حکومت کول او سیاست - SALAM WATANDAR

ملي شورا ته ۵۰سلنه لېږل شوي تقنیني سندونه د ولسمشر غني فرمانونه دي

د افغانستان د ازادو او عادلانه ټاکنو بنسټ یا فیفا نن کابل کې یوه خبري غونډه کې د ولسي جرګې د دویم کال د اوولسمې کاري دورې په اړه د یاد بنسټ موندنې له رسنیو سره شریکې کړې. د فيفا موندنې ښي چې حکومت د پارلمان په کارونو کې مداخله درلوده.

د ياد بنسټ د پارلمان برخې څارنې مسوول حسیب الله معترف وایي، د هغو تقنیني سندونو له ډلې چې د ولسي جرګې د دویم کال اوولسمې کاري دورې په ترڅ کې ولسي جرګې ته استول شوي ۵۰ سلنه یې د ولسمشر غني فرمانونه جوړوي.

ولسمشر: نړیواله ټولنه دې د اوربند څارنه او د سولې ضمانت وکړي

نن د تاجکستان په پلازمېنه دوشنبې ښار کې د اسیا زړه هېوادونو-استانبول پروسې ګډه غونډه جوړه شوه. ‎په دې غونډه کې د افغانستان او تاجکستان ولسمشرانو او د ایران، پاکستان، هند او یوشمېر نورو هېوادونو د بهرنیو چارو وزیرانو ګډون کړی و. ولسمشر محمداشرف غني یادې غونډې ته د وینا پر مهال وویل، په افغانستان کې د ترهګرۍ نوې څپه اوج ته رسېدلې او له کبله یې هره ورځ ملکیان او امنیتي ځواکونه وژل کېږي.

د استانبول ناسته کې د سولې هوکړه‌لیک د لاسلیکېدو احتمال

د ملي روغې جوړې شورا مرستیال اسدالله سعادتي وايي، د استانبول په ناسته کې به د سولې هوکړه‌لیک په نوم یو سند لاسلیک شي چې د افغان سولې اړوند ټول مسایل به په‌کې نغښتي وي.

ننګرهار کې ناپېژانده وسله‌والو ۳ واکسیناتورانې وژلي

ننګرهار ولايت کې حکومتي سرچینې وايي، نن سهار شاوخوا لس بجې ناپېژاندو وسله‌والو جلال‌اباد ښار کې ۳ واکسیناتورانې وژلي دي.

یوې حکومتي سرچینې د نوم نه خپرولو په شرط سلام‌وطندار ته وویل، دغه واکسیناتورانې په دوو بېلابېلو پېښو کې داسې مهال په نښه شوي چې په واکسین کولو بوختې وې.

تاجکستان ته د ولسمشر سفر؛ یوه ګډه اعلامیه او پنځه هوکړه‌لیکونه لاسلیک شول

ولسمشر محمداشرف غني نن سهار د یوه لوړپوړي دولتي پلاوي په مشري د اسیا زړه هېوادونو- استانبول پروسې د بهرنیو چارو وزیرانو په نهمه غونډه کې د ګډون په موخه تاجکستان ته تللی دی.

د افغان سولې په اړه د استانبول غونډې د ځنډېدو احتمال

داسې راپورونه خپاره شوي چې د طالبانو په وړاندیز د افغان سولې په تړاو په ترکیه کې جوړېدونکې غونډه چې ټاکل شوې وه د اپرېل میاشتې په ۱۵مه نېټه د افغان حکومت او طالب ډلې تر څنګ، د یوشمېر هېوادونو د استازو په ګډون جوړه شي، له روژې میاشتې وروسته شوې ده.

بدخشان کې د جمهوریت ملاتړغونډې مخنیوی

ټاکل شوې وه نن سهار په بدخشان کې د جمهوریت په ملاتړ د رهبر په نوم تالار کې غونډه جوړه شي، خو یوشمېر کسانو یې مخه نیولې ده.
دغو کسانو د ولسمشر او د هغه د مرستیالانو تصویرونه لرې کړي او د تالار دروازه یې تړلې ده. د دغو کسانو له ډلې مامورالدین کوفي یادو تصویرونو ته په اشارې وویل چې افغانستان همدوی وخوړ، خو یو ښوونکی بیا پنځه زره افغانۍ تنخوا اخلي.

د عليپور پر وړاندې د عملیاتو دوام؛ د وسله‌والو تر څنګ، یوه امیندواره ناوې هم وژل شوې

حکومتي چارواکو د میدان وردګ ولایت په بهسود ولسوالي کې د پوځ یوې چورلکې له نسکورېدو وروسته د نامسووله وسله‌والو قوماندان عبدالغني عليپور د دې چورلکې د نسکورېدو عامل وباله او د هغه د نیولو په موخه یې عملیات پیل کړل.

«په تېر حکومت کې د ډالرو بورۍ راغلې، طالبان پیاوړي او امن سیمې ناامنې شوې»

د پروان والي فضل‌الدین عیار نن د دغه ولایت په مرکز چاریکارو کې له مذهبي مشرانو، قومي مشرانو او ځوانانو سره د ښځو په ګډه غونډه کې چې د سولې او ولسواکۍ لپاره د برابرۍ او د ژمنو ښځو ټولنیز بنسټ له لوري جوړه شوې وه، وویل چې د تېر حکومت پر مهال د ډالرو بورۍ راغلې، طالبان پیاوړي شول او امن سیمې په لوی لاس ناامنې شوې.

ټرانسپورټي اتحادیې: که د لویو لارو امنیت خوندي نه‌شي، مدني اعتراضونه پیلوو

د ځمکني ټرانسپورټ اتحادیې د هېواد لویو لارو کې د امنیت نه‌موجوديت او دغو لارو کې د ټرافیکو له لوري د اخاذیو څخه شکایت کوي او خبرداری ورکوي، که ستونزو ته یې رسېدنه ونه‌شي، مدني اعتراضونه به پیل کړي.

د يادې اتحادیې د انسجام شورا مشر طلا محمد اتمانزي کابل کې یوې غونډه کې وویل، دې وروستیو کې تر بل هر وخت زیات د هېواد لویو لارو کې ناامنۍ او په بېلابېلو نومونو اخاذۍ زیاتې شوي دي.

عبدالله: ترکيه کې د سولې په اړه جوړېدونکې غونډه به برخلیک ټاکونکې وي

د ملي پخلاینې عالي عالي شورا مشر تېره ورځ په ځانګړې مرکه کې یوې رسنۍ ته ویلي چې د افغان سولې په تړاو ترکيه کې جوړېدونکې غونډه به افغانستان لپاره برخلیک ټاکونکې وي او افغان دولت دې ناستې ته پوره چمتووالی لري او له یولړ وړاندیزونو او طرحې سره به په کې ګډون وکړي.

ټاکل شوې په راتلونکې اپرېل میاشت کې په ترکیه کې…

هغه سرتېری چې تورخم کې یې یوه ښځه وهلې وه، د تل لپاره له نظام څخه واېستل شو

د کورنیو چارو وزارت وايي، د پولیسو هغه سرتېری چې د ننګرهار ولایت په تورخم کې یې یوه ښځه وهلې وه، د تل لپاره له نظام څخه واېستل شو.
د دغه وزارت ویاند طارق ارین نن پر ټویټر لیکلي چې یاد سرتېری وهاب نومېده او په وینا یې، د یادې پېښې له څېړنې وروسته یې دا پرېکړه کړې ده.

د عبدالرووف کورنۍ ته تازه خبرداری؛ د زوی د بدن غړي به مو پرې او درولېږو

بلخ کې د تښتول شوي عبدالرووف کورنۍ وايي، تېره ورځ انسان تښتوونکيو دوی ته د یوه پیغام په استولو سره خبرداری ورکړی، که چېرې تر یوې اوونۍ یو میلیون او ۲۰۰ زره ډالره ورنه‌کړي، د عبدالرووف د بدن غړي به پرې کړي او دوی ته به یې ولېږي.

د عبدالرووف پلار محمد نبي سلام‌وطندار ته وايي، د خپل زوی په اړه اندېښنه لري او د دې توان هم نه‌لري چې يوه اوونۍ کې انسان تښتوونکيو ته يو ميليون او دوه سوه زره ډالر ورکړي.

محب: د بهرنيو ځواکونو وتل به کورنۍ جګړې ته لار هواره کړي

د ولسمشر د ملي امنيت سلاکار حمدالله محب وايي، له افغانستانه د بهرنيو ځواکونو وتلو او د سولې د نه راتلو سره دا خطر شته چې کورنۍ جګړې پيل شي.

له افغانستانه د بهرنیو ځواکونو د وتلو نېټې ته نږدې کېدو سره د امريکا استخباراتي ادارو د جو بایډن حکومت ته خبرداری ورکړی چې له افغانستان څخه د سرتېرو وتل به امنیتي وضعیت خراب…

له افغانستانه د امريکايي ځواکونو له وتلو سره د طالبانو د واکمنېدو احتمال

د امريکا استخباراتي ادارې وايي که چېرې له افغانستانه امريکايي سرتېري ووځي، ښايي په دې خاوره طالبان واکمن شي. د امريکا استخباراتي ادارو جوبایډن ادارې ته خبرداری ورکړی که امریکايي ځواکونه افغانستان کې د دواړو لوريو ( افغان دولت او طالبانو) ترمنځ د واک د شریکېدو تر هوکړې وړاندې ووځي، ښايي طالبان له ۲ تر ۳ کلونو پورې پر افغانستان واکمن شي.

له اصلاحاتو پرته ټاکنې هېواد له ننګونو سره مخ کوي

ولسمشر محمداشرف غني د لنډمهالي حکومت په اړه د افغان سولې لپاره د امریکا د بهرنیو چارو وزارت د ځانګړي استازي زلمي خلیلزاد د طرحې په اړه د راپورونو له خپرېدو وروسته د ولسي جرګې د درېیم کاري کال د پرانېستې په مراسمو کې وویل چې د ټاکنو له لارې د واک لېږد یې ورته هغه اصل دی چې معامله به پرې ونه کړي.

ژوندی

رسنۍ

Category: حکومت کول او سیاست