ناپېژنده وسلهوالو لوګر کې یو کس وژلی
په لوګر ولایت کې محلي سرچینو سلاموطندار ته ویلي چې بېګاه شپه ناپېژنده وسلهوالو د لوګر ولایت د خرڅ ولسوالي په اړوند سیمه کې یو کس وژلی دی.
په لوګر ولایت کې محلي سرچینو سلاموطندار ته ویلي چې بېګاه شپه ناپېژنده وسلهوالو د لوګر ولایت د خرڅ ولسوالي په اړوند سیمه کې یو کس وژلی دی.
په بامیان کې محلي سرچینو سلاموطندار ته وويل چې د دغه ولايت د پاسپورټ مدیر مولوي عتيقالله د اداري فساد او له دندې څخه د ناوړه استفادې په تور نيول شوى دى.
د کورونا ویروس خپرېدو او ورپسې د اوکرایین جګړې د افغانستان په ګډون نړۍ کې د خوراکي او نفتي توکو نرخونه لوړ کړي دي.
په دې تړاو نړیوال بانک د نړۍ د اقتصادي ودې په اړه کلني راپور کې خبرداری ورکړی چې د خوراکي توکو او تېلو بیو لوړېدو له امله به د ۱۹۷۰ کال څخه وروسته په لومړی ځل نړۍ له لوړ انفلاسیون سره مخ شي.
بامیان کې محلي سرچینې سلاموطندار ته وايي، د دغه ولایت د نشهيي توکو پر وړاندې د مبارزې رییس قاري عبدالفتاح تېره اوونۍ د بامیان د والي عبدالله سرحدي ساتونکو نیولی او له دندې ګوښه شوی دی. د بامیان د والي ویاند عبدالصبور فرزان سیغاني د یاد خبر د تایید ترڅنګ ویلي، عبدالفتاح په کاري چارو کې د سرغړونې په تور له دندې ګوښه کړل شوی دی.
باختر خبري اژانس په یوه راپور کې ویلي، یوشمېر هغه پوځي وسایط، وسلې او مهمات چې د مخکیني حکومت د پرځېدو پرمهال ایران ته لېږدول شوی وو، بېرته هېواد ته راستانه کړل شوي دي.
باختر ویلي چې دغه پوځي وسایط او تجهیزات د اسلامي امارت د مسوولانو له هڅو وروسته پرون ایراني چارواکو اسلاکلا بندر کې افغان لوري ته سپارلي دي.
نن د جون ۷مه د خوړو د خوندیتوب له نړیوالې ورځې سره برابره ده. دغه ورځ په ټوله نړۍ کې د (خوندي خواړه او خوندي ژوند) په شعار سره لمانځل کېږي، خو افغانستان داسې مهال دغه ورځ لمانځي چې شاوخوا ۲۰ میلیونه افغانان کافي خواړه نه لري.
په تازهګۍ سره د پوهنې وزارت اعلان کړی چې لږ تر لږه د ۴۸۰۰۰ ښوونکو له کمښت سره مخ دی او د یادې تشې د ډکولو لپاره هڅې روانې دي.
د اسلامي امارت لوړپوړي غړي انس حقاني نن د یوې خبري ناستې پرمهال چې هېواد کې د پوهنې، لوړو زدهکړو او بېوزلۍ د وضعیت څېړنې په موخه جوړه شوې وه، وویل چې د نورو لاملونو ترڅنګ بېسوادي افغانستان کې د بېوزلۍ له اصلي لاملونو څخه شمېر کېږي.
د افغانستان بیارغونې لپاره د امریکا ځانګړې پلټونکې ادارې «سیګار» په یوه تازه راپور کې د افغانستان د مخکیني حکومت د پرځېدو له لاملونو پرده پورته کړې ده.
د افغانستان بیارغونې لپاره د امریکا ځانګړې پلټونکې ادارې «سیګار» په یوه راپور کې ویلي چې له افغانستان څخه د وتلو پرمهال د مخکیني ولسمشر محمداشرف غني له لوري د میلیونونو ډالرو د لېږد په اړه لګېدلي تورونه له حقیقت لرې بللې دي. سیګار ویلي چې له افغانستان څخه د وتلو پرمهال له مخکیني ولسمشر سره یو میلیون امریکايي ډالر هم نه و.
یوشمېر سوداګر د بانکي محدودیتونو له دوام څخه شکایت کوي او وايي چې د بانکي محدودیتونو له امله هېواد څخه بهر د پیسو لېږد په برخه کې له ستونزو سره مخ کړي دي.
په هېواد کې وروستیو سیاسي تحولاتو د خصوصي پوهنتونونو د زدهکړو پر بهیر خورا ناوړه اغېز کړی دی.
د هند د بهرنیو چارو وزارت یو پلاوی څو ورځې وړاندې افغانستان ته راغلی او د اسلامي امارت له یوشمېر چارواکو سره تر لیدنو وروسته یې، ځینو رسنیو ته ویلي، د ا.ا له چلن ښکاري چې نړۍ سره د پراخو اړیکو غوښتونکی دی. دوی ویلي، کابل ته د سفر پرمهال د هند دفترونه او پروژې پر خپل ځای پاتې وې او غواړي له کابل سره خپلې همکاري ډېره کړي.
په هېواد کې د وروستیو سیاسي تحولاتو راپدېخوا ورځ تر بلې د خلکو کاروبار او اقتصادي وضعیت د خرابېدو پر لور روان دی. ۲۷کلن محمدناصر د اقتصادي ستونزو له کبله غواړي چې خپل بډوډی خرڅ کړي. نوموړی وايي، اقتصادي ستونزې او د ژوند ناخوالو اړ کړی چې دې کار ته لاس واچوي.
د کورنیو چارو وزارت مسوولان وایي چې په تېرو نهو میاشتو کې د دغه وزارت له روزنیزو مرکزونو څخه شاوخوا ۳۵ زره کسان فارغ شوي دي. د کورنيو چارو وزارت وياند عبدالنافع ټکور نن کابل کې يوې خبري غونډې ته وويل، اوس د دغه وزارت په روزنيزو مرکزونو کې ٣٣٠ کسان د لسانس او ٢٥ د ماسټری په برخه کې پر زدهکړو بوخت دي.
د هرات محلي مسوولان وايي چې پرون شنبه په دغه ولایت کې د اسلامي امارت د ځواکونو او کوچیانو ترمنځ وسلهواله نښته رامنځته شوې ده.