د امریکا د بهرنیو چارو وزیر انټوني بلنکېن پرون له خپل ازبکستاني سیال عبدالعزیز کاملوف سره په واشنګټن کې لیدلي دي.
د امریکا د بهرنیو چارو وزارت په یوې خبرپاڼه کې ویلي چې په دې لیدنه کې دواړو لوریو د افغانستان او اوکراین په اړه خبرې کړي دي.
د سلاموطندار پښتو فېسبوکپاڼه وڅارئ
په خبرپاڼه کې راغلي چې بلنکېن کاملوف ته ویلي، امریکا هېڅکله دې ته اجازه نه ورکوي چې افغانستان یوځل بیا د ترهګرو پر پټنځای بدل شي او دا خاوره د ترهګریزو موخه لپاره وکارول شي.
نوموړي همداراز پر اوکراین د روسیې برید له وړاندې پلان شوی او نا موجه یاد کړی او زیاته یې کړه چې د روسیې دا کړنه په ښکاره له نړیوالو قوانینو څخه سرغړونه او پر قانون ولاړ د یوه نظم او پر پراخ ملاتړ یې ټينګار وکړ.
په همدې حال کې د متحده ایالاتو د بهرنیو چارو وزیر په دې لیدنه کې له افغانستان او اوکراین سره د ازبکستان له مرستو مننه او ستاینه وکړه.
