د میدان وردګ محلي مسوولان وايي چې دغه ولایت کې د وروستیو اورښتونو پرمهال سېلابونه راوتلي چې له امله یې ۱۵ کسان مړه شوي دي.
د میدان وردګ د طبیعي پېښو پروړاندې د مبارزې رییس فیضالله جلالي سلاموطندار ته ویلي چې بېګاه ناوخته د دغه ولایت په مرکز میدانښار او شپږ ولسوالیو کې د سختو اورښتونو له امله خلکو ته درانه ځاني او مالي زیانونه اوښتي دي.
د مرکزي اسیا هېوادونو د ولسمشرانو په څلورمه مشورتي ناسته کې چې دوه ورځې وړاندې په قرغیزستان کې جوړه شوې وه، د ناستې ګډونوالو افغانستان کې د روان وضعیت په اړه اندېښنه څرګنده کړې ده.
د ا.ا ویاند ذبېحالله مجاهد د تېرې اوونۍ د پنجشنبې پر ورځ پر خپله ټوېټرپاڼه د ا.ا د مشر هبتالله اخندازده له قوله یوه سپارښتنه خپره کړې چې پربنسټ یې، د ا.ا پر چارواکو بېځایه تور لګول شرعي جواز نه لري.
په همدې حال کې یوشمېر هېوادوال وايي چې د اسلامي امارت د مشر وروستۍ فرمان ښکاره ظلم دی. .
د اوبو او انرژۍ وزارت مسوولانو نن کابل کې د یوې خبري ناستې پرمهال هېواد کې د روانې وچکالۍ له امله د اوبو د کمښت په اړه خبرداری ورکړ.
د میدانوردګ یوشمیر بڼوالو سلاموطندار ته ویلي چې د پخوا په پرتله دغه ولایت کې د ګېلاسو حاصلات او باغونه د پام وړ ډېر شوي، خو د مناسب بازار نشتون له امله ډېری بڼوال خپل حاصلات په نیمه بیه پلوري.
د پروان د امنیې قومنداني ویاند محمدکامران حبیبي د یاد خبر د تایید ترڅنګ سلاموطندار ته ویلي چې پرون د چاریکار ښار د درېیمې امنیتي حوزې اړوند سیمه کې د ا.ا ځواکونو یو شکمن ځوان چې د ښځو لباس یې اغوستی و، په یوه چکپواینټ کې نیولی دی.
د شپږیزې کرېکټ لیګ سیالیو په لړ کې نن بُست ساتونکي بریالي شو چې د هندوکُش ستوري د ۵۲ منډو په توپیر له ماتې سره مخ کړي
د افغانستان کرېکټ بورډ ویلي چې جاناټان ټروټ یې د کرېکټ ملي لوبډلې د نوي روزونکي په توګه ټاکلی دی.
د هلمند ولایت په مرکز لښکرګاه ښار کې د راکېټ ناچاودې سرګلولې د چاودنې له امله یو ماشوم وژل شوی او درې نور ټپیان شوي دي. د یاد ولایت محلي مسوولان وايي چې دغه پېښه پرون له غرمې مخکې د لښګرګاه ښار د درېیمې امنیتي حوزې اړوند سیمه کې رامنځته شوې ده.
د میدان وردګ د بهسودو لومړۍ حصې ولسوالي د بابا غر په لمن کې پرون د د یاد ولایت د اطلاعاتو او فرهنګ ریاست لهخوا د سپورټ امریت او چاپیریال ساتنې ریاست سره په همغږۍ د فرهنګي لوبو مېله ترسره شوه.
د پنجشېر محلي مسوولان وايي چې دغه ولایت کې د وروستیو اوروښتونو له کبله سېلابونه راوتلي چې له امله خلکو ته ګڼ مالي زیانونه اوښتي دي.
سپینغر پړانګانو کرېکټ لوبډلې د شپږیزې لیګ سیالیو په نهمه لوبه کې پامیر زلمیو لوبډلې ته په شپږو وېکټو ماته ورکړه.
کاناډايي چارواکي وايي چې دغه هېواد ته له ګواښ سره د مخ افغانانو د لېږد بهیر په برخه کې ګڼې ستونزې شته، خو دوی هڅه کوي چې له خپلو کړیو ژمنو سره سم، د افغانانو د لېږد بهیر ته دوام ورکړي.
د غزني «سردې بند» کې د ا.ا دوه سرتیري د لامبو وهلو پرمهال اوبو ډوب کړي او مړه شوي. د غزني د امنیې قومنداني ویاند ابوخالد سرحدي د یاد خبر د تایید ترڅنګ سلاموطندار ته ویلي چې د ا.ا دغه دواړه سرتیري پرون ناوخته د یاد ولایت «سردې بند» کې د لامبو وهلو پرمهال اوبو ډوب کړي او مړه شوي دي.
افغانستان کې د تېرو دوو لسیزو پرمهال ګڼشمېر رسنیو د اطلاع رسونې په برخه کې وده وکړه چې د ملاتړ لپاره یې هېواد کې یوشمېر ملاتړو ادارو هم په فعالیت پیل وکړ.
د ماشومانو لپاره د ملګرو ملتونو ملاتړې ادارې یا یونېسف په خپل تازه راپور کې ویلي چې د افغانستان په خوست او پکتیکا ولایتونو کې د شوې زلزلې له امله ۱۵۵ ماشومان مړه او نږدې ۲۵۰ نور تپیان شوي دي.
