پکتیا کې د ځنګلونو ساتنې قطعې مسوولان وايي چې د تېرو دوو کلونو پرمهال یې دغه ولایت کې ۹۵سلنه د ځنګلونو د پرې کولو مخه نیولې او په تړاو ۵۲ کسان هم نیول شوې دي.
پکتیا کې د شنې قطعې قومندان جاوید اغا سلاموطندار ته وايي چې تر دې مهاله یې د ځنکلونو پرې کولو په جرم ۵۲ کسان نیولي چې ځینې یې د قومي مشرانو په منځګړیتوب خوشي کړي او لس کسان یې محکمې ته سپارلي دي.
د ا.ا مشر مولوي هبتالله اخندزاده د کوچني اختریز په اړه خپل پیغام کې له ټولو حکومتي مسوولانو غوښتنه کړې چې له ظلم ځانونه وساتي.
ارګ پر خپله اېکسپاڼه د ا.ا مشر مولوي هبتالله اخندزاده دغه اختریز پیغام خپور کړی دی. په پیغام کې همداراز ویل شوي چې هر چارواکی باید ځان اصلاح کړي او د هر «فرد ګناه پر ټول نظام اغېز کوي.»
په فراه او میدانوردګ ولایتونو کې د ټرافیکو پېښو له امله درې کسان مړه شوي او اووه نور ټپیان دي.
لومړۍ پېښه چې د میدانوردګ اړوند د کابل-کندهار پر لویه لاره شوې، پهکې دوه کسان مړه شوي او څلور نور ټپیان دي. د دواړو ټرافیکو پېښو لامل د موټرچلوونکي بېاحتیاطي ښودل شوې.
د میدانوردګ د کلیو پراختیا او بیارغونې ریاست چارواکي وایي چې د خوړو نړیوال پروګرام(WFP) له لوري د دغه ولایت په ۱۸۰۰ بېوزله او اړو کورنیو نغدي مرسته ووېشل شوه.
د کابل ښار ۱۲ناحیه کې د روږدو مېرمنو د درملنې ۱۵۰بستریز روغتون کې د لسګونه روږدو مېرمنو او ماشومانو درملنه کېږي او تر درملنې وروسته ټولنې ته د یوه روغ انسان په توګه ورګرځي.
په دې راپور کې له هغو روږدو مېرمنو سره مرکې شوې چې د ۴۵ورځني درملیز پړاو په لومړیو ۱۵ ورځو کې له عصبي شوک، د بدن لړزه «حمله» او نوروو دردونو سره مخ شوي.
د افغانستان بانک مسوولان وايي چې راتلونکې«شنبه، وري ۱۸مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (پنجشنبه، د وري ۱۶مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۵» میلیونه امریکايي ډالر لیلام کړي.
کابل کې نن «پنجشنبه، وري ۱۶مه» د ماین خطرونو په اړه د عامه پوعاوی ورکولو نړیواله ورځ د سرپرست حکومت چارواکو، د یوشمېر هېوادونو ډيپلوماټانو او افغانستان کې د ماین پاکۍ په برخه کې د یوشمېر موسسو مسوولان له لوري ونمانځل شوه.
سرپرست حکومت د افغانستان پر هوايي حریم د امریکا د بېپېلوټه الوتکو څار ښکاره تېری بللی او له دغه هېواد یې غوښتنه کړې چې د افغانستان هوايي حریم ته درناوی ولري.
د سرپرست حکومت د ویاند مرستیال حمدالله فطرت سلاموطندار ته وايي چې د افغانستان پر هوايي حریم د امریکا د بېپېلوټه الوتکو الوتنه ښکاره تېر دی او په وینا یې، «اسلامي امارت یې په کلکه غندي»
د پکتیا یوشمېر اوسیدونکي وایي، دغه ولایت کې ځینې هغه دودونه او رواجونه چې د خلکو د هوساینې لامل کېدل، کمرنګه شوي او یا هم لمنځه تللي.
د لوګر محلي چارواکي وايي، د دغه ولایت محمداغې ولسوالي ابتدایه محکمې له لوري «پنجشنبه، وري ۱۶مه» د یوې ښځې په ګډون، اوو کسانو ته په عام محضر کې تعزیري سزا ورکړل شوې.
یاد کسان پر بېلابېلو جرمونو مجرم پېژندل شوي وو چې د یاد ولایت محکمې لهخوا سزا ورکړل شوې.
د هرات په زندهجان ولسوالي کې د تېرکال زلزلهځپلې کورنۍ چې دا مهال تر خېمو لاندې ژوند کوي، سلاموطندار ته وايي، په داسې حال کې روغتیايي خدمتونو ته لاسرسی نهلري چې دغه ولسوالي کې د ښځو ترمنځ د «جنین ناغوښتل شوی سقط» شمېر لوړ شوی دی.
د ننګرهار کانال د زیتونو تېلو او زیتونو پروسس فابریکه د هډې فارم اړوند په ۲۷ نیم هکتاره ځمکه کې فعاله ده چې ۴۱کسان پهکې پر کار بوخت دي.
د ننګرهار کرنې ریاست ویاند سیدهمایون غریبمل وايي، دا فابریکه اوس ۸زره مټریک ټُنه اچار او تېل پروسس کوي او پلان لري چې په راتلونکې کې د کارګرو او پروسس اندازه هم زیاته کړي.
غزني کې د نیالګیو پلورونکي وايي چې تېر ژمي او روانو اروښتونو ته په پام یې د تېرو کلونو په پرتله سږکال د نیالګیو پلور کچه څلور برابره لوړه شوې.
د دوی په وینا، دغه ولایت اورښتونو کروندګر او خلک د چکالي ختمېدو ته هیلهمند کړي چې له امله یې، خلکو او کروندګرو د نیالګیو کېنولو او کښتونو ته مخه کړې ده.
د نورستان یوشمېر اوسېدونکي او موټرچلوونکي د یاد ولایت او کونړ ترمنځ د غځېدلې لویې لارې له خرابوالي شکایت کوي. دوی وايي، تېرو شلو کالونو کې هېڅ ادارې د یادې لارې رغولو ته پام نهدی کړی. د یاد ولایت اوسېدونکي له مسوولانو غواړي چې ستونزې یې ور حل او ژر تر ژره ورته دغه سړک په اساسي ډول ورغوي.
د هلمند امنیتي مسوولان وايي چې دغه ولایت کې یې هغه ۱۵کلن ځوان د انسان تښتوونکو له منګولو ازاد کړی چې شپږ کاله وړاندې یې برمته کړی و.
د یاد ولایت د امنیې قومنداني ویاند عزتالله حقاني سلاموطندار ته وايي، د امنیې قومنداني اړوند له ترهګرۍ سره د مبارزې مدیریت منسوبینو دغه ۱۵کلن هلک د لښکرګاه ښار اړوند شپږمې ناحیه کې د کشفي عملیاتو پر بنسټ ازاد کړی دی.
خوست کې د یوه ډله ځوانانو لهخوا «سهشنبه، وري ۱۴مه» زرګونه کسانو ته د دغه ولایت په «فوټبال لوبغالي» کې «ګډ روژه ماتی» برابر شوی و.
د ياد ګډ روژه ماتي یوه تنظیموونکي راشدالله همدرد سلاموطندار ته وويل چې په خوست کې د ځوانانو له لوري له تېرو اته کلونو راهیسې «ګډ روژه ماتی» جوړېږي چې موخه او هدف یې د خلکو ترمنځ يووالي دی. د نوموړي په وینا، دې روژه ماتي ته یې د یاد ولایت زرګونه اوسېدونکي وربللي وو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
