د سره صلیب نړېوالې کمېټې د یوه رپوټ په خپرولو سره ویلي، افغانستان کې روغتیايي مراقبت ته لاسرسی لا هم دې هېواد کې د ښاریانو لویه اندېښنه ده. د یاد بنسټ، په وینا، په زرګونه روغتیايي مرکزونه افغانستان کې تړل شوي او یاهم فعالیت نه لري.
د غزني د اطلاعاتو او فرهنګ ریاست ښوونیز مرکز چې د اسلامي امارت له واکمنېدو وړاندې یې د امریکا سفارت په ملاتړ د «لنکن ښوونیز مرکز» په نوم فعالیت درلود، اوس دغه ولایت کې د ملکي او د اسلامي امارت ځواکونو لپاره د عصري زدهکړو په مرجع بدل شوی دی.
د اسلامي امارت د کورنیو چارو وزارت د کابل امنیې قومنداني ته په یوه پنځه مادهییز لارښود کې سپارښتنه کړې چې له دې وروسته پلازمېنه کابل کې د اسلامي امارت سرتیري اجازه نه لري چې په یوه او بل پلمه د خلکو کورونه وپلټي. لارښود کې راغلي، د اسلامي امارت سرتیري دې د خپلو دندو پرمهال له ښاریانو سره ښه چلن وکړي.
د افغانستان بیارغونې لپاره د امریکا ځانګړې پلټونکې ادارې یا سیګار ویلي چې افغانستان کې د ښځو پر کار د بندیزونو لګول به د دغه هېواد اقتصاد ته یو میلیارد ډالر زیان ور واړوي. سیګار د ملګروملتونو پراختیايي پروګرام د رپوټ پر بنسټ پر خپله ټویټرپاڼه لیکلي، د ښځو پر کار بندیز د دې لامل هم شوی چې د افغانستان ناخالص تولید پنځه سلنه راټيټ شي.
ټاکل شوې د پاکستان لومړی وزیر عمران خان نن د یوه لوړپوړي پلاوي په مشري چې د یاد هېواد د کابینې یوشمېر غړي هم پهکې شامل دي، په یوه دوه ورځني سفر روسیې ته لاړ شي. عمران خان د پاکستان لومړنۍ هغه لومړی وزیر دی چې له ۲۳ کالو وروسته روسیې ته سفر کوي.
هندي رسنیو د دغه هېواد د بهرنیو چارو وزارت په خبره رپوټ ورکړی چې نوېډهلي تېره ورځ (سېشنبه د کب په درېیمه) د هند د مرسته شویو غنمو لومړنۍ برخه د واګې بندر له لارې افغانستان ته استولې ده.
ټاکل شوې هند په ټوله کې شاوخوا ۵۰ زره ټنه غنم د پاکستان د واګې بندر له لارې افغانستان ته استوي.
په پکتیا کې د ۲۰۳ منصوري قول اردو له لوري د اسلامي امارت د ۱۵۰۰ سرتېرو یو کاروان چې په سپکو او درنو وسلو سمبال وو، له اوږد مزل وروسته په بامیانو ولایت کې ځای پر ځای شول.
د ملي پراختیا شرکت مسوولان وايي، هغه شرکتونه چې د دوی پروژې یې مخته وړي او یاد شرکت ترې پوروړی وو، د دغو شرکتونو شاوخوا ۲۴.۷ میلیارده افغانۍ پور یې ادا کړی دی.
د جلالاباد ښار له ګڼې ګونې په ډکو واټونو د سړک پرسر د زینتي کبانو د خرڅلاوو هڅې تازه پیل شوي چې پېرېدونکي او خوښونکي
د غور او بادغیس ولایتونو محلي چارواکي وايي چې د سړې هوا او مواصلاتي لارو د تړل کېدو له کبله په دې ولایتونو کې د پولیو واکسین څو پراوه کمپاینونه نه دي پلي شوي.
د سره صلیب نړیواله کمېټه وايي، افغانستان کې بشردوستانه مرستو ته د اړمنو کسانو په شمېر کې ډېروالی راغلی دی. یادې کمېټې نن پر خپل ټویټرپاڼه لیکلي، دې هېواد کې بشردوستانه مرستو ته د اړمنو کسانو کچه د تېر کال په پرتله ۳۰سلنه لوړه شوې. یادې کمېټې زیاته کړې، اوس په افغانستان کې ۲۴.۴ میلیونه کسان بشردوستانه مرستو ته اړتیا لري.
ننګرهار کې لسګونه معلولانو د یوه لاریون پر مهال د افغانستان د کنګل شوې شتمنۍ د ازاېدو غوښتنه وکړه او د امریکا د ولسمشر جو بایډن هغه پریکړه یې وغندله چې له مخې یې د افغانستان له شتمنۍ څخه ۳،۵ ملیارده ډالر د سپټمبر ۱۱ قربانیانو او پاتې افغانانو ته د بشري مرستو لپاره ورکول کېږي.
د اسلامي امارت د اوبو او انرژۍ وزارت نن په یوې خبرپاڼه کې ویلي چې په یوشمېر ولایتونو کې د سېلابونو د راوتلو او په سیندونو کې د اوبو د کچې ډېروالي په اړه خبرداری ورکوي.
د افغانستان د کرېکټ ملي لوبډله سبا له بنګلهدېس کرېکټ ملي لوبډلې سره د درېوو ورځنیو سیالیو لومړۍ سیالۍ ترسره کوي.
ټاکل شوې چې د هند له لوري د مرسته شویو غنمو لومړنۍ جوپه نن د واګه بندر له لارې افغانستان ته ولېږدول شي.
د ایران ولسمشر ابراهیم رئسي ویلي چې د افغانستان ګاونډي هېوادونه باید د دغه هېواد له وګړو او سیاسي او قومي ډلو سره مرسته وکړي، ترڅو پراخبنسټه او ټولشموله حکومت رامنځ ته کړي.
د ایران ولسمشر د قطر امیر تمیم بنحمد الثاني سره ګډه خبري غونډه کې ټینګار کړی چې که افغانستان کې ټولشموله حکومت جوړ نهشي، دغه هېواد به بیا ځلې ناامنه شي.
