د غزني د ناور ولسوالي د ټولو کلیو لارې د واورې له امله تړل شوي
د غزني د ناور ولسوالي یوشمېر اوسېدونکي سلاموطندار ته وايي چې د واورې د ورښت له امله د یادې ولسوالي د ټولو کلیو مواصلاتي لارې د تګراتګ پر مخ تړل شوي دي.
د غزني د ناور ولسوالي یوشمېر اوسېدونکي سلاموطندار ته وايي چې د واورې د ورښت له امله د یادې ولسوالي د ټولو کلیو مواصلاتي لارې د تګراتګ پر مخ تړل شوي دي.
د بهرنيو چارو سرپرست اميرخان متقي کندهار کې د افغانستان لپاره د اروپايي ټولنې ځانګړي استازي توماس نېکلاسن او د یادې ټولنې د پلاوي رییسې رافایلا ایوډېس سره ليدلي دي. د افغانستان لپاره د اروپايي ټولنې ځانکړي استازي او د یادې تولنې د پلاوي رییسې رافایلا ایوډیس د اسلامي امارت له یوشمېر نورو چارواکو سره هم لیدلي دي.
افغانستان کې د بېوزلي کچې پراخېدو په اړه د مرسته رسوونکو بنسټونو د رپوټونو خپرېدو په دوام، افغانستان کې د ملګروملتونو د سیاسي استازولي یا یوناما مرستیال رامز الاکبروف یوې غونډې ته ویلي، د تېرو ۱۸ میاشتو پر مهال دغه هېواد کې ۷۰۰ زره کسانو دندې له لاسه ورکړي او د یاد هېواد ناخالص کورني تولیدات هم ۳۵ سلنه کم شوي دي.
خوست کې د «زرغون خوست» په نوم د نیالګیو کېنولو مېله پیل شوه چې درې ورځې به دوام وکړي او شاوخوا څلور زره مثمر او غیرمثمرنیالګي به کېنول شي.
د افغانستان د بهرنیو چارو وزارت ویلي چې ایټالیا کې د یوې کښتۍ ډوبېدو له امله ۸۰ افغان کډوالو خپل ژوند له لاسه ورکړی دی.
وزارت پرون سهشنبه د کب نهمه په یوې خبرپاڼه کې همداراز ویلي چې په قربانیانو کې ښځې او ماشومان هم شامل دي. له پېښې ژوندي پاتې کسانو ویلي، دغې کښتۍ کې ۲۰۰ مسافر سپاره وو.
په کندهار کي د یوه خیریه بنسټ له لوري د لسګونه بېوزله جوړو «نجونو او هلکانو» د ډلهییز واده مراسم ترسره شول.
د دې بنسټ د مسوولانو په وینا، دغه ډلهییز واده چې د پنځوس «۵۰» بېوزله جوړو «ناوې او زوم» لپاره نیول شوی وو، نن سهشنبه د کب نهمه کندهار کې ترسره شو.
د طب بېلابېلو برخو څخه یوشمېر فارغه شوې نجونې د روغتیايي فعالیتونو د پیلولو ازموینې ځنډېدو او د وخت نه مشخصکېدو څخه شکایت کوي او وايي، د دغه جواز ترلاسه کولو لپاره له شپږ ـ اووه کالو په تمه دي.
پېښو ته د رسېدو په چارو کې د دولت وزارت مسوولان وايي چې د هېواد په یوشمېر ولایتونو کې له جګړو پاتې ناچاودي توکي لا هم د خلکو ژوند ګواښي.
د کندوز او بادغیس محلي مسوولان وايي چې په دغه ولایتونو کې دوو پېغلو نجونو ځانوژنه کړې ده.
په لومړۍ پېښه کې چې د کندوز ښار اړوند سیمه کې رامنځته شوې یوې ۱۸ کلنې نجلۍ ځانوژنه کړې او ژوند ته یې د پای ټکی اېښی دی.
په رسنیو کې د خپرو شویو راپورونو پر بنسټ، د وروستۍ یوې میاشتې پر مهال په ټول هېواد کې ۳۱ جنايي پېښې شوي چې اته یې د تېرې میاشتې په لومړۍ نیمايي او ۲۳ یې په دویمه نیمايي کې ثبت شوي دي.
ورورستۍ ۲۳ پېښې د سلواغې له ۲۴مې د کب تر اوومې رامنځته شوي چې دوه برابره لوړوالی ښيي.
د کورنیو چارو وزارت اړوند له نشهيي توکو سره د مبارزې معینیت وايي، د اسلامي امارت مشر هبتالله اخندزاده امر کړی چې هېواد کې د کوکنارو کرل شوي فصلونه باید سروې شي.
د ملګروملتونو د بشري مرستو د همغږۍ اداره «اوچا» وايي، افغانستان د نړۍ په کچه تر ټولو ډېر ناچاودېدونکي توکي لري.
اوچا نن دوشبنه د کب اتمه پر خپله ټوېټرپاڼه لیکلي، افغانستان یو له هغو هېوادونو دی چې د لسیزو جګړو له امله نړۍ کې د چاودېدونکو توکو تر ټولو لوړه کچه لري.
هېواد کې د ښوونځیو او پوهنتونونو تړلکېدو څخه وروسته ګڼشمېر نجونو زدهکوونکو او زدهکړیالانو تخار کې د لاسي صنایعو تولید ته مخه کړې ده.
برښنا چې د تخار د یوه ښوونځي د لس ټولګي زدهکوونکې ده، وايي چې د وزګارتیا له امله اړ شوې چې د لاسي صنایعو تولید برخه کې ځان ته بوختیا پیدا کړي.
د صنعت او سوداګرۍ وزارت مسوولان وايي چې په تېر یوه کال کې د افغانستان صادرات ۸۵سلنه زیات شوي دي.
د مسوولانو په وینا، د تېر یوه کال پر مهال افغانستان د یو میلیارډ او ۸۰۰ میلیونه ډالرو په ارزښت توکي بهر ته صادر کړي دي.
د بېپولې خبریالانو سازمان (اراېساف) د افغانيالاصله فرانسوي خبریال مرتضی بهبودي له نیونې د اندېښنې په څرګندولو سره له ملګروملتونو د نوموړي د خوشېکېدو برخه کې د مرستې غوښتنه کړې ده. په همدې حال کې یوشمېر خبریالان وايي چې له تاوتریخوالي څخه د ځان ساتنې په موخه «خودسانسوري» ته اړ شوي دي.
کابل کې یوشمېر هټۍوال او د رسټورانټونو مسوولان له دوی څخه د لوړې مالیې له اخیستو شکایت کوي او وايي چې د هرې ورځې په تېرېدو سره د دوی پر عایداتو مالیې لوړېږي.
د کابل ښار یو هټۍوال صمد سلاموطندار ته وايي چې د پخوا په پرتله یې کاروبار ۹۰سلنه خراب شوی او د بیې لوړې شوې دي.