د بادغیس امنیتي مسوولان وايي چې دغه ولایت کې د تېر یوه کال پرمهال د بېلابېلو جرمونو په تور ۱۷۱ کسان نیول شوي دي.
د دغه ولایت د امنیې قومنداني څخه سلاموطندار ته په رالېږل شوې خبرپاڼه کې ویل شوي چې تېر کال د جنايي جرمونو بېلابېلو ۱۰۶ قضیو ته رسېدنه هم کړې.
وروسته له هغې چې کندهار کې د خوراکي او غیرخوراکي توکو د لوړو بیو له امله د خلکو شکایتونه ډېر شول، د کرنې او ښاروالي مسوولانو هغه هټۍ چې په لوړه بیه یې توکي پلورل، وتړلې. د کندهار اوسېدونکو شکایت کاوه چې روژه کې هټۍوال په لوړه بیه توکي پلوري او هغه غوښه چې په قصابیو کې پلورل کېږي، معلومه نهوي چې د کوم څاروي غوښه ده.
د پکتیا محلي مسوولان وايي چې دغه ولایت کې یې د نیالګیو کینولو کمپاین پیل کړی دی. د چارواکو په وینا، د نیالګیو کینولو دغه کمپاین چې «سهشنبه، وري اوومه» د پکتیا پوهنتون په انګړ کې پیل شو، د یاد ولایت نوروځایونو ته به هم وِغځول شي.
د امربالمعروف او نهې عنالمنکر وزارت مسوولان وايي چې د اسلامي امارت د مشرتابه لهخوا د دولتي ادارو له مسوولانو او کارکوونکو څخه د خلکو د شکایتونو د اورېدو په موخه ۲۳ مادهییز قانون توشیح کړی دی.
د یاد وزارت مسوولانو دغه څرګندونې نن سهشنبه، وري اوومه، کابل کې د یوې خبري ناستې پر مهال وکړې.
د ملي موزیم مسوولان وايي چې د سرپرست حکومت له راتګ وروسته د لوګر د عینک مسو کان څخه تر زرو زیات لرغوني اثار کشف او د کابل ملي موزیم ته لېږدول شوي دي.
په دې اثارو کې د بودا مجسمې، ګاڼې او د کوشانیانو او سامانیانو د دورې اړوند له درېیمېڅخه تر شپږمې پیړۍ پورې د جګړې وسایل شامل دي.
د میدانوردګ محلي مسوولان وايي، د دغه ولایت په مرکز میدانښار کې د یوه سوداګر له لوري د شپږ میلیونه افغانیو په ارزښت د وطني غوړیو او کُنجاړې جوړ شوې، کارخوني په فعالیت پیل وکړ.
د ننګرهار د سرهرود ولسوالي اړوند «چهارباغ، صفا» کلي په يوه کور کې د غلا پرمهال د امنيتي ځواکونو له لوري د وسلهوالو غلو ۱۸کسيزه ډله نيول شوې.
د لوګر پوهنې ریاست چارواکي وایي چې د ماشومانو لپاره ملګروملتونو ملاتړې ادارې (UNICEF) له لوري د محمداغې، خوښۍ او ازرې ولسوالیو سلګونه ښوونکو او د ښوونځيو د شوراګانو غړیو ته د ماشومانو د حقونو په اړه څلور ورځنۍ روزنه ورکړل شوه.
د بغلان یوشمېر اوسېدونکي په دغه ولایت کې د خوراکي توکو د بیو له لوړوالي شکایت کوي او وايي، د لومړنیو توکو د پېرلو توان نهلري.
د بغلان د مرکز پلخمري ښار اوسېدونکي له چارواکو او هټیوالو غواړي چې د لومړنیو توکو بیې دې راټيټې کړي.
د نورستان په «وانټوایګل» ولسوالي کې د لومړي ځل لپاره مخابراتي شبکو خپل فعالیتونه پیل کړل چې د يادې ولسوالي اوسېدونکي ورته خوښ دي.
دوی غوښتنه کوي چې د نورستان ډېری هغه سیمې چې لا هم د مخابراتي شبکو له خدمتونو محرومې دي، مخابراتي شبکې فعالې کړي.
د روزګان مرکز ترینکوټ کې د روږدو د درملنې ۲۰بستریز روغتون مسوولان وايي، دغه ولایت کې پر نشهيي توکو د روږدو کسانو شمېر خورا لوړ دی، خو دوی یوازې د ګوتو په شمېر روږدو د درملنې توان لري. دوی شکایت کوي چې امکانات او د روږدو د درملنې ظرفیت یې پر نشت حساب دی، خو ټولنه کې په نشهيي توکو د روږدو کسانو شمير زيات دی.
د افغانستان بانک مسوولان وايي چې سبا «سهشنبه، وري اوومه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د وري شپږمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سه شنبه «۱۷» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د اطلاعات او فرهنګ وزارت ویاند خبیب غفران سلاموطندار ته وايي چې د یاد وزارت د فرهنګ او هنر مرستیال عتیقالله عزیزي د «MCC» چینايي شرکت له نوي رییس سونګ ون بینګ سره لیدلي دي.
د کابل پوهنتون مسوولانو او یوشمېر چارواکو نن یکشنبه، وري پنځمه د «اوبه ملي شتمني ده او ساتنه یې د ټولو مسوولیت دی» تر نوم لاندې د اوبو نړیواله ورځ د یو لړ مراسمو په ترڅ کې ونمانځله.
سرپرست حکومت په هېواد کې د برښنا تولید او سوداګریزو مرکزونو جوړولو په موخه له یوشمېر خصوصي شرکتونو سره د څلور میلیارډ افغانیو په ارزښت د څلور پروژو تړونونه لاسلیک کړل.
دغه تړونونه نن «یکشنبه، وري پنځمه» د حکومت رسنیو او اطلاعاتو مرکز کې د حکومت د لوړپوړو چارواکو په ګډون د یو لړ مراسمو په ترڅ کې لاسلیک شول.
ننګرهار کې چارواکي وايي چې پر ډیورنډ کرښه پرته د «تورخم دروازه» یو ځل بیا د پاکستان له لوري د مسافرو پرمخ تړل شوې.
یاده دروازه نن یکشنبه، وري پنځمه، سهار شاوخوا ۹ بجې د پاکستان له لوري تړل شوې. د قریشي په وینا، مسوولان هڅه کوي، څو یاده لاره ژر لاره پرانستل شي او دواړو لورو ته د مسافرو لپاره د تګراتګ زمینه برابره شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
