د ځینو راپورونو له مخې، ازبکستان، تاجکستان، ترکمنستان، قزاقستان او قرغېزستان نن چهارشنبه د دلوې میاشتې په ۲۵ مه نېټه د قرغېزستان په پلازمېنې بشکیک کې د افغانستان په اړه غونډه لري.
ځینو رسنیو د قرغېزستان د بهرنیو چارو وزارت له قوله لیکلي چې دې غونډې ته د افغانستان لپاره د اروپايي ټولنې استازی ټوماس نېکولسن او د ملګرو ملتونو استازي هم ور بلل شوي دي.
له ۱۳۵۸ کال وروسته په افغانستان کې د پخواني شوروي اتحاد د کلونو خونړۍ جګړې لامل شوې چې افغانستان ټوټه ټوټه شي او د معلوماتو له مخې، د دغو جګړو په پایله کې تر یو میلیون ډېر افغانان او د شوروي ۱۴ پوځیان ووژل شول او میلیونونه نور افغانان پهکې ټپیان شول. خو شنونکي وايي، افغانستان له خپل تېر څخه درس نهدی اخیستی او لا هم تلپاتې ثبات ته نهدی رسېدلی.
له هغه وروسته چې په خوست کې یو ډلهييز قبر کې له ۱۰۰ څخه ډېر مړي پهکې وموندل شول، یوشمېر خوستوال چې د کورنۍ غړي یې پخوا تريتم شوي، له نړیوالو ادارو د پلټنو او عدالت غوښتنه کوي.
د خوست ولایتي مسوولان وایي، وړمه ورځ یې د دغه ولایت په مرکز کې شیخ زاید پوهنتون ته نږدې د یوه چېکډیم د جوړېدو پر مهال په یوه ډلهييز قبر کې سل جسدونه موندلي او نن یې په یوه بله سیمه کې خاورو ته سپارلي دي.
د افغانستان لپاره د ایران ځانګړي استازي او سفیر حسن کاظمي قُمي ویلي، که د تماس سیمهييزې ډلې لوري ته پام وشي او د تعامل لوری وڅارل شي، یو باثباته افغانستان به ووینو.
که څه هم ا.ا وايي چې په افغانستان کې یې د داعش ډلې پټنځایونه له منځه وړي، خو دې ډلې اوس هم د افغانستان په اړه د نړیوالو یوه مهمه اندېښنه شمېرل کېږي.
وروسته له هغې چې پر ټولنیزو رسنیو د عیسی محمدي په نوم ټولنیز فعال او د سرپرست حکومت مخالف ایران کې د نوموړي د ممنوعالخروجېدو په اړه خبرونه خپاره شول، د سرپرست حکومت ویاند وايي، هېوادونه باید سیاسي مخالفانو ته په خپله خاوره کې د فعالیت اجازه ورنهکړي.
د پکتيا امنیتي مسوولان وايي چې د دغه ولایت احمدخېلو ولسوالي کې يې ۳۹۶۵ ټابلېټکا کشف او نیولي دي.
د پکتيا امنيه قومنداني له لوري په خپره شوې خبرپاڼه کې ویل شوي چې دغه ګولۍ یې تېره ورځ ناوخته د احمدخېلو په سټوبازار کې چې یوه موټر کې ځای پر ځای شوې، ترلاسه کړې دي.
د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅکله پاکستان ته ګواښ نهدی پېښ کړی.
د افغانستان سرپرست حکومت د کاکړ له دغو څرګندونو هرکلی کړی دی.
د ریاستالوزرا سیاسي مرستیال محمد عبدالکبیر د ملګروملتونو امنیت شورا هغه راپور تش تبلیغات بللي چې ګواکې افغانستان کې د القاعده ډلې مرکزونه شتون لري.
د نوموړي په وینا، افغانستان کې اوسنی سرپرست حکومت بشپړ واکمن دی او داسې مرکزونه نشته چې نورو هېوادونو ته ترې ګواښونه رامنځته شي.
د لوګر امنیې قومنداني چارواکي وايي، تېره ورځ مازدیګر مهال د خوښۍ ولسوالي په «بالاده» کلي کې یوه کس د خپلې کورنۍ شپږ غړي وژلي دي.
د دغه ولایت امنیه قومنداني ویاند احمدالله انس سلاموطندار ته وویل، د صفدرعلي په نوم یوه کس خپله مېرمن، څلور کلن زوی، تره او د تره درې زامن د توپانچې په ډزو وژلي دي. خبرپاڼه زیاتوي چې پېښه د کورني تاوتریخوالي له امله رامنځته شوې او امنیتي ځواکونه به یې هر اړخیزه پلټنه وکړي.
کابل پرون ناوخته د یوې مهمې سیمهييزې غونډې چې په څه باندې دوو کلونو کې یې مخینه نه لرله، کوربهتوب وکړ. دا غونډه «د افغانستان سیمهييزې همکارۍ نوښت» په نوم په بهرنیو چارو وزارت کې د دغه وزارت د سرپرست امیرخان متقي په وینا پیل شوه او نورې ویناوې له رسنیو پټې پهکې وشوې.
په افغانستان کې د ملګرو ملتونو د ماشومانو د ملاتړ صندوق یا یونیسف د سهشنبې په ورځ پر خپلې اېکسپاڼې لیکلي چې په روان زېږدیز کال کې به له جګړې د پاتې ماینونو د خطرونو په اړه د ماشومانو په ګډون، د ۳،۶ میلیونه کسانو لپاره روزنیز پروګرامونه جوړ کړي.
د ملي دفاع وزارت سرپرست محمد.یعقوب م.جاهد د چین، ایران او پاکستان له استازیو سره په لیدنه کې ویلي چې په افغانستان کې د هېوادونو د پرمختیايي پروژو د امنیت ټينګښت ته تیار دي.
که څه هم پاکستان د ا.ا له واکمنېدو راهیسې له افغانستان سره خپلو اړیکو ته دوام ورکړی، خو دا اړیکې د دواړو لوریو د چارواکو له اختلافونو او لفظي شخړو سره مخامخ شوې دي.
تازه د پاکستان د پوځ لوی درستیز عاصم منیر پر ا.ا نیوکې کړي او ویلي یې دي چې د یوه پاکستاني د ژوند ارزښت له ټول افغانستان څخه زیات دی.
ایران د تېرو دوو ورځو پرمهال پر پاکستان، عراق او سوریې توغندیز بریدونه کړي چې د یاد هېواد دغه پوځي اقدامات له ګڼو نړیوالو غبرګونونو سره مخ شوي دي.
د غبرګونونو په لړ کې پاکستان د یاد برید د پایلو په اړه خبرداری ورکړی او عراق هم د ملګروملتونو امنیت شورا ته له ایرانه شکایت کړی دی.
که څه هم ۲۰۲۳ کال کې د افغان مېرمنو د ژوند بېلابېلو اړخونو کې له پرمختګ او پر وړاندې یې د ولاړو ستونزو څخه سترګې نهشي پټېدی، خو د روان ۲۰۲۴ کال له پیل سره هممهاله د پرمختګونو پراخېدو او ستونزو هواري ته هیلې ژوندۍ دي. په دې راپور کې هغو څېړنیزو راپورونو ته ځغلنده نظر کوو چې سلاموطندار «سلام افغانستان رسنیزې موسسې» د تېر یوه کال پر مهال د افغان مېرمنو وضعیت او برخلیک په اړه چمتو او خپاره کړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
