د ګلبدین حکمتیار په مشري د حزب اسلامي یوه غړي د نوم نه ښودلو په شرط سلاموطندار ته تایید کړه چې څو شېبې مخکې یې پر دفتر د موټربم برید پلان شنډ کړی دی.
د سلاموطندار پښتو فېسبوکپاڼه وڅارئ
د سرچینې په وینا، دوو بریدګرو چې غوښتل یې د حزب اسلامي دفتر ته ننوځي، خو د ګلبدین حکمتیار د ساتونکو له لوري په نښه او وژل شوي دي.
سرچینه زیاتوي چې بریدګرو پلان درلود، د حکمتیار پر دفتر موټربم برید هم وکړي، خو موټر هم موخې ته له رسېدو مخکې په دروازه کې چاودلی دی.
ګلبدین حکمتیار ته دغې نږدې سرچینې د حزب اسلامي ګوند سلاموطندار ته هغه خبرپاڼه هم را لېږلې چې پهکې لیکل شوي چې وسلهوالو یې پر دفتر د برید پلان درلود، خو موخې ته له رسېدو مخکې یې پلان ورشنډ کړی دی.
دا خبرپاڼه زیاتوي چې د حکمتیار په ګډون، د دغه ګوند غړیو ته زیان نهدی رسېدلی او یوازې د ګلبدین حکمتیار دوه ساتونکي پکې ټپیان شوي دي.
که څه هم د حزب اسلامي ځینو غړیو ویلي چې خپره شوې خبرپاڼه د دوی نهده، خو یاده سرچینه یې پخلی کوي.
د کابل امنیتي مسوولانو تر اوسه په دې اړه څه نهدي ویلي.
