هلمند کې د کجکي برښنا بند دویم فاز نن ګټې اخیستنې ته وسپارل شو
د کجکې د دویم فاز د جوړولو چارې د ترکیه د ۷۷ کمپنۍ له لورې د ۱۷۰ میلیونه ډالرو په ارزښت ۲۰۱۶ کال پیل شوي وې چې نن يې کارونه بشپړ او ګټې اخیستنې ته وسپارل شو.
د کجکې د دویم فاز د جوړولو چارې د ترکیه د ۷۷ کمپنۍ له لورې د ۱۷۰ میلیونه ډالرو په ارزښت ۲۰۱۶ کال پیل شوي وې چې نن يې کارونه بشپړ او ګټې اخیستنې ته وسپارل شو.
د المان د بهرنیو چارو وزیرې انالنا بربوک د اروپا ازادي راډیو سره په مرکه کې ویلي چې افغانستان کې د نړۍ په کچه د ښځو او نجونو له حقونو سرغړونې کېږي.
انالنا بربوک همداراز ویلي چې دغه هېواد په افغانستان کې د ښځو او نجونو د حقونو پر وضعیت ځانګړی پام لري.
ازبکستان کې د افغانستان په اړه د نړیوالې غونډې له پای ته رسېدو سره هممهاله یوشمېر شنونکي دغه ناسته د سیمې او نړۍ امنیت ته د افغانستان له خاورې د ګواښ نه پېښېدو په اړه له ا.ا د ډاډ ترلاسه کولو په معنی بولي. بلخوا د پوهنتون استاد محمود اضطرابي یاده ناسته د اسلامي امارت د مشرانو کړنو ته په کتو ګټوره نه بولي.
د افغانستان د ودانیزو، سرک جوړونې، پانګونې او لوژیستیکي شرکتونو د ټولنې شورا د پانګوالو پروړاندې د اسلامي امارت له تګلارې شکایت کوي. د افغانستان د ودانیزو، سرک جوړونې، پانګونې او لوژیستیکي شرکتونو د ټولنې شورا په وینا، د مالیې وزارت د دوی ۶۰ میلیارده افغانۍ کنګل او د خصوصي شرکتونو مسوولان یې ممنوعالخروج اعلان کړي دي.
د پکتیا امنیتي مسوولان وايي چې د دغه ولایت روحاني بابا ولسوالي کې یوه شپږ کلنه نجلۍ په مرموز ډول وژل شوې ده.
د پکتیا محلي مسوولان وايي چې دغه ولایت کې وروستیو اورښتونو د بالاحصار تاریخي ودانۍ ځینو برخو ته زیان رسولی او د نړېدو له ګواښ سره مخ ده.
په دایکندي کې محلي سرچینې او رسنۍ وايي، له تېرو دوو ورځو راهیسې په مرکز او شهرستان، میرامور او خدیر ولسوالیو کې د شویو اورښتونو له امله سېلابونه راوتلي چې پرمهال یوه نجلۍ مړه شوې او خلکو ته یې ګڼ مالي زیانونه اړولې دي. د دایکندي د امنیې قومنداني د ویاند په وینا، د دغه کلي اوسېدونکو د یادې ۱۱کلنې نجلۍ جسد نن له خټو رایستلی دی.
د شپږیزې کرېکټ لیګ په ۱۷ لوبه کې نن بُست ساتونکي او بندامیر ښاماران لوبډلې سره مخ شوې چې بُست ساتونکي لوبډله بریالۍ شوه چې بندامیر ښامارانو ته د ۱۷ منډو په توپیر ماته ورکړي.
د هلمند محلي مسوولان وايي چې پرون له غرمې وړاندې د یاد ولایت په خانشین ولسوالي کې یوه پلار خپل شپږ کلن زوی وهلی ډبولی چې له امله یې ساه ورکړې ده.
واک ته د اسلامي امارت تر بیارسېدو راپدېخوا هېواد کې د پاسپورټ د غوښتونکو کچه په بېمخینې توګه لوړه شوې، خو پاسپورټ ریاست کې د ظرفیت کمښت او د پاسپورټ د غوښتونکو لوړ شمېر، لامل شوی چې د پاسپورټ اخیستلو بهیر له خنډ سره مخ شي.
د ازبکستان په پلازمېنه تاشکند کې د افغانستان په اړه نړیواله ناسته له یوه ورځ ځنډ وروسته نن د یوشمېر هېوادونو او نړیوالو سازمانونو د استازیو په ګډون پیل شوه. ویل کېږي چې یاده نړیواله ناسته به پر اقتصادي او امنیتي موضوعاتو راڅرخي.
د اسلامي امارت د اداري اصلاحاتو او ملکي خدمتونو ادارې مسوولان وايي چې له دې وروسته د دولتي ادارو د کارکوونکو ګومارنه کې «په اسلامي اصولو سمبالښت» ته لومړیتوب ورکول کېږي.
هلمند کې د کجکي برښنا بند له شتون سربېره، د مرکز لښکرګاه ښار او د ناوې او نادعلي ولسوالیو یوشمېر اوسېدونکي او د فابریکو مسوولان د برښنا کمښت او نهشتون څخه سر ټکوي.
د پکتیا محلي مسوولان وايي چې د روانې اوونۍ د دوشنبې ورځې راهیسې په مرکز ګردېز او زرمت ولسوالي کې د سختو اورښتونو له امله سېلابونه راوتلي چې خلکو ته یې درانه ځاني او مالي زیانونه اړولي دي.
د پکتیا د اطلاعاتو او فرهنګ رییس خالقیار احمدزي سلاموطندار ته ویلي چې د وروستیو سېلابونو له امله اته کسان مړه شوي او ۲۰ نور ټپيان دي.
د روزګان محلي مسوولان وايي چې دغه ولایت کې د وروستیو اورښتونو له امله ګڼ سېلابونه راوتلي چې پرمهال دوه کسان مړه شوي او ګڼشمېر خلکو ته مالي زیانونه اوښتي دي. د مسوولانو په وینا، سېلابونه د یاد ولایت په مرکز ترینکوټ او یوشمېر ولسوالیو کې راوتلې دي. په همدې حال کې د سېلاب ځپلو سیمو اوسېدونکي د روزګان له محلي ادارې او مرستندویه بنسټونو د مرستو غوښتنه کوي.
افغانستان کې د ملګرو ملتونو د پراختیايي پروګرام مسوول عبدالله الدرداري سلاموطندار ته ویلي چې دغه سازمان افغانستان کې د اقتصاد پیاوړتیا او د خلکو وضعیت ښهکولو برخه کې ګټورې پروژې تر لاس لاندې لري.