ملګروملتونو د جنسیتي برابري او عامه پوهاوي لوړولو په هدف د اکټوبر ۱۱مه د کوچنیو نجونو نړیوالې ورځې په نوم نومولې ده.
د ملګروملتونو سرمنشي انټونیو ګوټرېش نن سهشنبه د اکټوبر پر یوولسمه چې د کوچنیو نجونو نړیوالې ورځې سره برابره ده، افغانستان کې له ښوونځیو څخه د نجونو پر محرومیت اندېښنه ښودلې ده.
د لغمان امنیتي مسوولان وايي چې دغه ولایت کې د ا.ا د سرتېرو پر رنجر موټر چاودنه شوې چې له امله یې دوه سرتیري وژل شوي دي.
پېښه نن سهشنبه د تلې ۱۹مه د لغمان اړوند الینګار ولسوالي کې رامنځته شوې ده.
د ا.ا ویاند ذبېحالله مجاهد بېګاه ناوخته د یوې خبرپاڼې په خپرولو سره ویلي، د ا.ا مشر هبتالله اخندزاده د استخباراتو عمومي ریاست له مسوولانو او د ۳۴ ولایتونو د استخباراتو له رییسانو سره کتلي دي. نوموړي زیاته کړې چې د اسلامي امارت مسوولان به هغه ته حساب ورکوي چې د تېر یوه کال په موده کې یې څومره شریعت تطبیق کړی دی.
د افغانستان لپاره د اروپايي ټولنې ځانګړي استازي توماس نېکلاسن پر خپله ټوېټرپاڼه لیکلي، اروپايي ټولنه ژمنه ده چې افغانستان په نړیواله اجنډا کې وساتي، خو نوموړي اسلامي امارت ته په اشارې سره ویلي چې وخت لنډ دی او باید اقدامات وکړي. په همدې حال کې د چارو یوشمېر شنونکي هم افغانستان کې د ټولګډونه حکومت پر جوړېدو ټينګار کوي.
د ماشومانو د خوندیتوب سازمان (Save the Children) نن په یوه راپور کې ویلي، افغانستان کې ماشومان تر سخت روحي او رواني فشار لاندې دي، ځکه دوی دغه هېواد کې د مخ پر خرابېدونکی ناورین بار پر خپلو اوږو وړي.
د ماشومانو د خوندیتوب سازمان خبرداری ورکړی چې په هر څلورو ماشومانو او لویانو کې یوازې یو یې خپله بېړنۍ درملنه ترلاسه کوي.
د میدانوردګ محلي مسوولان وايي چې دغه ولایت کې یوې مېرمنې خپله دولس کلنه بنزۍ سخته وهلې چې له امله یې ساه ورکړې ده.
د جوزجان د اطلاعاتو او کلتور ریاست مسوولان وايي، ناپېژنده وسلهوالو د دغه ولایت د فیضاباد ولسوالي د پوهنې مخکینی امر عبدالمتین له خپل زوی سره یوځای وژلی دی.
د فاریاب د اطلاعاتو او کلتور رییس شمسالله محمدي سلاموطندار ته وویل چې ناپېژنده وسلهوالو دغه ولایت کې د عبدالصمد په نوم یو کس وژلی دی.
د روزګان محلي مسوولان وايي چې د دغه ولایت اړوند په ترینګوټ ولسوالي کې د مخکیني حکومت یو نظامي کس وژل شوی دی.
«سياېناېن» خبري شبکې راپور ورکړی چې کابل کې د القاعده شبکې د مشر ایمن الظواهري له وژلکېدو وروسته په لومړي ځل امریکايي او د ا.ا پلاوي د قطر پلازمېنې دوحه کې سره کتلي دي. په راپور کې ویل شوي چې د اسلامي امارت په مذاکراتي پلاوي کې د استخباراتو رییس عبدالحق وثیق هم شامل دی.
د فاریاب د اطلاعاتو او کلتور رییس شمسالله محمدي سلاموطندار ته ویلي چې ناپېژنده وسلهوالو د دغه ولایت د اقتصاد رییس عبدالرحمان منور کور ته پر لاره وژلی دی.
دا پېښه نن ماسپښین د دغه ولایت په قیصار ولسوالي کې شوې ده. د فاریاب د اقتصاد رییس د قیصار ولسوالي د «سپرګلیک» سیمې اوسېدونکی و.
ګڼشمېر افغانانو نن د نړۍ په بېلابېلو هېوادونو کې افغانستان کې د «هزارهګانو د نسلوژنې» په غبرګون کې لارو او کوڅو ته راووتل او د هزاره وګړو د نسلوژنې د درېدو غوښتنه یې وکړه.
دا اعتراضونه وروسته له هغه پیل شول چې د تلې پر ۸مه د کابل لوېدیځ کې پر کاج ښوونیز مرکز د ځانمرګي برید پرمهال لسګونه زدهکوونکو ته مرګژوبله واوښته.
محمدوزیر د غزني اصلي اوسېدونکی دی او په سترګو ړوند دی. نوموړی سلاموطندار ته وايي، د معلولانو سهمیه چې د مخکیني حکومت پرمهال له درېوو څخه تر پنځه سلنې ټاکل شوې وه، د اسلامي امارت حکومت کې له پامه غورځول شوې ده.
د کابل د امنیې قومنداني ویاند خالد ځدراڼ وايي چې د کابل د پنځمې امنیتې حوزې اړوند سیمه کې نننۍ چاودنې درې ملکیان ټپیان کړي دي.
خالد ځدراڼ نن شنبه د تلې ۱۶مه پر خپله ټوېټرپاڼه لیکلي، چاودنه د پنځمې امنیتي حوزې اړوند سیمه کې د ملکیانو پر یوه کاسټر موټر شوې ده. د کابل د امنیې قومنداني ویاند همداراز لیکلي، چاودنه د سړک ګلدان کې د ځای پر ځای شويو چاودېدونکو توکو له امله رامنځته شوې.
د کاناډا حکومت وايي چې دغه هېواد ته یې د سپاهپاسداران د غړیو په ګډون، د څه باندې ۱۰زرو ایراني چارواکو پر ورتګ بندیز لګولی او په وینا یې، تر دې وروسته به یادو کسانو ته اجازه ور نه کړي چې کاناډا ته دننه شي.
د کورنیو چارو وزارت د دغه وزارت د پاسپورټ عمومي ریاست د یوې خبرتیا په خپرولو سره وايي چې سر له سبا په کابل کې د پاسپورټ د وېش بهیر ځنډېږي.
