د معلوماتو او احصاییې ملي ادارې یوې اعلامیه کې ویلي، د سترې محکمې د پرېکړې له مخې برېښنايي پېژندپاڼو کې د نورو ډېرو قومونو نومونه هم ثبتېدلی شي چې دغه کار له غبرګونونو سره مخ شوی دی.
د ټولنيزو شبکو يو شمېر کاروونکي وايي، د قومونو په دې نوملړ کې تاجک، هزاره او اوزبک په ډېرو برخو وېشل شوي، په داسې حال کې چې پښتون په ډېرو برخو نه دی وېشل شوی او يوازې د «پښتون» په نوم راغلی دی.
د ملګرو ملتونو امنيت شورا په افغانستان کې د تاوتريخوالي او د هدفي وژنو له زياتېدو اندېښنه ښودلې او غوښتي يې دي چې دغه بريدونه دې ژر تر ژره ودرول شي.
يادې شورا تېره ورځ د یوې اعلامیې په خپرولو سره ویلي، په دغو بېرحمانه بریدونو کې د ښځو په ګډون ملکي مامورین، قاضیان، خبریالان، روغتیا پالان او مدني فعالان په نښه کېږي.
د افغانستان د بشر د حقونو خپلواک کميسيون د پوهنې وزارت له لوري تر ۱۲ کلنۍ د زيات عمر لرونکيو نجونو د ترانې ويلو د بنديز په غبرګون کې ويلي، د ماشومانو پر ازاديو د محدوديت لګول، د ماشومانو د حقونو د ملاتړ د قانون د اصولو خلاف کړنه ده.
له ياد کميسيونه نن په خپره شوې خبرپاڼه کې راغلي چې زدکړه، د وينا ازادي او هنري مهارتونو ته لاسرسی، د سن او جنس له تبعيض پرته د ټولو ماشومانو لومړني، بنسټي حقونه دي. د خبرپاڼې له مخې، ماشومان، نجونې او هلکان کولی شي د قوانينو په چوکاټ کې په برابر او ازاد ډول له خپلو حقونو ګټه واخلي.
د هرات د والي ویاند جیلاني فرهاد سلاموطندار ته وايي، ایران د هرات محلي چارواکيو ته ۳۰۶ افغان زندانیان سپارلي.
د نوموړي په وينا، دغو زندانیانو کې ۴ ښځې هم شاملې دي چې تېره ورځ د اسلامکلا پوله کې محلي چاراوکيو ته سپارل شوي دي.
جيلاني فرهاد وويل، دغه شمېر زندانیان له کلونو راهیسې د ایراني پولیسو له لوري…
د غور سلګونو اوسېدونکيو يو ځل بيا د دې ولايت د والي نورمحمد کوهنورد د ګوښه کېدو پر ضد لاريون کړی. دوی په دغه اعتراض کې له جمهوري نظامه او امنيتي ځواکونو د ملاتړ او د والي پر ضد شعارونه ورکړل.
د غور معترضان وايي، والي د خلکو ترمنځ نفاق خپروي او مديريت کې کمزوری دی. لاريونوالو وويل، له کله چې کوهنورد د دغه ولایت د والي په توګه ټاکل شوی، غور ولايت کې د ناامنيو او د توکميزو اختلافاتو کچه لوړه شوې ده.
د بشري حقونو خپلواک کمیسیون مشرې شهرزاد اکبر د ښځو نړیوالې ورځې په نمانځغونډه کې د افغانستان سولې په ټولو پړاوونو کې ښځو ته د ونډې ورکولو غوښتنه وکړه.
شهرزاد اکبر ومنله چې په دغه بهیر کې د ښځو کمه ونډه نهشي کولای په افغانستان کې سوله ټینګه کړي.
یوه غمجنه شېبه وه، يوه ورور د بل بې روحه ورور جسد تابوت کې ايښی و او تابوت یې د موټر پر پز یوې رسۍ تاړه. ما وپوښتل چې تاسو چېرته ځئ او د کوم ځای یاست؟ په ډېرې خواشينۍ او خپګان سره يې راته وويل: «موږ د باميانو د ورس ولسوالۍ د سورخ جوی د ابدال سيمې يوو، ورس ته ځو.»
د بامیان ولایت سلګونه اوسېدونکي چې قومي مشران، مدني فعالان او عام خلک پهکې وو، نن د دغه ولایت د بشري حقونو خپلواک کمېسیون د سیمهييز دفتر مخې ته د اعتراض په توګه را ټول شوي وو، حکومت یې د خلکو د امنیت ټینګښت کې پر پاتې راتلو تورن کړ. معترضانو د ننګرهار په سره رود ولسوالي کې هغه ترهګریزه پېښه چې د ګچو کارخونې ۷ کاریګر او د بامیان اوسېدونکي پهکې ووژل شول، وغندله.
د کابل ښار د ښوونځیو یو شمېر زدهکوونکي وايي، د درسي نصاب د نه پشپړېدا له کبله د ښوونځيو ازموینې په نمایشي ډول اخيستل کېږي. دغه زدهکوونکي چې درسي نصاب يې نه دی بشپړ شوی، د ازموينو له روان بهيره خوښ نه دي او وايي، پرته له دې چې ښوونيز کال کې څه شی زده کړي، ازموينې ترې اخيستل کېږي.
ولسمشر محمداشرف غني د سولې پروسې د چټکۍ په اړه د افغان سولې لپاره د امریکا د بهرنیو چارو وزارت د ځانګړي استازي زلمي خلیلزاد له غوښتنې یوه شپه او ورځ وروسته یو ځل بیا ټینګار وکړ چې د ټاکنو له لارې د واک پر لېږد به معامله نه کېږي. ولسمشر دا څرګندونې نن د ملي شورا د اوولسمې دورې د درېیم کاري کال په پرانېستغونډه کې وکړې. هغه وايي، د یوې تلپاتې او رښتینې سولې لپاره چې د افغانستان خپلواکي او د خلکو له لوري د خپل برخلیک ټاکل پهکې په پام کې ونیول شي، قربانۍ ته تیار دی، خو په وینا یې، له اساسي قانون څخه به تېر نه شي. ولسمشر غني له طالبانو هم وغوښتل چې شعارونه پرېږدي، تاوتریخوالی کم کړي او د سولې مخامخ خبرو ته حاضر شي.
افغانستان کې جګړې، ناامنۍ او بېوزلي لامل شوې چې ډېری ماشومان بېسرپرسته ژوند وکړي. د دغو ماشومانو له ډلې يو شمېر يې له ټولو ستونزو زغملو سربېره خپلو کورنیو لپاره د ډوډۍ راوړونکي دنده پر غاړه لري.
د افغانستان د بشري حقونو خپلواک کمیسیون له مسوولو بنسټونو غوښتي چې د غور غږ راډيو د پخواني مسوول بسمالله عادل د وژنې او د نوموړي د پلار په کور د برید په اړه څېړنې وکړي.
ياد کمیسیون نن په ټوېټ کې ويلي، د دوی د موندنو پر بنسټ د غور غږ راډيو د پخواني مسوول بسمالله عادل د پلار په کور د طالبانو وسلهوال برید کې د يوې ۱۳ کلنې نجلۍ په ګډون…
په ټول هېواد کې په ځانګړې توګه ګندوز کې د څو کلونو جګړو او ناامنيو له کبله ډېرو خلکو قربانۍ ورکړې. هغه کسان چې کندوز کې ووژل شول ډېری يې د کورنيو سرپرستان وو او ډېری ښځو چې په دغو جګړو کې خپل خاوندان له لاسه ورکړي، بې سرپرستې او ماشومان يې يتيمان شوي.
افغانستان کې د ملګرو ملتونو سیاسي استازولۍ یا یوناما وايي، د سولې خبرو پيل سره هم مهاله افغانستان کې د ملکیانو مرګژوبله ډېره شوې ده.
ياد سازمان په خپل کلني راپور کې چې نن خپور شو د سولې خبرو پيل سره هم مهاله افغانستان کې د جګړو له کبله د ملکي مرګژوبلې د کچې له لوړېدا اندېښنه ښودلې.
د لوګر د ښځو چارو ریاست مسوولان وايي، تېرو څو کلونو کې د ګوتو په شمېر مېرمنو دولتي او نادولتي ادارو کې دنده ترسره کوله؛ خو اوسمهال دغه کچه ۲۱ سلنې ته پورته شوې ده.
ګلدسته هغه مېرمن چې د بغلان له لرې پرتې ګذرګاه نور ولسوالۍ نه د ياد ولايت مرکز پلخمري ښار ته راغلې، ترڅو ستونزې ته يې رسېدنه وشي.
ګلدسته وايي، له ډېرو کلونو را په دې خوا د خپل خاوند له لوري شکنجه او وهل ټکول کېږي؛ خو دا چې خاوند يې د گذرگاه نور ولسوالۍ د ملي امنيت کارکوونکی دی، امنيتي بسنټونه يې د نيولو توان نهلري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
