د کورنیو چارو وزارت مسوولان وايي، د روان کال د تلې مياشتې له پیله تر اوسه (په تېرو دوه نیمو میاشتو کې) په ټول هېواد کې لږ تر لږه ۲۱۰۰ جنايي پېښې شوي چې له ډلې يې ۱۶۲۵ پېښې کشف شوي دي.
د پوهنې وزارت نن د هېواد په سړو سیمو کې د دولسم ټولګیو له نجونو زدهکوونکو د فراغت کلنۍ ازموینه واخیسته.
د ښوونځیو د یوشمېر نجونو زدهکوونکو په وینا، دغه کلنۍ ازموینه نن چهارشنبه د لیندۍ ۱۶مه د ټولو درسي مضمونونو په ګډون په یوه ورځ ترې اخیستل شوې ده.
د «ټایمزاف انډيا» په نوم یوې هندي رسنۍ راپور ورکړی چې د دغه هېواد لوړپوړو امنیتي چارواکي نن د ازبکستان، قزاقستان، تاجکستان، او قرغزستان هېوادونو له امنیتي چارواکو سره د هند په پلازمېنه نوي ډیلي کې د افغانستان د وضیعت په اړه غونډه کړې. د راپور له مخې، د ناستې ګډونوالو افغانستان کې د روان امنیتي وضعیت په اړه اندېښنه ښودلې.
د افغانستان لپاره د امریکا ځانګړي استازي توماس وېس هند ته د خپل سفر پر مهال د دغه هېواد له چارواکو او د افغانستان د ملي روغې جوړې عالي شورا له مخکیني رییس عبدالله عبدالله سره کتلي دي.
د افغانستان لپاره د امریکا ځانګړي استازي ویلي چې امریکا د هند له ملاتړ او د افغانانو اساسي حقونو ته د ژمنتیا له امله له دغه هېواد مننه کوي.
د افغانستان بانک پر خپله ټوېټرپاڼه لیکلي چې افغانستان سره د مرستندویه هېوادونو د بشري مرستو پر دوام نن سهشنبه د لیندۍ ۱۵مه د ۴۰ میلیونه امریکايي ډالرو یوه بله کڅوړه کابل ته رسېدلې او یوه سوداګریز بانک ته یې سپارلې ده.
بلخ کې سرچینې سلاموطندار ته وايي چې نن سهار شاوخوا ۷:۱۵ دقیقې د مزارشریف ښار اړوند سیمه کې چاودنه شوې ده.
سرچینې ویلي، چاودنه د مزارشریف په سیداباد څلور لارې کې پر «۵۸۰» ډوله موټر د ځای پر ځای شوي ماین له کبله رامنځته شوې ده. خو مزارشریف کې د ابو علي سینا بلخي روغتون مسوولان وايي چې د چاودنې له ځایه دغه روغتون ته اته جسدونه او لس ټپیان وروړل شوي دي.
افغانستان کې د ملګروملتونو سیاسي استازولي (یوناما) ویلي چې افغانستان کې نشهيي توکي لا هم «لویه ننګونه» ده او دغه هېواد نړۍ کې د ۸۵سلنه تریاکو د تولید سرچینه ده. یوناما د روزا اوتونبایوا له قوله لیکلي: «لویه ننګونه شتون لري. افغانستان نړۍ کې د ۸۵سلنه تریاکو سرچینه ده.»
په جوزجان کې د ترکستان په نوم د یوې فابریکې مسوولان وايي، هره ورځ له ۱۲ تر ۱۳ ټُنه د کنجد غوړي تولیدوي چې له ولایتونو سربېره بهرنیو هوادونو ته هم صادروي.
د یادې فابریکې مسوول بازمحمد سلاموطندار ته ویلي چې د یادې فابریکې لپاره یې ماشین الات له چین څخه وارد کړي او دا مهال ۴۰ کسان ورسره پر کار بوخت دي.
په رسنيو کې د بېلابېلو پوهنتونونو د ښځينه زده کړيالانو د رسنيزو وړتياوو، د نوښتګرو ايدو وده او د مشارکت په موخه د سلام افغانستان
د اسلامي دولت نومې ډلې (داعش) په یوې خبرپاڼه کې کابل د پاکستان پر سفارت د شوي برید مسوولیت منلی دی. په خبرپاڼه کې راغلي چې یادې ډلې د پاکستان پر سفیر او ساتونکو یې وسلهوال برید کړی دی. له برید وروسته د پاکستان د بهرنیو چارو وزارت اعلان وکړ چې کابل کې یې سفیر عبیدالرحمان نظاماني له یوه وسلهوال برید روغ وتلی دی.
د مالیې پخواني وزیر حضرت عمر زاخېلوال پر ټویټر له حامد کرزي سره خپل جوړه تصویر خپور کړی او ورسره لیکلي یې دي چې دی او پخوانی ولسمشر له هېواده بهر روان دي.
نوموړي که څه هم نهدي ویلي چې حامد کرزی کوم هېواد ته او د څه لپاره روان دی، خو زیاته یې کړې یې ده چې دواړه به ژر بېرته راوګرځي.
افغانستان کې د ملګرو ملتونو سیاسي استازولي یا «یوناما» د بشري حقونو د نړیوالې ورځې د نمانځنې په درشل کې ویلي چې افغانستان باید د بشري حقونو بشرحقونو د نړیوالې اعلامیې ټولو مادو ته درناوی وکړي. یوناما پرون جمعه د لیندۍ یووولسمه ویلي چې افغانستان د بشري حقونو نړیواله اعلامیه لاسلیک کړې او هرې مادې ته یې باید درناوی ولري.
د ملګروملتونو امنیت شورا په یوې خپرپاڼه کې کابل کې د پاکستان پر سفارت شوی برید «ترهګریز» بللی او هغه یې غندلی دی.
دغه پېښه پرون جمعه د لیندۍ یوولسمه شوې ده. له پېښې وروسته د پاکستان حکومت ویلي چې د یاد برید موخه کابل کې د دغه هېواد سفیر عبیدالرحمن نظاماني و، خو نوموړی ترې روغ وتلی او ساتونکی یې ټپي شوی دی.
د پاکستان لومړي وزیر شهباز شریف پر ټویټر کابل کې د پاکستان پر شارژدافیر عبیدالرحمان نظاماني وسلهوال برید غندلی دی.
د پاکستان لومړي وزیر هغه ساتونکی هم ستایلی چې نظاماني ته یې ځان سپر ګرځولی او هغه یې له مرګ نه ساتلی دی.
د حزب اسلامي مشر ګلبدین حکمتیار وايي چې نن دوه دوو وسلهوالو بریدګرو غوښتل چې ده ته ځان ورسوي، خو موخې ته له رسېدو وړاندې ووژل شول.
هغه په یوه ویډیويي پیغام کې ویلي، بریدګر چې ځانمرګي واسکټونه یې هم اغوستي وو، په چادري کې پسې راغلي وو، خو د ده په وژلو ونه توانېدل. هغه وایي، دې پېښې کې دوه بریدګر او یو د ده کس وژل شوی او دوه کسان یې ټپیان شوي دي.
د ګلبدین حکمتیار په مشري د حزب اسلامي یوه غړي د نوم نه ښودلو په شرط سلاموطندار ته تایید کړه چې څو شېبې مخکې یې پر دفتر د موټربم برید پلان شنډ کړی دی.
د سرچینې په وینا، دوو بریدګرو چې غوښتل یې د حزب اسلامي دفتر ته ننوځي، خو د ګلبدین حکمتیار د ساتونکو له لوري په نښه او وژل شوي دي.
