د پکتیا محلي مسوولان وايي چې دغه ولایت کې د غر ښوویېدنې له امله د یوې کورنۍ پنځو غړیو خپل ژوند له لاسه ورکړی دی.
د یاد ولایت د پېښو پر وړاندې د مبارزې رياست رييس نثاراحمد نجات وايي، د پکتيا د وزې ځدراڼ ولسوالي اړوند سیمه کې پر يوه کور غر ښوویېدلی چې له امله يې د يوې کورنۍ پنځه غړي مړه شوي دي.
غور کې یوشمېر بڼوال وايي، که څه هم دوی د بڼوالۍ له معیارونو سره بلدتیا نهلري، خو له دې سره سره یې، له دودیزو لارو له خپلو باغونو د مېوو ښه حاصلات ترلاسه کړې دي.
د سوریې پلازمېنه دمشق کې د ایران پر سفارت د اسراییلو د برید په ځواب کې، دغه هېواد «یکشنبه، اپرېل ۱۴مه» د اسراییلو پر اهدافو سلګونه کروز او بالستیک توغندي توغولي دي.
د اسراییلو پوځ ادعا کړې چې ایران د بېپیلوټه الوتکو، کروز او بالستیک توغندیو له لارې پر دغه هېواد تر ۲۰۰ ډېر بریدونه کړي.
د پاکستان د حکومت ځینو سرچینو د شنبې پر ورځ اکسپرس ټریبیون ورځپاڼې ته ویلي، د افغانستان په اړه د سیمې په کچه تماس ډله کې د هند له ګډون سره د پاکستان د مخالفت له امله د دغې ډلې د جوړولو طرحه له ستونزو سره مخ شوې. اکسپرس ټریبیون ورځپاڼې راپور ورکړی چې پاکستان دغه ډله کې د هند له حضور سره مخالفت څرګند کړی دی.
افغان ښځې تل په هېواد کې د شته دودونو او هم د مینې له کبله تر نارینهوو ډېر د اختر نمانځلو ته هوسېږي او د کور له پاکولو نیولې تر ځان او ماشومانو ته د نویو جامو تیارولو او د مېلمنو تر هرکلي پورې هر څه ته چمتووالی نیسي.
یوه افغان پانګهوال د سمنګان په فېروزنخچیر ولسوالي کې د ۴۲۰ زره امریکايي ډالرو په ارزښت د «الصفا» په نوم یو روغتیايي مرکز جوړ کړی دی.
د پکتیا مرکز ګردېز ښار او د دغه ولایت یوشمېر اوسېدونکي وايي چې ښار کې د تفریحې او چکر لپاره پارکونه او یا هم ځانګړي ځایونه نهلري.
که څه هم ګردېز کې یوازینی پارک چې پهکې د ماشومانو د تفرېحې او ساعتتېرۍ لپاره ځینې وسایل هم لګول شوي، خو د ځوانانو د ناستې او تفریح لپاره پهکې امکانات کم او په نشت حساب دي.
د لوګر د پلعلم ښاروالي له لوري د تېرو درېوو میاشتو پرمهال یادې دوه پروژې بشپړې شوي چې د دغه ولایت والي او یوشمېر قومي مشرانو له لوري پرانېستل شوې.
له هغه وروسته چې د ایران د سوېلي خراسان د ګمرک عمومي مدیر وویل چې له دې لارې افغانستان ته د سوداګریزو توکو ټرانزیټ درې برابره زیات شوی، د افغانستان د سوداګرۍ او پانګونې خونې مسوولان هم وايي چې له ۱۴۰۲ کال راهیسې د افغانستان تر نیمايي زیات واردات د ایران د چابهار او عباس بندر له لارو کېږي.
د کوچني اختر په نږدې کېدو سره د غزني یوشمېر اوسېدونکي سلاموطندار ته وايي چې د اختر نمانځنې لپاره د جامو ګنډلو او وچې مېوې د پېرلو توان نهلري.
صدام چې د غزني ښار په «فرخي چوک» کې نکریزې پلوري، وايي، د کمزوري اقتصاد له امله اختر لپاره جامې او وچه مېوه نهشي اخیستلی.
د سرپرست حکومت د معلوماتو او ټکنالوژۍ وزارت سرپرست نجیبالله حقاني وايي چې افغانستان کې به د فېسبوک کارول محدود او یا هم وتړي.
د معلوماتو او ټکنالوژۍ وزارت سرپرست نجیبالله حقاني دغه څرګندونې له طلوع نیوز سره د یوې ځانګړې مرکې پرمهال کړې دي.
پروان او پنجشېر ولایتونو کې د غاښونو یوشمېر ناروغان یادو ولایتونو کې د «غاښونو ناروغانو درملنې» برخه کې د امکاناتو له کمښت شکایت کوي او وايي چې د یادو ولایتونو دولتي روغتونونو کې د روغتیايي امکاناتو کمښت لامل شوی چې د غاښونو ناروغان خصوصي روغتونونو ته مراجعه وکړي.
د لوګر اطلاعاتو او فرهنګ ریاست چارواکي وايي چې د دغه ولایت په مرکز پلعلم او پنځه ولسوالیو کې تازه شپږ لرغونې سیمې او څلور ابدې کشف شوې دي.
پکتیا کې د ځنګلونو ساتنې قطعې مسوولان وايي چې د تېرو دوو کلونو پرمهال یې دغه ولایت کې ۹۵سلنه د ځنګلونو د پرې کولو مخه نیولې او په تړاو ۵۲ کسان هم نیول شوې دي.
پکتیا کې د شنې قطعې قومندان جاوید اغا سلاموطندار ته وايي چې تر دې مهاله یې د ځنکلونو پرې کولو په جرم ۵۲ کسان نیولي چې ځینې یې د قومي مشرانو په منځګړیتوب خوشي کړي او لس کسان یې محکمې ته سپارلي دي.
د ا.ا مشر مولوي هبتالله اخندزاده د کوچني اختریز په اړه خپل پیغام کې له ټولو حکومتي مسوولانو غوښتنه کړې چې له ظلم ځانونه وساتي.
ارګ پر خپله اېکسپاڼه د ا.ا مشر مولوي هبتالله اخندزاده دغه اختریز پیغام خپور کړی دی. په پیغام کې همداراز ویل شوي چې هر چارواکی باید ځان اصلاح کړي او د هر «فرد ګناه پر ټول نظام اغېز کوي.»
د میدانوردګ د کلیو پراختیا او بیارغونې ریاست چارواکي وایي چې د خوړو نړیوال پروګرام(WFP) له لوري د دغه ولایت په ۱۸۰۰ بېوزله او اړو کورنیو نغدي مرسته ووېشل شوه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
