د بادغیس یوشمېر اوسېدونکي سلاموطندار ته وايي، د دغه ولایت د احصاییې او معلوماتو اداره د پېژندپاڼو د تایید لپاره له دوی څخه پیسې اخلي چې ګنشمېر یې روانو حالاتو ته په کتو د ورکولو توان نه لري.
په افغانستان کې د ماشومانو د ملاتړ لپاره د ملګروملتونو ادارې یا یونیسف اجرايي مدیره کاترین راسل په یوې وینا کې ویلي، لسیزو جګړو، وچکالۍ، کمزوري اقتصاد او د نړیوالو بندیزونو اغېزو افغان ماشومانو ته نه جبرانېدونکي زیانونه اړولي دي. نوموړې کابل ته د خپل سفر پرمهال خبرداری ورکړی چې افغانستان کې د ماشومانو وضعیت د اندېښنې وړ دی.
د امریکا د مالیې وزارت پرون افغانستان کې سوداګریزو او مالي معاملو ته د پراختیا ورکولو په موخه، نوی جواز صادر کړی دی.
دې وزارت یوې خبرپاڼه کې ویلي، دغه جواز په دې موخه صادر شوی چې پر اسلامي امارت د امریکا بندیزونه د هغو معاملو او فعالیتونه مخه ونه نیسي چې افغانانو ته د بشري مرستو د رسولو لپاره ورته اړتیا ده.
د اسلامي امارت د اقتصاد وزارت مسوولانو د چهارشنبې په ورځ د خپلو تېرو شپږو میاشتو کاري رپوټ وړاندې کړ. د دغه وزارت مسلکي معین عبداللطیف نظري وایي، سره له دې چې وروستیو سیاسي بدلونونو د هېواد پر اقتصادي وضعیت منفي اغیز کړی، خو دا د اقتصادي نظام د سقوط په مانا نه دی.
د ملګرو ملتونو ځانګړې استازې ډيبورا لاینز وایي چې دغه سازمان له افغانستان سره د جمهوریت له سقوط راهیسې دوه میلیارډه ډالره مرسته کړې ده.
د افغانستان بیارغونې لپاره د امریکا ځانګړې پلټونکې ادارې یا سیګار ویلي چې افغانستان کې د ښځو پر کار د بندیزونو لګول به د دغه هېواد اقتصاد ته یو میلیارد ډالر زیان ور واړوي. سیګار د ملګروملتونو پراختیايي پروګرام د رپوټ پر بنسټ پر خپله ټویټرپاڼه لیکلي، د ښځو پر کار بندیز د دې لامل هم شوی چې د افغانستان ناخالص تولید پنځه سلنه راټيټ شي.
هندي رسنیو د دغه هېواد د بهرنیو چارو وزارت په خبره رپوټ ورکړی چې نوېډهلي تېره ورځ (سېشنبه د کب په درېیمه) د هند د مرسته شویو غنمو لومړنۍ برخه د واګې بندر له لارې افغانستان ته استولې ده.
ټاکل شوې هند په ټوله کې شاوخوا ۵۰ زره ټنه غنم د پاکستان د واګې بندر له لارې افغانستان ته استوي.
د ملي پراختیا شرکت مسوولان وايي، هغه شرکتونه چې د دوی پروژې یې مخته وړي او یاد شرکت ترې پوروړی وو، د دغو شرکتونو شاوخوا ۲۴.۷ میلیارده افغانۍ پور یې ادا کړی دی.
د جلالاباد ښار له ګڼې ګونې په ډکو واټونو د سړک پرسر د زینتي کبانو د خرڅلاوو هڅې تازه پیل شوي چې پېرېدونکي او خوښونکي
د سره صلیب نړیواله کمېټه وايي، افغانستان کې بشردوستانه مرستو ته د اړمنو کسانو په شمېر کې ډېروالی راغلی دی. یادې کمېټې نن پر خپل ټویټرپاڼه لیکلي، دې هېواد کې بشردوستانه مرستو ته د اړمنو کسانو کچه د تېر کال په پرتله ۳۰سلنه لوړه شوې. یادې کمېټې زیاته کړې، اوس په افغانستان کې ۲۴.۴ میلیونه کسان بشردوستانه مرستو ته اړتیا لري.
ننګرهار کې لسګونه معلولانو د یوه لاریون پر مهال د افغانستان د کنګل شوې شتمنۍ د ازاېدو غوښتنه وکړه او د امریکا د ولسمشر جو بایډن هغه پریکړه یې وغندله چې له مخې یې د افغانستان له شتمنۍ څخه ۳،۵ ملیارده ډالر د سپټمبر ۱۱ قربانیانو او پاتې افغانانو ته د بشري مرستو لپاره ورکول کېږي.
ټاکل شوې چې د هند له لوري د مرسته شویو غنمو لومړنۍ جوپه نن د واګه بندر له لارې افغانستان ته ولېږدول شي.
د بښنې نړیوال سازمان د امریکا د ولسمشر جوبایډن پرېکړه چې له مخې یې د افغانستان ۳.۵ میلیارډه کنګل شوې شتمني به د سپټمبر د ۱۱مې بریدونو د قربانیانو کورنیو ته ځانګړې کوي، ناعادلانه او تېروتنه بللې ده.
د باميان لسګونو اوسېدونکو نن له غرمې مخکې د دغه ولايت په مرکز کې لاريون وکړ او له امريکا متحدوایالاتو څخه يې د هېواد د شتمنیو د ازادېدو غوښتنه وکړه.
د افغانستان د کنګل شویو شتمنیو له جملې څخه د ۷ میلیارد ډالرو ازادولو او د سپتامبر د یوولسمې پېښې قربانیانو او افغانستان کې بشري مرستو ته د ځانګړې کولو په تړاو د امریکا د ولسمشر پرېکړې ته د غبرګونونو په دوام، نن کابل کې د افغانستان د ملت د یوالي کاروان یوه اعتراضیه غونډه کې د ولسمشر جوبایډن پرېکړه خاینانه او غیرانساني بولي او له نړیوالو په ځانګړې توګه ملګروملتونو څخه غواړي، چې هرڅه ژر بایډن له دغې پرېکړې راوګرځوي.
د ژغورنې کمېټې اجرايي رییس او د بريټانیې د بهرنیو چارو پخوانی وزیر ډېوېډ میلیبند وايي چې لوېدیځ پر افغانستان د لوږې سیاست په تحمیلولو سره دغه هېواد او خپل ځای ځایګي ته له ناورین څخه ډک زیانونه اړولي دي. د هغه په وینا، باید دې ته اجازه نه وای ورکړل شوې چې په دې چټکۍ د افغانستان وضعیت خراب شي.
