د اسلامي امارت ویاند ذبیحالله مجاهد پر خپل ټویټرپاڼه د تښتول شوي ماشوم عبدالروف د خوشې کېدو په اړه وضاحت ورکړ. مجاهد لیکلي، بلخ کې د تښتول شوي ماشوم عبدالرووف د ژغورنې لپاره څه باندې ۲۰ ورځو راهیسې د ژغورنې عملیات روان و چې پرون شپه د یوشمېر انسان تښتوونکو تر وژلو او یوشمېر تر نیولو وروسته، عبدالرووف وژغورل شو.
پرون ماسپښین د کندوز ولایت په امام صاحب ولسوالي کې د مولوي سکندر په جومات کې دننه چاودنه وشوه چې له امله یې لسګونو ملکي وګړو ته مرګ ژوبله واوښته. د اسلامي امارت ویاند ذبیحالله مجاهد د دغه چاودنې د غندلو ترڅنګ وویل چې په دې چاودنه کې ۳۳ کسان وژل شوي او ۴۳ نور ټپیان شوي دي.
سرچینې وایي چې نن د کابل ښار په پښتونستان څلور لاري کې یو ډاکټر د اسلامي امارت د ځواکونو په ډزو کې ټپي شوی دی.
په هرات کې محلي سرچینو ویلي چې په دغه ولایت کې د اسلام کلا لویه لاره د ایراني پولهساتو او اسلامي امارت ترمنځ د نښتې له امله په موقتي توګه تړل شوې ده.
نوموړی نن په مزارشریف کې د اسلامي امارت د مسوولانو له لوري د یوې غونډې په ترڅ کې خپلې کورنۍ ته تسلیم شو.
کندوز ولایت کې د مولوي سکندر پر جومات د تېرې ورځې د برید په اړه له غبرګونوو وروسته، د ایران د بهرنیو چارو وزارت دغه برید غندلی. دغه وزارت په افغانستان کې وروستیو بریدونو ته په اشارې په دغه هېواد کې د تاوتریخوالو زیاتوالی د ژورې اندېښنې وړ بللی دی.
د هېواد په لوېدیځو ولایتونو کې د بېوزلۍ او لوږې سربېره د وزګارتیا په ډېرېدو سره ګڼشمېر ماشومانو خپلې زدهکړې پرېښي او درنو کارونو ته یې اوږه ورکړې ده.
د کابل په ګډون د هېواد په یوشمېر ولایتونو کې وروستیو خونړیو بریدونو او چاودنو ګڼشمېر افغانان اندېښمن کړي دي. د پلازمېنې کابل اوسېدونکي وايي چې له ګڼې ګوڼې څخه په ډکو سیمو کې چاودنو د خلکو ترمنځ وېره پیدا کړې.
د هلمند یوشمېر اوسېدونکي په دغه ولایت کې د ښځینه متخصصو ډاکټرانو له کمښت څخه شکایت کوي.
د ملګروملتونو عمومي منشي انټونیو ګوټرېش راتلونکې اوونۍ مسکو او کېیف ته سفر کوي.
د افغانستان لپاره د امریکا د بهرنیو چارو وزارت ځانګړي استازي توماس وېسټ له عبدالله عبدالله سره ټیلیفوني خبرې کړې دي.
نوموړي پر خپل ټویټرپاڼه لیکلي چې دغه ټيلیفوني خبرې پرون شوي او افغانستان کې یې د وروستیو خونړیو بریدونو په اړه خپله خواخوږي څرګنده کړې ده.
د کندوز ولایت د امام صاحب ولسوالي یوه جومات کې خونړۍ چاودنه شوې. د اسلامي امارت ویاند په ټویټر کې لیکلي چې د کندوز ولایت امام صاحب ولسوالي اړوند د « خانقا مولوي سکندر» جومات په چاودنه کې د ماشومانو په ګډون ۳۳ ملکیان وژل شوي او ۴۳ نور ټپیان شوي دي.
د ماشومانو د ساتنې اداره وايي، د دوی څېړنې ښيي چې په افغانستان کې د اسلامي امارت له لوري له شپږم ټولګي پورته د ښوونځیو د بندپاتېدو له امله شاوخوا ۸۰ سلنه ښځینهزده کوونکي له زده کړو محرومې شوې دي.
باختر خبري اژانس خبر ورکړی چې د اسلامي امارت ځانګړو ځواکونو د بلخ ولايت په مرکز مزارشريف ښار کې د شيعه ګانو پر جومات د بريد طرحه کوونکی کس نيولی دی. باختراژانس په دې اړه نور جزیات نه دي لیکلي.
پرون د مزار شریف ښار په مرکز کې د « سه دوکان» پر جومات له خونړۍ برید وروسته د اسلامي امارت ځواکونو او د بلخ د مخکیني والي عطا محمد نور د خوریي سهیل زمري او د جمعیت اسلامي ګوند د انشعابي څانګې د مشر ترمنځ نښتې پیل شوې چې په پای کې دا نښته د سهیل زمري په وژل کېدو پای ته ورسېد. دا نښته پرون ماښام شاوخوا ۷ بجې رامنځته شوې وه.
نن غرمه شاوخوا ۱۲:۴۰ دقیقې د مزارشریف د «سه دوکان» جومات کې خونړۍ چاودنه وشوه. ویل کېږي چې دا د شیعیګانو اړوند جومات دی. سرچینې تاییدوي چې په دې چاودنه کې تراوسه له ۳۰ زیات کسان وژل شوي او تر ۸۰ ډېر ټپیان شوي چې د مزارشریف ښار حوزوي روغتون ته لېږدول شوي دي.
