په ترکیه او سوریه کې د شوې زلزله امله د مړو شویو کسانو شمېر له ۴۵۰۰۰ کسانو اوښتی دی. د رسنیو د راپورونو له مخې، تراوسه په ترکیه کې ۳۹۶۷۲ او سوریه کې ۵۸۰۰ کسانو خپل ژوند له لاسه ورکړی دی.
ترکیه او سوریه کې د شوې زلزلې له کبله د مړو شویو کسانو شمېر له ۳۶۰۰۰ اوښتی دی. د رسنیو د راپورونو له مخې، لا هم د ویجاړو شویو ودانیو تر خاورو لاندې د ژوندیو کسانو د لټون هڅې روانې دي.
په ترکیه او سوریه کې د تېرې اوونۍ د زلزله له امله د مړو شویو کسانو شمېر له ۲۹۰۰۰ اوښتی دی. ۲۴۶۱۷ کسان په ترکیه او ۴۵۰۰ کسان بیا سوریه کې د زلزلې له امله خپل ژوند له لاسه ورکړی دی.
د پاکستان د خېبرپښتونخوا ایالت په میرلي سیمه کې د ځانمرګي برید له کبله درې کسان وژل شوي او ۲۲ نور ټپیان دي.
پاکستاني رسنیو نن یکشنبه د سلواغې ۲۳مه راپور ورکړی چې ځانمرګي بریدګر خپل زرنج موټرسایکل د امنیتي ځواکونو له موټرو سره جنګولی چې له امله یې یاده مرګژوبله رامنځته شوې ده.
ټاکل شوې چې د ښځو د کرېکټ شل اووره نړیوال جام لوبې نن جمعه د سلواغې ۲۱مه په سوېلي افریقا کې پیل شي.
د هند او اسټرالیا د کرېکټ ملي لوبډلو ترمنځ د لومړۍ ټسټ لوبې پر دویمه ورځ د هند لوبډلمشر روهیت شرما په ټسټ لوبو کې د خپلې لوبډلمشرۍ لومړۍ سلیزه ترلاسه کړه.
ترکیه او سوریه کې د زلزلې له امله د مړو شویو کسانو شمېر له ۲۱۰۰۰ اوښتی دی. د ترکیې مرستیال ولسمشر فواد اوکتای دغه هېواد کې د زلزلې له امله د مړو شویو او ټپیانو وروستۍ شمېرې له رسنیو سره شریکې کړې. فواد اوکتای ویلي، تراوسه دغه هېواد کې ۱۸۳۴۲ کسانو په زلزله کې خپل ژوند له لاسه ورکړی او ۷۴۲۴۲ کسان هم ټپیان شوي دي.
ترکیه او سوریه کې د روانې اوونۍ د دوشنبې پر ورځ د شوې زلزله له امله د مړو شویو کسانو شمېر له ۱۷۰۰۰ پورته شوی دی. د رسنیو د راپورونو له مخې، دواړو هېوادونو کې په ټولیزه توګه د زلزلې له کبله ۱۷۱۷۶ کسان مړه شوي او زرګونه نور ټپیان دي.
په ترکیه او سوریه کې د روانې اوونۍ د دوشنبې ورځې زلزلې له کبله د مړو شویو کسانو شمېر ۱۱۲۲۴ ته لوړ شوی دی. په دواړو هېوادونو کې لا هم د کنډوالو او خاورو لاندې د ايسارو کسانو د ژغورنې عملیات روان دي.
په ترکیه او سوریه کې د پرون ورځې د شوې زلزلې له امله د مړو شویو کسانو شمېر ۴۸۰۰ کسانو ته لوړ شوی دی. د رسنیو د راپورونو له مخې، دغې شمېرې د لوړېدو په حال کې دي.
ترکیه چې د دې زلزلې له امله ډېر ځپل شوی نن سهشنبه د سلواغې ۱۸مه رسنیو راپور ورکړی چې دغه هېواد کې د مړو شویو کسانو شمېر ۳۳۸۱ ته لوړ شوی دی.
د ترکیې او سوریې پوله کې د نن دوشنبې سهار زورورې زلزلې له امله دواړو هېوادونو کې د مړو شویو او ټپیانو شمېر شېبه په شېبه لوړېږي.
د یوشمېر نړیوالو رسنیو د راپورونو له مخې، د ریښتر په کچه د ۷،۸ درجې زلزلې تراوسه ترکیه او سوریه کې څه باندې ۵۰۰ کسان مړه او نږدې ۳۰۰۰ کسان ټپیان کړي دي.
د انګلستان او سوېلي افریقا د کرېکټ ملي لوبډلو ترمنځ د ۲۰۲۳ کال د یو ورځنیو سیالیو نړیوال جام ته د لارموندنې یا «سوپرلیګ» سیالیو په لړ کې سوېلي افریقا په دوو پرلهپسې لوبو کې انګلستان ته ماته ورکړه.
سوېلي افریقا لوبډلې بېګانۍ لوبه کې د ټېمبا بافووما د سلیزې پر مټ انګلستان ته په پنځو وېکټو ماته ورکړه.
راسموس پالودان چې سویډن کې د ترکیې سفارت مخې ته د قران یوه نسخه سوځولې وه، تېره ورځ یې د ډنمارک پلازمېنې کوپنهاګن کې د یوه جومات مخې ته د قران یوه بله نسخه هم سوځولې ده.
دغه سیاستوال د روانې جنورۍ په ۲۱مه هم سویډن کې د ترکیې سفارت مخې ته د قرانکریم یوه نسخه سوځولې وه.
د پاکستان د بلوچستان ایالت په لسبیله سیمه کې د یوې ټرافیکي پېښې پر مهال د ماشومانو په ګډون ۴۱ کسان مړه شوي دي.
پاکستاني رسنیو نن یکشنبه د سلواغې نهمه راپور ورکړی چې د بلوچستان په لسبیله سیمه کې یوې ژورې کندې ته د یوه موټر د لوېدو له امله ۴۱ کسانو خپل ژوند له لاسه ورکړی دی.
پاکستاني رسنیو نن جمعه د سلواغې اوومه راپور ورکړی چې د دغه هېواد په سِند ایالت کې د زهرجنو کیمیاوي موادو له کبله ۱۸ کسان مړه شوي دي.
د رسنیو د راپورونو له مخې، په مړو شویو کې ماشومان هم شامل دي.
د بهرنیو چارو وزارت د فلسطین پر جنین ښار د اسراییلي ځواکونو برید په کلکو ټکو غندلی دی. په دغه برید کې نهه فلسطینیان وژل شوي دي.
د بهرنیو چارو وزارت نن جمعه د سلواغې اوومه په یوې خبرپاڼه کې یاد برید غندلی او هغه یې وحشیانه عمل بللی دی.
