ننګرهار کې د وسلهوالو غلو ۱۸کسيزه ډله نيول شوې
د ننګرهار د سرهرود ولسوالي اړوند «چهارباغ، صفا» کلي په يوه کور کې د غلا پرمهال د امنيتي ځواکونو له لوري د وسلهوالو غلو ۱۸کسيزه ډله نيول شوې.
د ننګرهار د سرهرود ولسوالي اړوند «چهارباغ، صفا» کلي په يوه کور کې د غلا پرمهال د امنيتي ځواکونو له لوري د وسلهوالو غلو ۱۸کسيزه ډله نيول شوې.
فارین پالیسي دوه ورځې وړاندې په یوه څېړنیز راپور کې ادعا کړې چې ا.ا په افغانستان کې د القاعده شبکې ملاتړ ته لا هم دوام ورکړی دی.
فارین پالیسي ادعا کړې چې یاد راپور یې د پټو ډيپلوماټیکو اطلاعاتو پر بنسټ جوړ کړی او ا.ا په افغانستان کې د القاعده غړیو ته د وسلو، کور، ښځو او پاسپورټ په څېر امکانات برابر کړي دي.
د هلمند په ګرمسېر ولسوالي کې د ناچاوده توکو د چاودنې له امله درې ماشومان وژل شوي او دوه نور ټپیان دي.
پېښه نن شنبه، وري څلورمه سهار هغه مهال رامنځته شوې چې یادو ماشومانو له جګړو پاتې پر یوې زړې مرمۍ لوبې کولې.
په پاکستان د افغانستان د سفارت سرپرست سرداراحمد شکېب سلاموطندار ته وايي، د افغانستان لپاره د دغه هېواد ځانګړي استازي اصف دراني سره په لیدنه کې د دواړو هېوادونو ترمنځ د رامنځته شویو ستونزو په اړه خبرې کړې دي. د نوموړي په وینا، دې لیدنه کې هوکړه شوې چې راتلونکې کې به پاکستان پر افغان خاوره کړي بریدونه نهتکراروي
د سرپرست حکومت د بهرنیو چارو وزارت د روسیې پلازمېنه مسکو کې پر یوه کنسرټ وسلهوال برید غندلی او هغه یې ترهګریز بللی دی.
د یاد وزارت ویاند عبدالقهار بلخي نن شنبه، مارچ ۲۳مه پر خپله اېکسپاڼه لیکلي چې دغه برید د ټولو بشري حقونو له موازینو ښکاره سرغړاوی او نقض دی.
خوست کې د «شېرالله» په نوم د وژل شوي ډاکټر د کورنۍ غړي له حکومت غوښتنه کوي چې د نوموړي قاتلانو ته دې سخته سزا ورکړي.
ډاکټر شېرالله شاوخوا لس ورځې وړاندې د دغه ولايت مرکز اړوند د لکڼو په کوړيانو کلي کې د دوو کورنيو ترمنځ شخړه کې وژل شوی و.
د کندهار امنیتي مسوولان وايي، کندهار ښار کې د یوه ځانمرګي برید له امله درې کسان وژل شوي او ۱۲ نور ټپیان دي.
پېښه نن پنجشنبه، وري دویمه، سهار ۸:۳۰ بجې د کندهار ښار لومړۍ امنیتي حوزې اړوند «کابل بانک» مخې ته شوې. د کندهار د امنیې قومنداني ویاند ټينګار وکړ چې دغه ځانمرګي برید کې ډېری مرګژوبله ملکیانو ته اوښتې ده.
د پکتيا ډنډپټان ولسوالي اوسېدونکي وايي چې دغه ولسوالي کې ډیورنډ کرښې ته څېرمه له پاکستاني ځواکونو سره د جګړې پر مهال د یاد هېواد ځواکونو د ملکیانو کورونه په نښه کړي دي. د یادې ولسوالي اوسېدونکي زیاتوي، هر مهال چې د افغان او پاکستاني ځواکونو ترمنځ جګړه رامنځته کېږي، پاکستانی لوری د ملکیانو کورونه په نښه کوي.
د ریاستالوزرا اداري مرستیال عبدالسلام حنفي ویلي چې د سراسري امنیت ټینګښت، د نشهيي توکو او اداري فساد ورکول د ا.ا لاستهراوړنې دي او حکومت یې هېچا ته اجازه نه ورکوي، څو د افغانستان خاوره د نورو هېوادونو د امنیت ګډوډولو پر وړاندې وکاروي.
پر خوست او پکتیکا د پاکستاني ځواکونو د هوايي بریدونو وروسته تېره ورځ دوشنبه، کب ۲۸مه د پاکستان او د افغانستان امنیتي ځواکونو ترمنځ یو ځل بیا سخته نښته شوې. د دغه برید په غبرګون کې اسلامي امارت د ډیورنډ فرضي کرښې په اوږدو کې د پاکستان پوځي مرکزونه په نښه کړل.
د افغانستان او پاکستاني ځواکونو ترمنځ په نښته کې د پاکستان د پوځ یو قومندان وژل شوی او دوه سرتیري یې ټپیان شوې دي.
پاکستاني رسنیو نن دوشنبه د کب ۲۸مه خبر ورکړی چې د پوځ دغه قومندان د ډیورنډ کرښې په اوږدو کې د پاړه چینار ولسوالي په کورمه کې له افغان ځواکونو سره په نښته کې وژل شوی دی.
د سرپرست حکومت د دفاع وزارت وايي چې د پاکستان د هوايي بریدونو په غبرګون کې یې، ډیورنډ کرښه ته څرمه د پاکستان د پوځ پر مرکزونو د درنو وسلو بریدونه کړي دي.
د دفاع وزارت نن دوشنبه، کب ۲۹مه پر اېکسپاڼه لیکلي چې دغه بریدونه یې پر پکتیکا او خوست د پاکستان د هوايي بریدونو په غبرګون کې کړې دي.
د پکتیا په ډنډپټان ولسوالي کې یوې حکومتي سرچینې سلاموطندار ته ویلي چې په دغه ولسوالي کې ډیورنډ کرښې سره د افغان او پاکستاني ځواکونو ترمنځ نښته روانه ده.
نښته نن دوشنبه، کب ۲۹مه سهار مهال پیل شوې چې تر دې دمه روانه ده. د جګړې پیل سره هممهاله له پاکستان سره د خرلاڅي دروازه هم تړل شوې.
پر خوست او پکتیکا د پاکستان د هوايي بریدونو په غبرګون کې د افغانستان سرپرست حکومت وايي چې دغه ډول ناسنجیده کړنې به بدې پایلې ولري.
د سرپرست حکومت په یوې خبرپاڼه کې دې هوايي بریدونو ته په غبرګون کې ویلي چې داسې پېښې به خورا بدې پایلې ولري او کابو کول به یې د پاکستان اختیار کې نهوي.
سره له دې چې ا.ا په وار وار ډاډ ورکړی چې افغان خاوره به هېڅکله د بل هېواد پر ضد ونه کارول شي، خو بیا هم نړیوالو په تېرو دوو کلونو کې له افغانستان څخه د ترهګرۍ ګواښونو او امنیتي ستونزو په اړه اندېښنې ښودلې دي.
د افغانستان د قومونو، سرحدونو او قبايلو چارو وزارت سرپرست نورالله نوري وايي، د تېر نظام پرمهال ځينې بهرنيو کړيو غوښتل چې افغانستان تجزيه کړي او د دې لپاره يې خپل سياسي تنظيمونه رامنځته کړي وو. د هغه په وینا، دامهال هېواد کې د ټولو قومونو حقوق خوندي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون