د پکتیا د ډنډپټان ولسوالي اړوند د ډیورنډ فرضي کرښې په اوږدو کې یو ځل بیا د اسلامي امارت د ځواکونو او پاکستانۍ ملېشو ترمنځ نښته شوې ده.
یوې دولتي سرچینې د نوم نه ښودلو په شرط سلاموطندار ته وویل چې د ا.ا ځواکونو او پاکستانۍ ملېشو ترمنځ د نن ماسپښین له شاوخوا یوېنیمې بجې راهیسې جګړه روانه ده.
د فراه امنیه قومانداني په دغه ولایت کې د هاوان یوې ناچاودې مرمۍ د چاودنې له کبله د درې ماشومانو د وژل کېدو خبر ورکوي.
د کابل د امنیې قومانداني ویاند خالد ځدران سلاموطندار ته تایید کړه چې ناپېژنده وسلهوالو د اتمې امنیتي حوزې اړوند په کارتهنو کې د حضرت ابوبکر صدیق جومات ملا امام قاري نجیبالله عزیزي وژلی دی.
د چارو ادارې په یوه ټویټ کې لیکلي چې د ا.ا رییسالوزرا محمدحسن اخوند پرون مازدیګر د ارګ په ګلخانې ماڼۍ کې د اسلامي همکاریو سازمان له پلاوي سره کتلي دي. نوموړي په دې لیدنه کې ویلي چې اسلامي امارت به د خپلې پالیسي له مخې، هېچا ته اجازه ور نهکړي چې له افغانستانه د نورو په چارو کې لاسوهنه وکړي یا یې هم له ګواښ سره مخامخ کړي.
فاریاب کې امنیتي سرچینې وايي چې په دغه ولایت کې یوه کس د ځمکې پر سر شخړه کې خپل پلار او کاکا وژلي او بل کاکا یې ټپي کړی دی.
د هرات استخباراتو د یوې خبرپاڼې په خپرولو سره ویلي چې د دغه ریاست ځواکونو یاد ولایت کې د عملیاتو پر مهال پنځه داعشیان وژلي دي.
د خپرې شوې خبرپاڼې له مخې، دغه عملیات بېګاه شپه د لړم ۲۴مه د هرات ښار په «ملاباباجي» سیمه کې د داعش ډلې د غړیو پر یوه پټنځای شوي دي.
د تخار اوسېدونکي وايي چې نن چهارشنبه د لړم ۲۵مه د دغه ولایت په مرکز تالقان ښار کې د اسلامي امارت د ځواکونو پر موټر ماین چاودنه شوې ده.
د پېښې عیني شاهدان وايي چې چاودنه د تالقان ښار د درېیم ګدام سرک سیمه کې د تخار د امنیې قومنداني د ځواکونو او د زندانیانو پر یوه موټر شوې.
په پکتیا کې یوه امنیتي سرچینه وايي، د اسلامي امارت ځواکونه او پاکستانۍ ملېشې نن مازدیګر شاوخوا څلورنیمې بجې د دغه ولایت په ډنډپټان ولسوالي کې د ډیورنډ فرضي کرښې په «خرلاڅي» دروازه کې سره نښتي دي.
د اسلامي امارت ځواکونو او پاکستانۍ ملېشو پرون غرمه د کندهار په سپینبولدک کې د ډیورنډ پر فرضي کرښې لګېدلې دروازې سره د لنډمهال لپاره جګړه وکړه.
د دې پېښې یوه عیني شاهد د نوم نه ښودلو په شرط سلاموطندار ته ویلي چې یوه کس د اسلامي امارت ځواکونو په جامه کې پر پاکستانۍ ملېشو برید وکړ.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
د اسلامي امارت ویاند ذبېحالله مجاهد پر ټویټر لیکلي چې ځواکونو یې بېګاه د کابل ښار د پنځلسمې امنیتي حوزې اړوند په پنجصدفامیلیو کې د وسلهوالو یو پټنځای په نښه کړی و.
د کاپیسا امنیه قومانداني د دغه ولایت د کوهستان د دویمې برخې ولسوالي په اړوند سیمه کې د یوه ځوان د وژل کېدو خبر ورکوي.
کندوز کې محلي سرچینو سلاموطندار ته ویلي چې د محيالدین په نوم یوه ځوان په دغه ولایت کې ځان وژلی دی. دغه ځوان شل کلن و او جامې یې ګنډلې. د سرچینو په وینا، یاد ځوان نن د کندوز ښار د درېیمې امنیتي حوزې اړوند د «مال بازار څلورلارې» سره د جامو ګنډلو په دوکان کې یې ځان را ځړولی او وژلی دی.
بریټانیوي رسنیو راپور ورکړی چې افغانستان کې د دغه هېواد د ځوکونو د عملیاتو پر مهال ۶۴ افغان ماشومان وژل شوي دي.
د بيبيسي د انګلیسي څانګې د راپور پر بنسټ د بریټانیا حکومت افغانستان کې د وژل شویو ۶۴ ماشومانو کورنیو ته غرامت ورکړی، خو دغه هېواد د ۱۶ ماشومانو وژنه تایید کړې ده.
د سرپُل محلي مسوولان وايي چې د دغه ولایت په مرکز کې ناپېژنده کسانو یوه ښځه وژلې ده. د سرپُل د امنیې قومنداني ویاند دینمحمد نظري سلاموطندار ته ویلي، دغه ښځه نن یکشنبه د لړم ۱۵مه د مرکز د ناحیهدشت اړوند خرابه کلي کې رامنځته شوې ده. نظري زیاته کړې، د یادې ۴۰کلنې مېرمنې جسد د جنايي جرمونو پر وړاندې د مبارزې مدیریت د پرسونل له لوري روغتون ته لېږدول شوی دی.
د سرپل د امنیې قومانداني ویاند دینمحمد نظري سلاموطندار ته ویلي چې ناپېژنده کسانو د صیاد ولسوالي د انګشکه سیمې اوسېدونکی محمدنعیم وژلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
