیو څو میاشتو کې په هېواد کې د ښځینه خبریالان وضعیت د اندېښنې وړ دی. د دغه بنسټ په وینا، تراوسه د هېواد په ګڼشمېر ولایتونو کې ښځو د دې اجازه نه ده ترلاسه کړې، څو په رسنیو کې کار او شمېر یې کم شوی دی.
پاکستاني رسنیو رپوټ وکړی چې د دغه هېواد په پنجاب ایالات کې یوه کس خپله د اوو ورځو نوې زېږېدلې لور وژلې ده.
د غور امنیتي مسوولان وايي، دغه ولایت کې دوه کسان په مرموز ډول وژل شوي. د چارواکو په وینا، پېښه د غور د پسابند ولسوالي «شغزک» سیمه کې شوې ده.
ویل شوي چې وژل شویو کې یو سړی او د هغه لمسی شامل دی. د غور د امنیې قومنداني ویاند عبدالرحمان بدري سلاموطندار ته وايي، دغه دوه کسان تېره شپه د خپل خوب په بستره کې وژل شوي دي.
د افغانستان لپاره د اروپایي ټولنې ځانګړي استازي توماس نیکولسن د یوې مرکې په ترڅ کې په افغانستان کې د ښځو او د بشري حقونو وضعیت په اړه اندېښنه څرګنده کړې.
د هلمند ولایت محلي چارواکي وايي چې د دې ولایت اړوند په ګرشک ولسوالي کې د کندهار-هرات پر لویه لار د ټرافیکي پېښې له کبله دوه کسان وژل شوي او دوه نور ټپیان دي.
د اقتصاد او سولې موسسې د “ترهګرۍ د نړیوال جدول” په اړه ریپوټ خپور کړی، په دغه ریپوټ کې افغانستان یو ځل بیا د هغو هېوادونو په سر کې راغلی چې له ترهګرۍ څخه سخت زیانمن دی. دا دریم پرله پسې کال دی چې افغانستان ددغه بنسټ په ریپوټ کې د جدول په لومړي سر کې راځي.
د افغانستان لپاره د اروپایي ټولنې ځانګړي استازي توماس نیکولسن یوې بهرنۍ رسنۍ سره مرکه کې ویلي، د اسلامي امارت د کورني مشروعیت او د ستونزو د حل یوازینۍ لار، د ټولګډونه حکومت جوړول دي. هغه دغه مرکه کې رد کړه چې نړیوالې ټولنې حکومت کې د ګډون لپاره اسلامي امارت ته د مخکیني حکومت د چارواکو ۱۵کسیز نوملړ نه دی ورکړی.
هلمند د هېواد سوېلي زون کې یو له هغو ولایتونو دی چې د کرنیزو او خوړوبو ځمکو لویه برخه تشکیلوي او تېرو دوو لسیزو کې دا لومړی ځل دی چې کروندګرو سږکال دغه ولایت کې په پراخه کچه د کوکنارو کرکېلې ته مخه کړې. دوی وايي، که دولت یې د کیمیاوي کودونو، اصلاح شویو تخمونو په برخه کې لاسنیوی وکړي، د کوکنارو بدیل کښتونه به وکري.
د امریکا ولسمشر جو بایډن او د اوکراین ولسمشر ولودمیر زیلنسکي ټيلیفوني خبرې کړي دي. سپېنې ماڼۍ ویلي چې دواړه ولسمشران په دې ټيلیفوني اړیکه کې نیم ساعت غږېدلي.
د هرات امنیتي چارواکي وایي چې دا پېښه پرون شپه د هرات د انجیل ولسوالي په خواجه سرمه کلي کې رامنځته شوې ده. د هرات د امنیه قومنداني ویاند محمود رسولي سلام وطندار ته وویل چې د یوې کورنۍ پنځه غړي چې په کې یو سپین ږیری، یوه ښځه او درې ماشومان شامل دي، په مرموز ډول د وسلهوالو له خوا وژل شوي دي.
د روسیې دفاع وزارت اعلان کړی چې د مسکو پر وخت نن له غرمې مخکې ۱۰ بجې د اوکراین پر کاریوپول او وولنوواخای ښارونو باندې خپل بریدونه دروي.
وروسته له هغې چې د اسلامي امارت د ځواکونو له لوري د کور په کور پلټنې له بهیر څخه شکایتونه وشول، اوس د اسلامي امارت د کورنیو چارو وزارت سرپرست ویلي چې د کورونو د تلاشۍ پرمهال باید څوک ونه ځورول شي.
د کورنیو چارو وزارت چارسمبالي دغه څرګندونې نن په کابل کې د پولیسو اکاډمۍ څخه د سلګونه افسرانو د فراغتغونډې پرمهال وکړې.
