د کابل د والي مرستیال نن سهار د چسپکي ماین په چاودنه کې ووژل شو.
د کورنیو چارو وزارت وايي، نن سهار ۹:۴۰ دقیقې د څلورم مکروریانو په سیمه کې د کابل د والي پر مرستیال محبوبالله محبي د چسپکي ماین چاودنه شوې او هغه یو سکرتر یې پهکې وژل شوي دي.
فراه ولايت کې امنيتي مسوولان وايي، وسلهوالو طالبانو د دې ولايت د لاشوجوين ولسوالۍ د مرکزي جامع جومات خطيب مولوي غلامسخي وژلی دی.
د ياد ولايت د والي وياند محبالله محب سلاموطندار ته وايي، پر دغه ديني عالم وسلهوالو طالبانو تېره شپه شاوخوا اته بجې هغه مهال بريد کړی چې له جوماته کور ته روان و.
د کندوز د ولایتي شورا رییس محمد یوسف ایوبي سلاموطندار ته ویلي چې بېګاه شاوخوا ۷ بجې د دغه ولایت د امامصاحب ولسوالي په اوستامینګ او اسماعیل قشلاق سیمو کې د امنیتي ځواکونو پر یوې پوستې برید کړی دی.
بدخشان کې امنيتي سرچينې وايي، د سرحدي ځواکونو ۴ سرتېري چې له بهارک ولسوالۍ شکاشم ته پر لاره وو، «اغرده» کوتل کې د توپان او سړې هوا له کبله مړه شوي دي.
د ياد ولايت د امنيې قومندانۍ وياند ثناالله روحاني وايي، دغه ۴ سرتېري د سرحدي ځواکونو د څلورم کنډک اړوند وو چې زېباک ولسوالۍ کې يې دنده درلوده.
د کندهار د ارغنداب ولسوالي د ناګهان سیمې په دهسبز کلي کې د هوايي برید له کبله د یوې کورنۍ ۱۲ غړي وژل شوي دي. دغه برید بېګاه یوولس بجې شوی دی.
د کابل امنيې قومندانۍ تاييدوي چې نن سهار « يکشنبه، د ليندۍ ۲۳مه» د کابل ښار اتمه ناحيه کې ناپېژاندو وسلهوالو يو څارنوال وژلی دی.
د یادې قومندانۍ وياند فردوس فرامرز وايي، دغه څارنوال «حبیبالله» نومېده.
افغان ځواکونو څو ورځې وړاندې د هلمند-کندهار د لویې لارې خلاصولو لپاره پوځي عملیات پیل کړل او پرون ناوخته یې د خلاصېدو خبر ورکړ.
بلخ ولايت کې یو شمېر ترکمنو مېرمنو د انسان تښتوونکيو له منګولو د ۹کلن عبدالرووف د خوشې کولو په برخه کې د بلخ د سیمهيیزو چارواکيو د ناتوانۍ په غبرګون کې اعتراض وکړ او د ياد ولايت دروازه يې وتړله.
۹کلن عبدالرووف شاوخوا ۴۷ ورځې وړاندې د وسلهوالو کسانو له لوري چې ویل کېږي پوځي کالي یې پر ځان وو؛ د مزار شریف ښار له څلورمې ناحیې وتښتاوه.
د اریانا نیوز ټلوېزیون د خبرونو ویاند فردین امیني د کورنۍ غړي د کورنیو چارو وزارت هغه ادعا چې امیني ځانوژنه کړې، نه مني او وايي، هغه وژل شوی دی.
روزګان ولایت کې یوه امنیتي سرچینه او ځینې مدني فعالان وايي، وسلهوالو طالبانو تېره شپه دهراوود ولسوالي دويم ځل لپاره ونیوله.
د دوی په وينا، وسلهوال طالبان د ولسوالي مقام، امنیې قوماندانۍ، ملي امنیت مديريت او مرکزي جامع جومات په شاوخوا ودانیو کې لیدل کېږي.
د ولسمشر لومړي مرستیال امرالله صالح پر خپلې فېسبوکپاڼې لیکلي چې «داعشي طالبانو» په یوه لیک کې ورته خبرداری ورکړی که د دې ډلې یو بندي هم په دار را وځړول شو، کابل به د شیعهګانو پر وژنتون بدل او د هغو کسانو سرونه به پرې کړي چې دوی تښتولي دي.
کندهار کې امنیتي مسوولان وايي، ياد ولايت کې دغه پېښه تېره شپه د کندهار ښار د پنځمې ناحيې په «نوراني مېنه» سیمه کې شوې ده.
د ياد ولايت د امنيې قومندانۍ مطبوعاتي مسوول جمالناصر بارکزي سلاموطندار ته وویل، د ګازي بخارۍ د بالون چاودنې له کبله د يوې کورنۍ ۷ غړي وژل شوي چې ۴ ماشومان، یو نارینه او ۲ ښځې پهکې شاملې دي.
اريانا ټلويزون کې د فردين اميني همکاران دغه خبر تاييدوي. يو شمېر همکاران يې وايي، فردين اميني په مرموزه توګه وژل شوی دی.
د کورنیو چارو وزارت هم د ياد خبر په تاييد سره وایي، د لومړنيو موندنو له مخې د اریانا ټلويزون خبريال فردين اميني ځان وژنه کړې ده.
د بشري حقونو خپلواک کمیسیون مشرې شهرزاد اکبر نن کابل کې د جګړې قربانیانو لومړنۍ غونډه کې، هېواد کې د جګړې د قربانیانو وضعیت د اندېښنې وړ وباله او ويې ویل، دغه قربانیان ډېرو ننګونو په ځانګړې توګه خپلو اساسي حقونو ته نهلاسرسي سره مخ دي.
د بشري حقونو کمیسیون مشرې وویل، بینالافغاني خبرو کې باید پر بېړني اوربند او د جګړې پای ته رسولو هوکړه وشي او دغه بهیر باید قربانيمحوره وي.
د افغانستان د خبریالانو د خونديتوب کمېټې مسوولان د خبریالانو پر وړاندې د وروستیو هدفي وژنو او بریدونو زیاتېدو څخه اندېښنه ښيي او وايي، دغه بریدونه د ډېرو خبریالانو په نښهکولو لپاره د خطر زنګ دی.
هېواد کې په تېره یوه میاشت کې دوه خبریالان وژل شوي دي. له دغو يوه تازه يې د نن سهار پېښه ده چې په جلال اباد ښار کې رامنځته شوه چې د یو خصوصي ټلویزیون خبریاله ملاله میوند دفتر ته پر لاره د نامعلومو وسلهوالو په برید کې ووژل شوه.
د بلخ امنيتي مسوولان وايي، د بلخ په شولګرې ولسوالۍ کې په يوه ټرافيکي پېښه کې ۷ کسان مړه شوي او ۲ نور ټپيان شوي دي.
د ياد ولايت د امنيې قومندانۍ وياند عادل شاه عادل سلاموطندار ته وايي، دا پېښه تېره ورځ مازدیګر په حلقه جر سیمه کې شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
