د شمالي اټلانټیک تړون سازمان یا ناټو د غړیو هېوادونو مشرانو په یوې خپره کړې ویناپاڼه کې د روسیې له لوري پر اوکراین پوځي یرغل غندلی دی. د ناټو تړون د غړیو هېوادونو مشرانو له روسیې غوښتنه کړې چې پر اوکراین روان پوځي برید دې پای ته ورسوي او خپل ټول پوځیان دې له دغه هېواد څخه وباسي.
د اسلامي امارت چارواکو په وزارتونو، قول اردوګانو او ځینو نورو دولتي ادارو کې په لوړو پوځي او ملکي بستونو کې د ۲۰ تنو د ګومارلو په اړه یو نوملړ خپور کړی. د اسلامي امارت ویاند ذبیح الله مجاهد په ټویټر کې ویلي چې دغه ګومارنې د اسلامي امارت د مشر هبتالله اخوندزاده د فرمان پر بنسټ شوي دي.
د اسلامي امارت ویاند ذبیحالله مجاهد یوه اعلامیه کې ویلي، د دفاع وزارت د مرستیال ملا محمدفاضل په مشرۍ یې د کورنیو چارو او دفاع وزارتو او د استخباراتو ریاست ځواکونو د کابل او څو نورو نیږدې ولایتونو په ځينو سیمو کې پراخ چاڼیز عملیات پيل کړي دي.
د اسلامي امارت د بهرنیو چارو وزارت یوه اعلامیه کې ویلي چې اوکراین کې وضعیت له نیږدې څاري او احتمالآ جګړه کې د تلفاتو رامنځ ته کېدو ته اندېښمن دي.
د بهرنیو چارو وزارت ویاند عبدالقهار بلخي نن (جمعه د کب په شپږمه) یوه خبرپاڼه کې د جګړې له ښکېلو خواوو د زغم غوښتنه کړې ده.
ملګرو ملتونو سازمان د یوې خبرپاڼې په خپرولو سره ویلي چې په کندوز او تخار ولایتونو کې په څلورو جلا پېښو کې د پولیو اته واکسیناتوران وژل شوي دي.
د اسلامي امارت ویاند ذبیحالله مجاهد نن په خپله ټویټرپاڼه لیکلي چې د کندهار په سپینبولدګ کې له پاکستاني لوري سره نښته شوې ده. ښاغلي مجاهد پاکستاني لوری د جګړې په پیلولو تورن کړی دی.
د بامیان د والي د رسنیو دفتر په فیسبوک کې د خبرپاڼې په خپرولو سره ویلي، د دغه ولایت په اداري غونډه کې چې پرون جوړه شوې وه، د بامیان والي ملا عبدالله سرحدي وویل چې رسنیو د اسلامي حکومت پر وړاندې سړه جګړه پیل کړې ده. هغه د بامیان له سیمهییزو مسوولانو څخه غوښتي چې د «د ښمنانو د دسیسو» ښکار نه شي.
د کندوز د امنیې قومندانۍ ویاند قاري عبیدالله عابدي سلاموطندار ته وویل چې ناپېژنده وسلهوالو دغه څلور واکسیناتوران نن پنجشنبه کندوز ښار کې وژلي دي.
هغه وايي چې دوه واکسناتوران د کندوز ښار د څلورمې امنیتي حوزې اړوند د «اوزلوبې میدان سړک» کې او دوه نور هم د «سهدرک» اړوند د «سیاف نمرې» سیمه کې کې وژل شوي دي.
د ملګروملتونو د ماشومانو ملاتړ اداره یا یونیسف روان کال افغانستان کې پر سختې خوراځواکۍ د اخته کېدو شمېر زیاتېدو څخه خبر ورکوي.
یونیسف نن (پنجشنبه د کب په پنځمه) پر خپله ټویټرپاڼه لیکلي، روان ۲۰۲۲ میلادي کال کې به د ټول افغانستان په سطحه تر پنځو کلونو کمعمره ۳.۲ میلیون ماشومان له سختې خوارځواکۍ ځوریږي.
اروپايي ټولنې او د مرکزي اسیا هېوادونو تېره ورځ د تاشکند غونډې په پای کې د افغانستان روان وضعیت او سیمې ته یې د پایلو په اړه ګډه بیانیه خپره کړه. دغه بیانیه کې د افغانستان امنیت او وګړو څخه د ملاتړ لپاره د اروپايي ټولنې او مرکزي اسیا پر همکاریو ټینګار شوی دی.
د اوکراین بهرنیو چارو وزیر دیمتري کولبا پر دغه هېواد د روسیې د برید خبر ورکړی. هغه پر خپله ټویټرپاڼه لیکلي چې د روسیې ولسمشر ولادیمیر پوتین د اوکراین پر وړاندې بریدونه پیل کړي دي.
د اوکراین بهرنیو چارو وزیر په وینا، «دا یرغلګر بریدونه دي؛ خو اوکراین به له ځانه دفاع وکړي.» هغه له نړیوالو غوښتي چې د روسیې مخه ونیسي.
د هرات روغتیايي مسوولان وايي چې څلور ورځې وړاندې د هرات ښار «نواباد» سیمه کې د ناچاودې مرمۍ چاودنه کې د یوې کورنۍ څلور ماشومانو ژوند بایللی او یو بل ټپي شوی. د هغوی په وینا، د یوه ټپي او دوو ماشومانو جسدونه د هرات حوزوي روغتون ته لېږدول شوي دي.
د اسلامي امارت د اقتصاد وزارت مسوولانو د چهارشنبې په ورځ د خپلو تېرو شپږو میاشتو کاري رپوټ وړاندې کړ. د دغه وزارت مسلکي معین عبداللطیف نظري وایي، سره له دې چې وروستیو سیاسي بدلونونو د هېواد پر اقتصادي وضعیت منفي اغیز کړی، خو دا د اقتصادي نظام د سقوط په مانا نه دی.
د پاکستان د بهرنیو چارو وزارت پرون یوې خبرپاڼه کې وویل چې عمرانخان د (چهار شنبې په ورځ د کب په ۴ ) روسیې ته په خپل سفر کې د دغه هېواد جمهوررییس ولادیمیر پوتین سره ګوري. د خپرپاڼې پر بنسټ، د افغانستان وضعیت د دې دوه اړخیزې غونډې د اجنډا یوه برخه ده.
د ملګرو ملتونو ځانګړې استازې ډيبورا لاینز وایي چې دغه سازمان له افغانستان سره د جمهوریت له سقوط راهیسې دوه میلیارډه ډالره مرسته کړې ده.
د غور د استیناف څارنوالي ریاست چارواکي وايي، پر هغه هلک او نجلۍ يې شرعي حدود پلي کړي چې د نامشروع اړیکې په تور نیول شوي وو. دوى وايي، ياد هلک او نجلۍ يې نن د غور په مرکز فېروزکوه ښار کې په دُرو وهلي دي.
