رویټرز خبري اژانس رپوټ ورکړی چې امریکا او قطر د یوې هوکړې له مخې سره سلا شوي چې دغه هېواد به په افغانستان کې د امریکا ګټې خوندي کوي او په دوحه کې به د واشنګټن د ډيپلوماتیکو ګټو استازیتوب کوي. د امریکا د بهرنیو چارو وزیر انتوني بلنکین پرون له خپل قطري سیال محمد بن عبدالرحمان الثاني سره د «د ساتنې واک» سند لاسلیک کړ.
د افغانستان په اړه د ترویکا غونډه نن د سیمې او نړۍ د ځانګړو استازو په ګډون په اسلاماباد کې جوړه شوه. د پاکستان د بهرنیو چارو وزیر شاهمحمود قریشي په دې ناسته کې له نړیوالې ټولنې غوښتي چې د طالبانو له سرپرست حکومت سره جوړجاړی وکړي.
نوموړي ویلي: «له افغانستان سره جوړجاړی باید نه یوازې دوام وکړي، بلکې د بېلابېلو دلایلو له کبله زیات شي.»
په جوزجان کې د اتو دولتي او دوو خصوصي ښوونځیو نږدې ۱۰۰ زدهکوونکو په یوه نندارتون کې خپلې پنځونې او علمي تجربې نندارې ته وړاندې کړې او له اسلامي امارت څخه یې غوښتنه وکړه چې په دې برخه کې ورسره مرسته وکړي. دغه نندارتون پرون په «ابن یمین شبرغان» ښوونځي کې د یوې ورځې لپاره جوړ شوی وو.
د پاکستان د بهرنیو چارو وزارت اعلان کړی چې د افغانستان په اړه د ترویکا ناسته چې د سیمې او نړۍ د هېوادونو ځانګړي استازي به پکې ګډون وکړي، نن د دغه هېواد په پلازمېنه اسلاماباد کې جوړېږي. د دغه وزارت د اعلان له مخې، په دغه ناسته کې به د افغانستان لپاره د چین، امریکا، روسیې او پاکستان ځانګړي استازي ګډون وکړي.
که څه هم اوس د پلازمېنې کابل په ګډون د هېواد په ټولو ولایتونو کې د مخابراتي شبکو د ستنو او کارکوونکو پر وړاندې ټول امنیتي ګواښونه له منځه تللي، خو لا هم هېوادوال په هېواد کې د مخابراتي شبکو د خدمتونو له ټيټ کیفیت څخه شکایت کوي.
د ننګرهار وادي کرنیز شرکت اړوند څلورګونو فارمونو له ډلې په درېیم فارم کې پر ۲۸۶۷ جریبه ځمکه د سترسو باغونه له پخوا اباد دي او تازه پر شپږ زره جریبه نوره ځمکه هم ونې کېنول کېږي چې د خصوصي سکتور په مرسته یې په عملي بڼه د باغ جوړونې چارې پیل شوې.
د افغانستان په اړه په هند کې د سیمهییز امنیت ناسته چې نن چهارشنبه په نوې ډهلي کې جوړه شوه، پکې د سیمې هېوادونو په افغانستان کې د ترهګریزو فعالیتونو له ډېروالي اندېښنه څرګنده کړه او زیاته یې کړه چې د سیمې هېوادونه باید له ترهګرۍ سره د مبارزې په برخه او د امنیتي ننګونو په اړه تمرکز وکړي.
د خوړو نړیوال پروګرام اعلان کړی چې یوازې یې د روان میلادي کال په ترڅ کې په افغانستان کې له ۱۱.۸ میلیونه کسانو سره خوراکي مرسته کړې ده. په اسیا کې د دغه سازمان استازولۍ نن په خپل ټویټرپاڼه لیکلي، د اکتوبر په میاشت کې له ۵.۱ میلیونه کسانو سره، د سپټمبر په میاشت کې څلور او ۱.۳ میلیونه کسانو ته په اګسټ میاشت کې مرستې شوې .
د افغانستان اسلامي امارت اعلان کړی چې د «شرعي نظام ټينګښت»، «د الهی احکامو پلي کول» او د «ټولنې اصلاح» لپاره یې د سرپرست حکومت په تشکیل کې پوځي محکمه جوړه کړې ده. د اسلامي امارت د ویاند مرستیال انعامالله سمنګاني نن په خپل ټویټرپاڼه لیکلي چې دغه پوځي محکمه د اسلامي امارت د رهبر هبتالله اخوندزاده د فرمان پراساس رامنځ ته شوې.
د افغانستان د ژورنالستانو د ملي ټولنې مسوولانو نن کابل کې د یوې خبرې غونډې پرمهال وویل، د رسنیو مالکان او د رسنیو ملاتړي بنسټونه د خبریالانو له نوم څخه ناوړه ګټه اخلي او په دې نوم یوشمېر کسان له هیواده باسي.
د اسلامي امارت رییس الوزرا ملا محمدحسن اخوند د وزیرانو شورا په ناسته کې د استخباراتو عمومي ریاست مسوولانو ته لارښوونه کړې چې د ولسي جرګې د مخکیني غړي اللهګل مجاهد د «نیولو او شکنجې» قضیه دې وڅېړي.
د افغانستان د اسلامي امارت د بهرنیو چارو وزارت اعلان کړی چې د یاد وزارت د سرپرست امیرخان متقي په مشري د دغه وزارت یو لوړپوړی پلاوی سبا چهارشنبه اسلاماباد ته سفر کوي. په دغه سفر کې به د دواړو هېوادونو د وګړو تګ راتګ په اړه هم بحث او خبرې وشي. د دغه پلاوي په جوړښت کې د مالیې او سوداګرۍ او صنایعو وزارت چارواکي هم شامل دي.
د افغانستان برښنا شرکت نن د هغو صنعتي شرکتونو، سوداګریز او ودانیزو ښارګوټو د برښنا پرېکولو بهیر پیل کړ چې له دغه شرکت څخه په میلیونونه افغانۍ پوروړي دي.
د افغانستان د خبریالانو د خوندیتوب کمېټې نن په یوې خپره کړې خبرپاڼه کې د وروستیو اوونیو پر مهال د خبریالانو پر وړاندې د تاوتریخوالي له زیاتېدو اندېښنه څرګنده کړې ده. د دغې کمېټې په خبرپاڼه کې راغلي چې په وروستۍ یوه اوونۍ کې د خبریالانو پر وړاندې د تاوتریخوالي څو پېښې ثبت شوې دي.
اسلامي امارت پرون ورځ د یوشمېر ولایتونو والیان، د هغوی مرستیالان او امنیه قوماندانان له دندو ګوښه او پر ځای یې نور کسان وټاکل. دا لومړی ځل نه دی چې د اسلامي امارت له راتګ راهیسې ورته اقدامات شوي، بلکې تر دې وړاندې هم په یوشمېر دولتي ادارو کې ټاکنې شوې وې.
په بادغیس کې د شري ناروغي خپرېدل لامل شوي چې ګڼشمېر کورنۍ د خپلو ماشومانو د درملنې لپاره ولایتي روغتون ته ورشي.
ځینې دغه کورنۍ چې له یوې اوونۍ راهیسې د خپلو ماشومانو درملنې ته په تمه دي وايي، ماشومان یې د شري واکسین د نه ورکېدو له کبله پر دې ناروغي اخته شوي دي. ګلناز چې دوه ماشومان یې پر شري اخته شوي او اوس یې د بادغیس ولایتي روغتون ته راوړي وايي، ماشومانو ته یې واکسین نه دی ورکړل شوی.
